Chofonía 3:9 - Tupanaarü Ore

⁹ Rü ngẽxguma tá ngẽma ngunexü̃ ínguxgu rü mexü̃ i oremaxã tá chayadexagüxẽxẽ i duü̃xü̃gü nax ngẽmaãcü guxü̃ma i nümagü norü yumüxẽwa chomaxã yadexagüxü̃ca̱x rü guxü̃ma wüxigu choxü̃́ napuracüexü̃ca̱x.

Chofonía 3:9 Referans Kwoze

Naanearü ügüchiga 11:1

Rü yexguma ga guxü̃ma ga duü̃xü̃gü rü wüxitama ga nagawa nidexagü.

Ichaía 19:18

Rü ngẽma ngunexü̃gu rü Equítuanewa tá nangẽxma ya wüxime̱e̱xpü̱x ya ĩanegü ya Ebréugawa duü̃xü̃gü nawa idexagüne rü nügü ixugüne nax Cori ya Tupana ya Guxãétüwa Ngẽxmacüga naxĩnüexü̃. Rü wüxi ya yima ĩane rü naéga nixĩ i Üa̱xcüarü Ĩane.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

Ore i mexü̃ ga Matéu ümatüxü̃ 12:35

Wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü naãẽwa rü chixexü̃gu narüxĩnü.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Chofonía 2:11

Rü nüma ya Cori ya Tupana rü poraãcü tá namaxã nanu. Rü nagu tá nipogügü i ngẽma nachixü̃anearü tupananetachicüna̱xãgü. Rü ñu̱xũchi guxü̃ i nachixü̃anegüwa rü tá Cori ya Tupanaxü̃ nicua̱xüü̃gü, rü woo ngẽma duü̃xü̃gü i capaxũgüwa maxẽxü̃ rü tá nüxü̃ nicua̱xüü̃gü.

Yeremía 16:19

Rü choma i Yeremía rü Cori ya Tupanana chacaama rü ñachagürü: —Pa Corix ya Chorü Poraxẽẽruxü̃ rü Chorü Tüpechitaruxü̃, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü cuxü̃tawa tá naxĩ i nachixü̃anecüã̱xgü i naane iyacuáxü̃wa ne ĩxü̃, rü cuxü̃ tá ñanagürügü: “Yema nũxcümaü̃güxü̃ ga torü o̱xigü rü yema taxuwama mexü̃ rü ngearü poraáxü̃ ga tupananetachicüna̱xãgü nixĩ ga namaxã natupanaã̱xgüxü̃”, ñanagürügü tá.

Wiyaegü 113:3

Rü guxãma i pema i éstewa ngẽxmagüxe rü ñu̱xmata pema i oéstewa ngẽxmagüxe ¡rü nüxü̃ picua̱xüü̃gü ya Cori ya Tupana!

Naanearü ügüchiga 4:26

Rü nüma ga Chéx rü nüxü̃́ nayexma ga wüxi ga nane, rü Enóxgu nanaxüéga. Rü yexgumacürüwa inanaxügüe ga duü̃xü̃gü nax Cori ya Tupanaxü̃ yaxugüchigaxü̃.

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Echequié 37:17

Rü ngẽma taxre i naixmena̱xãgü ¡rü cuxme̱xmaxã wüxigu nade nax ngẽmaãcü wüxitama nax yixĩgüxü̃ca̱x!

Ichaía 6:7

Rü gumá ã́xwe rü cha̱u̱a̱xwa nayaxũ̱xãchixẽxẽ, rü ñanagürü choxü̃: —¡Dücax! daa ã́xwe rü cua̱xwa nixũ̱xãchi rü ngẽmaca̱x i curü chixexü̃ rü marü inayarüxo. Rü ngẽma curü chixexü̃gü rü Tupana rü marü cuxü̃́ nüxü̃ narüngüma —ñanagürü.