Danié 1:17 - Tupanaarü Ore

¹⁷ Rü yema ãgümücü ga ngextü̱xüxü̃gü, rü Tupana rü cua̱x nüxna naxã nax nüxü̃ nacua̱xgüxü̃ca̱x ga naguxü̃raü̃xü̃ ga cua̱x ga poperagu ümatüxü̃. Rü nüma ga Tupana rü naétü Daniéxü̃ narüngü̃xẽxẽ nax nüxü̃ nacuáxü̃ca̱x nax ta̱xacüchiga yixĩxü̃ ega texé ngo̱xetügu rüe̱xna ãnegügu.

Danié 1:17 Referans Kwoze

Popera ga Chantiágu ümatüxü̃ 1:5

Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Yox 32:8

Natürü tama ngẽma nax namuarü taunecüã́xü̃gagu nixĩ nax wüxi ya yatü cua̱x nüxü̃́ ngẽxmaxü̃. Erü yimá Tupana ya Guxãétüwa Ngẽxmacü nixĩ ya inaxãcü i wüxíechigüarü cua̱x.

Danié 2:23

Rü moxẽ cuxna chaxã rü cuxü̃ chicua̱xüxü̃, Pa Chaunatügüarü Tupanax, erü cua̱x choxna cuxã rü choxü̃ cuporaxẽxẽ. Rü ñu̱xmax rü choxü̃ nüxü̃ cucua̱xẽxẽ i ngẽma cuxna naxca̱x taca̱xaxü̃, rü toxü̃ nüxü̃ cucua̱xẽxẽ i ngẽma nanegü i ãẽ̱xgacü naxca̱x oegaãẽxü̃ —ñanagürü.

Colosenses 1:9

Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.

Ucu̱xẽgüchiga 2:6

Erü nüma ya Cori ya Tupana nixĩ i cua̱x tüxna ãcü, rü naã̱xwa nixĩ i íyachoxü̃tanücüüxü̃ i guxü̃ma i cua̱x.

Ngechuchuarü ngúexü̃gü ga yamugüxü̃arü puracüchiga 6:10

Natürü taxuacüma Estébaxü̃xü̃ narüyexeragü, yerü nüma ga Estébaü̃ rü nidexa namaxã ga yema cua̱x ga Tupanaãxẽ ya Üünecü nüxna ãxü̃.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Ngechuchuarü ngúexü̃gü ga yamugüxü̃arü puracüchiga 7:22

Rü yemaacü Moichéxü̃ nangu̱xẽẽgü ga guxü̃ma ga Equítuanecüã̱xarü cua̱x. Rü nüma ga Moiché rü norü dexawa rü yema naxüxü̃wa rü wüxi ga yatü ga poracü nixĩ.

Danié 10:1

Rü gumá norü tomaepü̱x ga taunecü nax ãẽ̱xgacü yixĩxü̃ ga Chíru ga Pérchiaanewa, rü choma ga Danié ga Betachámaxã choxü̃ naxugüe rü Tupana choxü̃ nüxü̃ nadauxẽxẽ i ngẽma tá ngupetüxü̃. Rü yema nüxü̃ chadauxü̃ rü aixcüma nixĩ, natürü poraãcü naguxcha nax nüxü̃ icuáxü̃ nax ta̱xacüchiga yixĩxü̃. Natürü ga choma rü meama chanangugü nax ta̱xacüchiga yixĩxü̃ rü yemaacü nüxü̃ chacua̱xama ga yema nüxü̃ chadauxü̃.

Echequié 28:3

¿Rü cumax, Pa Tíruarü Ãẽ̱xgacüx, nagu curüxĩnügu rü Tupanaarü orearü uruxü̃ i Daniéarü yexera nüxü̃ curücua̱xmae? ¿Ẽ̱xna nagu curüxĩnügu rü nataxuma i ta̱xacü i cuxca̱x ẽxü̃guxü̃?

Norü taxre ga to ga popera ga ãẽ̱xgacügüchiga ümatüxü̃ 26:5

Rü yexguma namaxü̃gu ga Chacaría ga Tupanaarü orearü uruxü̃ rü nüma ga Uchía rü mea Tupanaga naxĩnü, yerü ga Chacaría rü nanangu̱xẽxẽ nax Tupanaxü̃ nangechaü̃xü̃ca̱x. Rü yexguma Tupanaga naxĩnügu ga nüma ga Uchía, rü nüma ga Tupana rü poraãcü nüxü̃ narüngü̃xẽxẽ.

Iraétanüxü̃arü muxchiga 12:6

Rü nüma ga Cori ya Tupana rü ñanagürü: —¡Choxü̃ iperüxĩnüe i ñaa pemaxã tá nüxü̃ chixuxü̃! Rü ngẽxguma petanüwa nangẽxmagu i wüxi i chorü orearü uruxü̃, rü choma nixĩ i chanango̱xetüxẽẽxü̃ rü nanegüwa namaxã chidexaxü̃.

Danié 7:1

Rü wüxi ga chütaxü̃ ga yexguma marü wüxi ga taunecü Babiróniaanewa ãẽ̱xgacü yixĩxgu ga Berchachá, rü Danié rü naxãnegü rü nango̱xetü. Rü yexguma naba̱i̱xãchigu rü nanaxümatü ga yema nagu naxãnegüxü̃. Rü ñaa nixĩ ga yema naxümatüxü̃:

Danié 2:19

Rü yema chütaxü̃gu rü Tupana Daniéca̱x nanango̱xẽxẽ ga ta̱xacüchiga nax yixĩxü̃ ga yema ãẽ̱xgacü nagu ãnegüxü̃. Rü yemaca̱x nüma ga Danié rü Tupanaxü̃ nicua̱xüxü̃ rü ñanagürü:

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ichaía 28:26

Rü Tupana nixĩ ya cua̱x nüxna ãcü nax ñuxãcü tá natoexü̃.

