Danié 11:19 - Tupanaarü Ore

¹⁹ Rü ngẽmawena i ngẽma Nórteanearü ãẽ̱xgacü rü tá nachixü̃anearü ĩanegü ya ípoxegugüneca̱x nataegu. Natürü chixexü̃ tá nüxü̃ naxüpetü rü ngẽxma tá nayu. Rü tagutáma wena nachiga nidexagü.

Danié 11:19 Referans Kwoze

Echequié 26:21

Rü choma rü wüxi i nachica i ãũcümaxü̃xü̃ tá cuxü̃ chixĩxẽxẽ rü ngẽmaãcü tá icuyarüxo. Rü tá cuxca̱x nadaugü i duü̃xü̃gü natürü tagutáma cuxü̃ nayangaugü. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Wiyaegü 37:36

Natürü ngẽxguma wena ínangexmaxü̃wa chaxüpetügux, rü naxca̱x chadau rü marü nataxuma, rü taxuxü̃ma ichayangau.

Yeremía 46:6

Rü taxucürüwama nibuxmü i ngẽma rüporamaegüxü̃. Rü ngẽma tama muü̃wa̱xegüxü̃ rü taxucürüwa nibuxmü. Rü nórtewaama i taxtü i Eufrátecutüwa rü ngẽxma nayayi.

Wiyaegü 27:2

Rü ngẽma chixexü̃gü i chorü uanügü rü cha̱u̱xca̱x nibuxmü nax choxü̃ yama̱xgüxü̃ca̱x. Natürü nüxchiama tá guxchaxü̃gu nayi.

Yox 20:8

Rü ñoma wüxi i ta̱xacü i nagu ixãnegüxü̃ rüe̱xna chütacü ingõ̱xetügurüxü̃ tá inayarüxo, rü tagutáma wena texé ñuxgu nüxü̃ tadau.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.

Danié 11:7

Natürü wüxi i ngĩtanüxü̃ rü tá ãẽ̱xgacüwa nangu i súranewa, rü tá naxca̱x ínayaxüãchi i ngẽma nórteanearü churaragü. Rü tá namaxã inacua̱xgü i ngẽma nórtecüã̱xarü poxü̃chica. Rü tá ngẽma nórteanearü churaragüxü̃ narüporamaegü.

Yox 34:24

Rü Tupana rü taxúenama naca nax ínawoxü̃ãxü̃ca̱x i ngẽma nügü írüporaexü̃ rü ñu̱xũchi togüna nax naxããxü̃ca̱x i nachica.

Wiyaegü 37:35

Rü nüxü̃ chadau i ngẽma duü̃xü̃ i chixecümaxü̃ nax nügü yacua̱xüü̃xü̃ rü nügü ínatagüxü̃ ñoma wüxi i nai i taetaxü̃rüxü̃.