Chofonía 3:8 - Tupanaarü Ore

⁸ ¡Rü ngẽmaca̱x choxü̃ ípeyangu̱xẽxẽ ñu̱xmata nawa nangu i ngẽma ngunexü̃ i nagu tá pexna naxca̱x chaca̱xü̃ i perü chixexü̃gü! Rü choma ya Cori ya Tupana rü ñachagürü: “Wüxigu tá chanangutaque̱xexẽxẽ i guxü̃ma i nachixü̃anecüã̱xgü rü guxü̃ma i ãẽ̱xgacügü nax chanapoxcuexü̃ca̱x naxca̱x i ngẽma chixexü̃ i naxügüxü̃. Rü guxü̃táma i ñoma i naane rü tá inayarüxo rü ngẽma chorü üxüema tá nayagu”, ñachagürü.

Chofonía 3:8 Referans Kwoze

Joel 3:2

Rü wüxigu tá chanangutaque̱xexẽxẽ i guxü̃ma i ngẽma togü i nachixü̃anecüã̱xgü i duü̃xü̃gü, rü Yochapáxarü doxonexü̃wa tá chanagagü. Rü ngéma tá nixĩ i nüxna naxca̱x chacagüxü̃ ga yema chixexü̃ ga chorü duü̃xü̃gü ga Iraécüã̱xgümaxã naxügüxü̃. Yerü guxü̃ ga nachixü̃anegügu nanawoone ga Iraétanüxü̃, rü ñu̱xũchi ngẽma togü nügü nayanu ga yema chorü naane.

Chofonía 1:18

Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

Wiyaegü 27:14

¡Ẽcü nüxü̃́ yaxõ ya Cori! ¡Rü cugü naporaxẽxẽ rü taxṹ i nüxü̃ curüxoxü̃ nax cuyaxõxü̃! Rü cumaxã nüxü̃ chixu rü ¡nagu yaxõ ya Cori ya Tupana!

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:14

Rü yema ngo̱xoãxẽgü nixĩ ga naxügüxü̃ ga taxü̃ ga cua̱xruü̃gü. Rü ínachoxü̃ nax nangutaque̱xexẽẽgüãxü̃ca̱x i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü nax Tupana ya Guxü̃étüwa Ngẽxmacümaxã nügü nada̱i̱xü̃ca̱x nagu i ngẽma ngunexü̃ ya Tupana nüxü̃ unetaxü̃.

Ore i mexü̃ ga Matéu ümatüxü̃ 25:32

Rü guxü̃ i nachixü̃anecüã̱x i duü̃xü̃gü rü tá nape̱xegu nangutaque̱xegü. Rü nüma rü tá nayadexechi, ñoma wüxi i carnéruarü dauruxü̃ i norü carnérugü rü chíbugü nüxrüguma mugüxü̃rüxü̃.

Abacú 2:3

Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.

Ochéa 12:6

¡Pa Iraétanüxü̃x, Tupanaca̱x pewoegu! ¡Rü aixcüma nüxü̃ pengechaü̃gü rü nüxü̃́xicatama peyaxõgü!

Ichaía 30:18

Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.

Charumóü̃arü wiyae 8:6

¡Curü maxü̃newa choxü̃́ nangẽxmaxẽxẽ! ¡Rü cugüxü̃tawa choxü̃ nangẽxmaxẽxẽ ñoma wüxi i cua̱xruxü̃ i cuchacüüwa ngẽxmaxü̃rüxü̃! Erü ngẽma ngechaü̃ rü naporaxüchi ñoma yurüxü̃. Rü ngẽma ngúchaü̃ rü taxúema naxcha̱xwa tiña ñoma wüxi i naxmaxü̃rüxü̃. Rü ngẽma ngúchaü̃ rü ñoma wüxi ya üxü ya Tupana ngo̱xẽẽnerüxü̃ nixĩ.

Ucu̱xẽgüchiga 20:22

Ngẽxguma chi texé ta̱xacürü chixexü̃ cuxcha̱xwa uxgu, rü tama name i nüxü̃ quixu nax cugütátama cuxütanüxü̃. Rü name nixĩ i nüxü̃́ cuyaxõ ya Cori ya Tupana, erü nüma tá nixĩ i cuxü̃ naxütanüxü̃.