Ngu̱xẽẽtaeruü̃arü ore 2:26

Rü aixcüma Tupana tüxna nanaxã i cua̱x rü taãxẽ ya yíxema tüxü̃ nadáuxe nax mexü̃ taxüxü̃. Natürü yíxema chixexü̃arü üruxü̃ ixĩxẽ, rü nüma ya Tupana rü tüxü̃ nayixerü nax tügü tamuarü ngẽmaxü̃güã̱xẽẽxü̃. Natürü Tupana rü yixcüama tüxna nanade i tümaarü ngẽmaxü̃gü nax yíxema tümamaxã nataãẽxẽẽna naxããxü̃ca̱x. Rü yíxema chixexü̃ üxe rü guxü̃ma i ngẽma tayaxuxü̃ rü natüca̱xmamare nixĩ. Rü ñoma buanecü ya taxucürüwama yauxemachaü̃cürüxü̃ nixĩ.

Norü taxre ga to ga popera ga ãẽ̱xgacügüchiga ümatüxü̃ 1:10

¡Rü ẽcü choxna naxã i cua̱x nax chauãẽxü̃ chacuáxü̃ca̱x rü mea namaxã ichacuáxü̃ca̱x i ñaa curü duü̃xü̃gü i muxũchixü̃! ¿Erü texé tüxü̃́ natauxcha nax namaxã itacuáxü̃ i guxü̃ma i ñaa curü duü̃xü̃gü? —ñanagürü.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Danié 8:1

Rü yexguma marü tomaepü̱x ga taunecü Babiróniawa ãẽ̱xgacü yaxĩxgu ga Berchachá rü choma ga Danié rü wenaxarü chaxãnegü.

Danié 5:14

Rü chomaxã nüxü̃ nixugü nax tupanagüãxẽ cuwa ngẽxmaxü̃, rü ngẽmaca̱x nixĩ i cua̱x cuxü̃́ ngẽxmaxü̃ rü nüxü̃ cucua̱xüchixü̃.

Norü taxre ga to ga popera ga ãẽ̱xgacügüchiga ümatüxü̃ 1:12

Rü ñu̱xma rü cuxna chanaxã i cua̱x nax mea cuãẽxü̃ cucuáxü̃ca̱x. Natürü naétü cuxna chanaxã i diẽru rü ngẽmaxü̃gü rü yema nüxíraxü̃güxü̃ ga ãẽ̱xgacügüarü yexera cuxü̃ chatachigaxẽxẽ. Rü ngẽma cuwena ãẽ̱xgacügü ixĩgüxü̃ rü taxũtáma ngẽxgumarüxü̃ chanatachigaxẽxẽ —ñanagürü ga Tupana.

Danié 1:4

Rü yema ngextü̱xüxü̃gü ga yadexechixü̃ rü nimechametü rü naxü̃newa taxuwama nichixe, rü meama naãẽxü̃ nicua̱x, rü meama poperaxü̃ icuáxü̃ nixĩgü nax yemaacü guxü̃wama yamexü̃ nax ãẽ̱xgacüpatawaarü ngü̃xẽẽruxü̃ yixĩgüxü̃ca̱x. Rü ñu̱xũchi nüma ga Apená rü yema ngextü̱xüxü̃güxü̃ nangúexẽxẽ ga naga ga Babiróniacüã̱x rü nacümagü ga poperagu ümatüxü̃.

Danié 1:18

Rü yexguma marü yanguxgu ga yema uenü ga ãẽ̱xgacü ga Nabucudonochó nagu unetaxü̃ nax nape̱xewa nagagüãxü̃ca̱x ga guxü̃ma ga yema ngextü̱xüxü̃gü ga ãẽ̱xgacüarü puracüca̱x ngúexü̃, rü nüma ga yema ãẽ̱xgacüarü duü̃xü̃güeru rü ãẽ̱xgacüpe̱xewa nanagagü ga yema ngextü̱xüxü̃gü.

Danié 1:20

Rü nüma ga ãẽ̱xgacü rü yexguma norü ucu̱xẽca̱x nüxna nacaxgu nax mea nachixü̃anemaxã inacuáxü̃ca̱x, rü Daniéwa rü namücügüwa nüxü̃ inayangau nax 10 e̱xpü̱xcüna guxü̃ma ga yema norü ucu̱xẽruü̃gü ga yuüexü̃arü yexera nüxü̃ yacua̱xüchixü̃.

Danié 2:30

Rü ngẽxgumarüxü̃ ta ya Tupana rü cha̱u̱xca̱x nanango̱xẽxẽ ga yematama cuma nagu cuxãnegüxü̃. Natürü tama ngẽma togüarü yexera nüxü̃ charücua̱xmaexü̃ca̱x nixĩ i choxü̃ nüxü̃ nacua̱xẽẽxü̃ i ngẽma. Rü cha̱u̱xca̱x nanango̱xẽxẽ nax cumaxã nüxü̃ chixuxü̃ca̱x nax ta̱xacüchiga yixĩxü̃ ga yema cunegü nax ngẽmaãcü cuma rü ta nüxü̃ cucuáxü̃ca̱x.

Danié 4:6

Rü yemaca̱x naxca̱x changema ga guxü̃ma ga chorü ucu̱xẽruü̃gü ga Babiróniaanecüã̱x nax nua choxü̃ íyadaugüxü̃ca̱x rü chomaxã nüxü̃ yaxugüxü̃ca̱x nax ta̱xacüchiga yixĩxü̃ ga yema nagu chaxãnegüxü̃.