Danié 10:13 - Tupanaarü Ore

¹³ Natürü ngẽma naãxẽ i chixexü̃ i Pérchiaanearü ãẽ̱xgacümaxã icuáxü̃ rü 21 ga ngunexü̃ rü choxü̃́ nanaguxchaxẽxẽ. Natürü nüma ya Miguére i ãẽ̱xgacü i tacü ixĩxü̃ i daxũcüã̱xtanüwa rü nua naxũ rü choxü̃ narüngü̃xẽxẽ. Yerü ga choma ga noxri rü chaxicatama chaugümaxã chawüxica̱x ngẽma naãxẽ i chixexü̃ i Pérchiaanearü ãẽ̱xgacümaxã icuáxü̃.

Danié 10:13 Referans Kwoze

Popera ga Yúda ümatüxü̃ 1:9

Rü ngẽma duü̃xü̃gü i naechitamare idexagüxü̃ rü tama Tupanaarü orearü ngeruxü̃ ga Miguérerüxü̃ nügüna nadau i norü orewa. Rü gumá Miguére rü woo guxü̃ i Tupanaarü orearü ngeruü̃gü i daxũcüã̱xarü ãẽ̱xgacü nax yixĩxü̃, natürü tama Chatanámaxã naguxchiga ga yexguma Moichéxü̃neca̱x yéma nügümaxã yaporagatanücüüxgu. Natürü nüma ga Miguére rü ñanagürümare: “Cori ya Tupana tá cuxü̃ nanga”, ñanagürümare.

Danié 12:1

Rü ñanagürü ta: —Rü tá ínangugü i ngunexü̃gü i nagu tá nangẽxmaxü̃ i taxü̃ i guxchaxü̃gü i taguma ñuxgu nüxü̃ idauxü̃ ga yexguma noxritama nangóegu ga nachixü̃anegü. Rü ngẽxguma ngẽma ngunexü̃güwa nanguxgu rü tá nango̱x ya Miguére ya dauxü̃cüã̱xarü ãẽ̱xgacü ya curü duü̃xü̃gü i Iraétanüxü̃xü̃ ípoxü̃cü. Rü ngẽxguma ngẽma ngunexü̃güwa nanguxgu rü guxü̃ma i ngẽma curü duü̃xü̃gü i Iraétanüxü̃ i Tupanaarü poperagu ümatüégaxü̃ rü tá namaxẽ naétüwa i ngẽma guxchaxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:7

Rü yemawena ga daxũwa rü Miguére ga Tupanaarü orearü ngeruü̃güarü ãẽ̱xgacü rü guxü̃ma ga natanüxü̃ ga orearü ngeruü̃gü, rü nügü nadai namaxã ga yema coya ga taxüchixü̃ rü norü orearü ngeruü̃gü. Rü yema coya rü ñu̱xũchi norü orearü ngeruü̃gü i chixexü̃ rü poraãcü Tupanaarü orearü ngeruü̃gümaxã nügü nadai.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

1 Tesalonicenses 2:18

Rü aixcüma ngéma taxĩxchaü̃. Rü chomatama muẽ̱xpü̱xcüna chanaxwa̱xe nax ngéma petanüwa chaxũxü̃, natürü Chataná rü toxü̃́ nanaguxchaxẽxẽ nax tama ngéma taxĩxü̃ca̱x.

Colosenses 2:10

Rü ñu̱xmax, rü pewa nangẽxma i Tupanaarü pora erü Cristuarü pixĩgü. Rü nüma ya Cristu rü namaxã inacua̱x i guxü̃ma i naãẽgüarü ãẽ̱xgacügü i iporaexü̃.

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

Édra 4:24

Rü yemaacü nixĩ ga íyachaxãchixü̃ ga Tupanapata ga taxü̃nearü mexẽxẽ ga Yerucharéü̃wa. Rü tama nawa napuracüe ñu̱xmata Daríu taxre ga taunecü inguxẽxẽ nax ãẽ̱xgacü yixĩxü̃ ga Pérchiaanewa.