Danié 1:15 - Tupanaarü Ore

¹⁵ Rü yexguma 10 ga ngunexü̃gü marü ngupetügu rü nümagü ga yema ãgümücü ga ngextü̱xüxü̃gü rü tama nida̱xawee rü narüporamaegü nüxü̃ ga yema togü ga ngextü̱xüxü̃gü ga ãẽ̱xgacüwemü ngõ̱xgüxü̃.

Danié 1:15 Referans Kwoze

Ínachoxü̃xü̃chiga 23:25

¡Rü nüxü̃ icua̱xüxü̃ ya Cori ya curü Tupana, erü nüma tá cuxü̃ narüngü̃xẽxẽ namaxã i curü õnagü rü dexá. Rü choma rü tá cuxna chanayáxü̃guxẽxẽ i ngẽma da̱xaweane. Rü taxúetama tayu naxü̃pa nax mea o̱xiwa tangux. Rü cuchixü̃anewa rü nataxutama i ngecü i yuxacücü rü ñu̱xũchi ngexacüechacü.

Ore i mexü̃ ga Matéu ümatüxü̃ 4:4

Natürü Ngechuchu nanangãxü̃, rü ñanagürü: —Tupanaarü ore i ümatüxü̃ rü ñanagürü: “Taũtáma paũxica nanamaxẽxẽxẽ i duü̃xü̃gü, natürü guxü̃ma i ore ya Tupana nüxü̃ ixuxü̃ nixĩ i duü̃xü̃güxü̃ maxẽxẽẽxü̃”, —ñanagürü.

Ucu̱xẽgüchiga 10:22

Cori ya Tupanaarü ngü̃xẽxẽ rü taãxẽ tüxna naxã, rü taxuxü̃ma i ta̱xacürü ngúxü̃ taxca̱x ínanguxẽxẽ.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Aguéu 1:9

Rü pemax rü poraãcü pepuracüe nax pexü̃́ nangẽxmaxü̃ca̱x i muxü̃ i perü nanetüarü o, natürü noxretama nixĩ i ngẽma pibuxgüxü̃. Rü ngẽma penetüarü o i pechiü̃gu namaxã penguxü̃xü̃ rü wüxi i cue ñaxü̃maxã ichayanatauxẽxẽ. ¿Rü tü̱xcüü̃ ngẽmaãcü nixĩ? Erü yima chopata rü naxtapü̱xica nügüétü nayi nax nachixexü̃ rü pemax rü pepataca̱xica pexoegaãxẽ. Rü choma ya Cori ya Tupana nixĩ i nüxü̃ chixuxü̃ i ngẽma.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Wiyaegü 37:16

Rü ngẽma muxü̃ i diẽru i ngẽma duü̃xü̃gü i chixexü̃ nüxü̃́ ngẽxmaxü̃arü yexera name nixĩ i ngẽma noxretama i nüxü̃́ ngẽxmaxü̃ ya yimá yatü ya mexü̃gu rüxĩnücü.

Danié 1:14

Rü nüma ga yema norü dauruxü̃ rü: —Ngü̃ —ñanagürü. Rü 10 ga ngunexü̃gu rü nanetü i berdúragüxicatama rü dexámare nixĩ ga nüxna naxãxü̃.