Danié 10:5 - Tupanaarü Ore

⁵ Rü ngürüãchi nüxü̃ chadau ga wüxi ga yatü ga línuchimaxã ãxchiruxü̃ rü úirumaxã goyexü̃ã́xü̃.

Danié 10:5 Referans Kwoze

Echequié 9:2

Rü ñu̱xũchi nüxü̃ chadau ga 6 ga yatügü ga guma ĩanegu chocuxü̃ nawa ga yema norü ĩã̱x ga dauxchitawaama üxü̃ ga nórtewa. Rü wüxichigü ga yema yatügü rü nayange ga wüxi ga naxne ga ma̱xeruxü̃. Rü yemaarü ngãxü̃tanügu nixũchigü ga wüxi ga yatü ga línuchimaxã ãxchiruxü̃. Rü norü goyexü̃wa nayangaxcuchiweü̃ ga norü ümatüruxü̃. Rü yema yatügü rü Tupanapataa̱xtügu nachocu, rü yema ãmarearü guruxü̃ ga bróũchenaxca̱xü̃tawa nayachaxãchitanü.

Yeremía 10:9

Rü ngẽma naxchicüna̱xãgü rü Tárchixwa ne naxü̃ i diẽrumünaxca̱x nixĩgü, rü Ufáwa ne naxü̃ i úirunaxca̱x nixĩgü. Rü yatügü i naxchicüna̱xãarü üxü̃ cuáxü̃ rü yatügü i úiruwa rü diẽrumüwa puracüxü̃ nixĩ i naxügüxü̃. Rü ñu̱xũchi nayaxüxchiru namaxã i naxchiru i dauxracharaxü̃ rü daucharaxü̃. Rü guxü̃ma i ngẽma naxchicüna̱xãgü rü yatügü i norü üxü̃ icua̱xüchixü̃ nixĩ i ínaxüxü̃xü̃.

Yochué 5:13

Rü wüxi ga ngunexü̃gu ga Yochué rü ĩane ga Yericúarü ngaicamagu nayachi. Rü nüxü̃ nadau ga wüxi ga yatü ga yexma chíxü̃ ga norü tara ngĩxü̃ ngexü̃. Rü Yochué rü naxca̱x nixũ rü nüxna naca rü ñanagürü: —¿Cumax rü totanüxü̃ quixĩ rüe̱xna torü uanü quixĩ? —ñanagürü.

Efesios 6:14

Rü ngẽmaca̱x name nixĩ i mea pegüna pedaugü nax tama ngẽma perü uanüme̱xẽgu peyixü̃ca̱x. Rü Tupanaarü ore i aixcüma ixĩxü̃maxã pegü pigoye. Rü pegü picuxcuchi i Tupanacüma i peremüarü poxü̃ruxü̃ ixĩxü̃.

Chacaría 1:8

Rü wüxi ga chütaxü̃gu rü chango̱xetü rü nüxü̃ chadau ga wüxi ga duü̃xü̃ ga dauxü̃cüã̱x ga cowaru ga dauxü̃étügu aunagüxü̃. Rü wüxi ga ngatewa yexmaxü̃ ga naixtanüpechitawa nayachaxãchi, norü cowarumaxã. Rü yemaweama nayexmagü ga wüxitücumü ga cowaru ga idauxü̃, rü to ga idáuxraxü̃ rü to ga icómüxü̃.

Ichaía 11:5

Rü nüma ya yimá ãẽ̱xgacü rü meama guxü̃ma i duü̃xü̃gümaxã tá inacua̱x. Rü aixcüma tá nayanguxẽxẽ i ngẽma ore i nüxü̃ yaxuxü̃.