Wiyaegü 123:2

Rü wüxi i puracütanüxü̃ norü corime̱xẽgu idawenüxü̃ nax nüxü̃ nacuáxü̃ca̱x i ta̱xacü nanaxwa̱xexü̃ rü ngẽxgumarüxü̃ tixĩgü nax tórü Cori ya Tupanaca̱x tadaunagügü nax namaxã idexagüxü̃ca̱x rü tamaxã nüxü̃ yaxuxü̃ca̱x nax nüxü̃́ ingechaü̃tümüxü̃güxü̃. Rü ngẽxgumarüxü̃ i wüxi i pacü i ngĩrü chiũraxü̃ íidawenüchigüxü̃cü nax nüxü̃ nacuáxü̃ca̱x i ta̱xacü nanaxwa̱xexü̃, rü ngẽxgumarüxü̃ ta tixĩgü i yixema nax Tupanaxü̃tawa ínangu̱xẽẽxü̃ nax nüxü̃́ ingechaü̃tümüxü̃güxü̃.

Wiyaegü 62:5

Rü Tupanaxicatama nixĩ ya choxü̃ taãẽxẽẽcü. Erü nüma tá nixĩ i choxü̃ nangü̃xẽxẽxü̃.

Wiyaegü 62:1

Rü Tupanaxicatama nixĩ ya aixcüma choxü̃ taãẽxẽẽcü. Rü nüma nixĩ i choxna naxããxü̃ i maxü̃.

Wiyaegü 37:34

Rü cumax, Pa Duü̃xü̃x ¡Cori ya Tupanaaxü̃́ yaxõ rü naga naxĩnü! Rü nüma rü tá cuxü̃ nicua̱xüxü̃ rü tá cuxna nanaxã i ñaa nachixü̃ane nax cuxrü yixĩxü̃ca̱x. Rü cuxetümaxã tá nüxü̃ cudau nax ñuxãcü yanaxoxü̃ i ngẽma chixexü̃ ügüxü̃.

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:1

Rü ñu̱xũchi nüxü̃ chaxĩnü ga wüxi ga naga ga tagaãcü gumá Tupanapata ga taxü̃newa inaxũxü̃ ga ñaxü̃ nüxü̃ ga yema 7 ga orearü ngeruü̃gü: “¡Ngéma pexĩ, rü naaneétügu peyabagüãcu i ngẽma 7 i copugü i Tupanaarü numaxã ixããcuxü̃!” ñanagürü.

Wiyaegü 79:5

Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?

Wiyaegü 79:6

¡Rü ẽcü namaxã nanu i ngẽma nachixü̃anegü i tama cuxü̃́ yaxõgüxü̃ rü taguma yumüxẽwa cuxna cagüexü̃!

Ichaía 14:26

Rü ngẽma nixĩ i chorü ĩnü i guxü̃ma i nachixü̃anegü i ñoma i naanewa ngẽxmagüxü̃maxã tá chaxüxü̃. Rü daa cho̱xme̱x rü nanaxãxũne i guxü̃ma i nachixü̃anegü —ñanagürü ya Cori ya Tupana.

Yeremía 10:25

¡Ẽcü curü numaxã napoxcue i ngẽma duü̃xü̃gü i tama cuxü̃ cua̱xgüchaü̃xü̃ rü tama cuxü̃́ yaxõgüxü̃! Erü ngẽmagü nixĩ i Acóbutanüxü̃xü̃ daixü̃ rü noxtacüma iyanaxoxẽẽgüaxü̃. Rü ngẽmagü nixĩ i nachitaxü̃xica ngéma yaxǘgüxü̃ i ngẽma nachixü̃ane —ñanagürü.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Ichaía 34:2

Erü nüma ya Cori ya Tupana rü guxü̃ma i nachixü̃anegümaxã nanu. Rü ngẽxgumarüxü̃ ta namaxã nanu i guxü̃ma i norü churaragü. Rü ngẽmaca̱x namaxã nanaxuegu nax nadaiaxü̃ nax nayuexü̃ca̱x.

Ichaía 63:6

Rü poraãcü chanu rü ngẽmaca̱x chanadai i ngẽma togü i nachixü̃anecüã̱xgü. Rü yimá nagü rü waixü̃müanegu chayaya̱xẽxẽ —ñanagürü.