Danié 11:13 - Tupanaarü Ore

¹³ Rü ngẽma nórteanearü ãẽ̱xgacü rü tá nananutaque̱xe i nüxíraxü̃güxü̃arü yexera rümumaexü̃ i to i norü churaragü. Rü mea tá nixãxne. Rü ngẽmaãcü ñuxre ya taunecüwena rü tá wenaxarü ngẽma súranearü ãẽ̱xgacüca̱x ínayaxüãchi.

Danié 11:13 Referans Kwoze

Danié 4:16

Rü tá naxãũãxẽ rü ñoma wüxi i naeü̃rüü̃ãcü tá namaxü̃. Rü ngẽmaãcü tá nixĩ i 7 ya taunecü.

Danié 12:7

Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.

Danié 11:12

Rü nüma i ngẽma súranearü ãẽ̱xgacü rü tá nügü nicua̱xüxü̃ erü norü uanüxü̃ narüporamae rü ñu̱xũchi nanadai i muxü̃ma i norü uanüarü churaragü. Natürü taxũtáma mucü ya taunecü natai i norü pora.

Danié 11:14

Rü ngẽma ngunexü̃gügu rü muxü̃tama i súrcüã̱x i duü̃xü̃gü rü tá norü ãẽ̱xgacümaxã nanue. Rü ngẽmatanüwa tá nangẽxmagü i ñuxre i Iraétanüxü̃ i chixexü̃gu maxẽxü̃, ngẽma cunegüwa nüxü̃ cudauxü̃rüxü̃. Rü tá nórtearü ãẽ̱xgacüwa naxügü. Natürü ngẽma súranearü ãẽ̱xgacü rü tá nüxü̃ narüporamae.

Danié 11:40

Rü ngẽxguma nawa nanguxgu nax nügü nada̱i̱xü̃ rü ngẽma súr-arü ãẽ̱xgacü rü tá ngẽma nórtearü ãẽ̱xgacüca̱x ínayagoõchi. Natürü ngẽma nórtearü ãẽ̱xgacü rü ñoma wüxi ya buanecü ya íxãũxẽmacürüxü̃ tá naxca̱x niñaama. Rü carugü i dairuxü̃ ixĩgüxü̃maxã, rü churaragü i cowarutagu ixĩxü̃maxã tá nayapaxẽxẽ i ngẽma nachixü̃ane. Rü tá namu ya norü wapurugü.