Danié 1:7 - Tupanaarü Ore

⁷ Rü nüma ga yema ãẽ̱xgacüarü duü̃xü̃güeru rü nanaxüchicüxü ga Daniééga rü Betachágu nanaxüéga, rü ga Ananía rü Chadrágu nanaxüéga, rü ga Michaé rü Mechágu nanaxüéga, rü ga Acharía rü Abex-negó nanaxüéga.

Danié 1:7 Referans Kwoze

Danié 5:12

Rü nüma rü Danié nixĩ. Rü nüma ga gumá cunatü rü Betachágu nanaxüéga. Rü ngẽma yatü rü poraãcü cua̱x nüxü̃́ nangẽxma rü nüxü̃́ natauxcha nax nango̱xẽẽãxü̃ i wüxi i nanegü, rü nango̱xẽẽãxü̃ i ta̱xacü i cúxü̃, rü namexẽẽãxü̃ i taxü̃ i guxchaxü̃gü. ¡Rü naxca̱x nangema ya yimá yatü ya Danié! Rü nüma tá nixĩ i cumaxã nüxü̃ yaxuxü̃ nax ta̱xacüchiga yixĩxü̃ i ngẽma ĩxtapü̱xgu ümatüxü̃ —ngĩgürügü.

Danié 4:8

Rü Daniéwa nixĩ ga iyacuáxü̃ nax chauxü̃tawa naxũxü̃. Rü nüma rü chorü tupanaégagu Betachágu chanaxüéga. Rü nüma i Danié rü Tupana ya Üünecüãxẽ namaxã inacua̱x. Rü namaxã nüxü̃ chixu ga yema nagu chaxãnegüxü̃ rü ñachagürü:

Danié 2:49

Rü nüma ga Danié rü ãẽ̱xgacüna naca nax nüxü̃ naxunetaxü̃ca̱x ga namücügü ga Chadrá rü Mechá rü Abex-negó nax yemagü norü ngü̃xẽẽruü̃gü yixĩgüxü̃ca̱x ga Babiróniaanewa. Rü nüma ga Danié rü ãẽ̱xgacüpatawatama nayexma nax yéma nüxü̃ nangü̃xẽẽxü̃ca̱x.

Danié 1:3

Rü ñu̱xũchi nüma ga Nabucudonochó rü norü ngü̃xẽẽruxü̃ ga Apenáxü̃ namu nax yema Iraéanearü ãẽ̱xgacütanüwa yadexechiãxü̃ca̱x ga ñuxre ga ngextü̱xüxü̃gü ga Yudíugü nax norü ngü̃xẽẽruü̃gü yixĩgüxü̃ca̱x.

Norü taxre ga popera ga ãẽ̱xgacügüchiga 24:17

Rü yemawena ga Babiróniaanearü ãẽ̱xgacü rü Mataníaxü̃ naxuneta nax Yudáanearü ãẽ̱xgacü yixĩxü̃ca̱x, nachicüxü ga namagü ga Yoaquíü̃. Rü ñu̱xũchi nanaxüchicüxü ga Mataníaéga, rü Chedequíagu nanaxüéga.

Norü taxre ga popera ga ãẽ̱xgacügüchiga 23:34

Rü ñu̱xũchi nüma ga Faraóü̃ ga Necáu rü Yochía nane ga Eriaquíü̃xü̃ naxuneta nax nanatüchicüxü Yudáanearü ãẽ̱xgacü yixĩxü̃ca̱x. Rü nanaxüchicüxü ga naéga rü Yoaquíü̃gu nanaxüéga. Rü guma Yoacá rü Equítuanewa nanaga rü yexma nayayu.

Danié 2:26

Rü yexguma ga nüma ga ãẽ̱xgacü rü Danié ga Betachámaxã naxugüãcüxü̃ ñanagürü: —¿Cuxü̃́ natauxchaxü̃ nax chomaxã nüxü̃ quixuxü̃ ga yema nagu chaxãnegüxü̃ rü ta̱xacüchiga yixĩxü̃ ga yema chaunegü? —ñanagürü.

Naanearü ügüchiga 41:45

Rü yexguma ga Faraóü̃ rü Equítuanecüã̱xégamaxã Yúchexü̃ naxüéga. Rü Cháfenax-panéagu nanaxüéga. Rü ñu̱xũchi nanaxüxma̱x ngĩmaxã ga Achená ga chacherdóte ga Potiféraxacü. Rü nüma ga ngĩnatü rü ĩane ga Óü̃arü chacherdóte nixĩ. Rü yemaacü nixĩ ga Yúche ga Equítuanearü ãẽ̱xgacü yixĩxü̃.

Danié 1:19

Rü nüma ga ãẽ̱xgacü rü namaxã nidexa ga guxü̃ma ga yema ngextü̱xüxü̃gü. Rü natanüwa rü nataxuma ga texe ga Daniémaxã, rü Ananíamaxã, rü Michaémaxã, rü Acharíamaxã wüxiguxü̃ ga norü cua̱xwa. Rü yemaca̱x ga nüma ga ãẽ̱xgacü rü nanade ga yema ãgümücü ga ngextü̱xüxü̃gü nax norü ngü̃xẽẽruü̃gü yixĩgüxü̃ca̱x.

Danié 10:1

Rü gumá norü tomaepü̱x ga taunecü nax ãẽ̱xgacü yixĩxü̃ ga Chíru ga Pérchiaanewa, rü choma ga Danié ga Betachámaxã choxü̃ naxugüe rü Tupana choxü̃ nüxü̃ nadauxẽxẽ i ngẽma tá ngupetüxü̃. Rü yema nüxü̃ chadauxü̃ rü aixcüma nixĩ, natürü poraãcü naguxcha nax nüxü̃ icuáxü̃ nax ta̱xacüchiga yixĩxü̃. Natürü ga choma rü meama chanangugü nax ta̱xacüchiga yixĩxü̃ rü yemaacü nüxü̃ chacua̱xama ga yema nüxü̃ chadauxü̃.

Danié 4:5

Natürü wüxi ga chütaxü̃gu ga yexguma marü chapexgu rü chaxãnegü. Rü namaxã chaba̱i̱xãchi ga yema nagu chaxãnegüxü̃ yerü yema chaunegüwa nüxü̃ chadauxü̃ rü naxãũcümaxü̃chi, rü yemaca̱x poraãcü chamuü̃.