Danié 10:12 - Tupanaarü Ore

¹² Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Danié 10:12 Referans Kwoze

Ichaía 58:9

Rü ngẽxguma choxna pecagügu rü choma rü tá pexü̃ changãxü̃. Rü ngẽxguma cha̱u̱xca̱x aita pexüegu nax ngü̃xẽẽca̱x ípecagüxü̃, rü choma rü tá ñacharügü pexü̃: “Chanuxma nixĩ”, ñacharügü tá. Rü ngẽxguma nüxü̃ perüxoegu nax to̱xguã̱xmaxã chixri ipecuáxü̃, rü tama to̱xguã̱xmaxã chixexü̃ pixugüegu, rü tama dora tümachiga pixugüegu, rü ngẽxguma tümamaxã pingauxgu i perü õna ya yíxema taiyaxe, rü tüxü̃ perüngü̃xẽẽgu ya yíxema ngúxü̃ ingegüxe, rü ñoma omü i waanexü̃wa inaixü̃rüxü̃ rü ñoma üa̱xcü i tocuchianegu báxixü̃rüxü̃ tá nango̱x nax aixcüma namexü̃ i perü maxü̃.

Ore i mexü̃ ga Matéu ümatüxü̃ 28:5

Rü yexguma ga yema orearü ngeruxü̃, rü ñanagürü ngĩxü̃ ga yema ngecügü: —¡Taxṹ i pemuü̃exü̃! Choma nüxü̃ chacua̱x rü naxca̱x pedaugü ya Ngechuchu ga gumá curuchawa yapotagüãcü.

Ichaía 65:24

Rü naxü̃pa nax nüma choxna nacagüexü̃, rü choma ya Tupana rü marü tá nüxü̃ changãxü̃. Rü naxü̃pa nax yanachianegüxü̃ nax choxna nacagüexü̃, rü choma rü marü tá nüxü̃ chaxĩnü.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ichaía 35:4

Rü ngẽma muü̃exü̃ rü nüxü̃ ñapegügü: —¡Piporae, rü taxṹ i pemuü̃exü̃! Rü daa nixĩ ya perü Tupana nax pexü̃ ínapoxü̃xü̃ca̱x. Rü nüma tá nanapoxcue i perü uanügü i guxchaxü̃ pexca̱x íngu̱xẽẽxü̃ —ñapegügü.

Ore i mexü̃ ga Luca ümatüxü̃ 24:38

Natürü ga Ngechuchu rü ñanagürü nüxü̃: —¿Tü̱xcüü̃ pebaixãchiãẽgü rü tama peyaxõgü nax choma chixĩxü̃?

Lebítanüxü̃arü puracüchiga 16:31

Rü ngẽma tá nixĩ i wüxi i mu i guxü̃gutáma nagu pexĩxü̃. Rü pema i ngẽma ngunexü̃gu rü tá iperüngügü, rü tama pechibüeãcüma tá perücho.

Lebítanüxü̃arü puracüchiga 16:29

Rü ñaa tá nixĩ i wüxi i mu i guxü̃gutáma nagu pexĩxü̃ i pemax. Rü ngẽxguma yimá 7 ya tauemacüarü 10 i ngunexü̃wa nanguxgu, rü tá penaxaure i ngẽma ngunexü̃. Rü ngẽma ngunexü̃gu rü guxãma i pema i Iraétanüxü̃ rü tá iperüngügü i perü puracüwa. Rü ngẽxgumarüxü̃ ta i ngẽma duü̃xü̃gü i to i nachixü̃anecüã̱xgü i petanügu ãchiü̃güxü̃, rü ta nanaxauregü i ngẽma ngunexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

Ngechuchuarü ngúexü̃gü ga yamugüxü̃arü puracüchiga 27:24

Rü ñanagürü choxü̃: “¡Taxṹ i cumuü̃xü̃, Pa Paurux! Erü Rómaarü ãẽ̱xgacü ya Chécharupe̱xewa tá cungu, rü cugagu tá Tupana nanamaxẽxẽxẽ i guxü̃ma i ngẽma cumücügü i cumaxã ngẽxma wapurugu ĩxü̃”, ñanagürü choxü̃.

Wiyaegü 69:10

Rü ngẽxguma cuxca̱x chaxaxugu rü tama chachibüãcüma chayumüxẽgu rü nümagü rü choxü̃ nacugüe.

Ore i mexü̃ ga Luca ümatüxü̃ 2:10

Natürü yema orearü ngeruxü̃ ga daxũcüã̱x, rü ñanagürü nüxü̃: —¡Taxṹ i pemuü̃exü̃! Erü pexca̱x nua chanange i wüxi i ore i taãẽxẽẽruxü̃ i guxü̃ i duü̃xü̃güca̱x ixĩxü̃.

Ore i mexü̃ ga Luca ümatüxü̃ 1:30

Rü yexguma ga Gábi rü ñanagürü ngĩxü̃: —Pa Maríax, ¡taxṹ i cumuü̃xü̃! Erü Tupana rü poraãcü cumaxã nataãxẽ.

Ore i mexü̃ ga Luca ümatüxü̃ 1:13

Natürü yema daxũcüã̱x ga Tupanaarü orearü ngeruxü̃ rü ñanagürü nüxü̃: —Pa Chacaríax, ¡taxṹ i cumuü̃xü̃! Erü Tupana rü marü nüxü̃ naxĩnü i curü yumüxẽ. Rü cuxma̱x i Erichabé rü cuxü̃́ tá ixãxãcü, rü Cuáü̃gu tá cunaxüéga.

Ore i mexü̃ ga Márcu ümatüxü̃ 16:6

Natürü nüma rü ñanagürü ngĩxü̃: —¡Taxṹ i peba̱i̱xãchiexü̃! Pema rü naxca̱x pedaugü ya Ngechuchu ya Nacharétucüã̱x ga gumá curuchawa yapotagüãcü. Marü wena namaxü̃, rü nataxuma i nua. ¡Dücax, mea nüxü̃ peda̱u̱x i ñaa nachica ga nagu naxügüãxü̃!

Ore i mexü̃ ga Matéu ümatüxü̃ 28:10

Rü nüma ga Ngechuchu rü ñanagürü ngĩxü̃: —¡Taxṹ i pemuü̃exü̃! ¡Rü ípixĩ rü chauenexẽgü i chorü ngúexü̃gümaxã nüxü̃ peyarüxu rü Gariréaanewa naxĩ! Rü ngéma tá nixĩ i choxü̃ nadaugüxü̃ —ñanagürü.

Danié 10:11

Rü ñu̱xũchi ñanagürü choxü̃: —Pa Daniéx, Tupana rü cuxü̃ nangechaü̃. ¡Rü mea irüxĩnü i ngẽma tá cumaxã nüxü̃ chixuxü̃! ¡Rü inachi! Erü choxü̃ nixĩ i cuxü̃tawa namuxü̃ ya Tupana —ñanagürü. Rü yexguma yagúegagu nax yadexaxü̃ rü choma rü chidu̱xruxãcüma ichachi.

Iraétanüxü̃arü muxchiga 29:7

Rü yimátama 7 ya tauemacüarü 10 i ngunexü̃gu rü cha̱u̱xca̱x tá pengutaque̱xegü i pema. Rü ngẽma ngunexü̃gu rü taxũtáma pechibüe rü ñu̱xũchi taxuxü̃táma i puracü pexüe.