Chofonía 3:7 - Tupanaarü Ore

⁷ Rü ngẽmaca̱x nagu charüxĩnü rü chaugümaxã ñachagürü: “Rü ngẽxguma ngẽma Yerucharéü̃cüã̱xgü nüxü̃ ĩnüegu ga yema naigü ga ĩanegümaxã chaxüxü̃, rü tá choxü̃ namuü̃e rü tá nanayauxgü i chorü ucu̱xẽgü rü ngẽmaãcü taxũtáma yima norü ĩanemaxã chanaxü ga yema noxri marü namaxã chaxueguchiréxü̃”, chaugümaxã ñachagürü. Natürü ngẽma duü̃xü̃gü i cuwa maxẽxü̃ rü nañu̱xãẽgü nax naguxü̃raü̃xü̃ i chixexü̃ naxügüxü̃.

Chofonía 3:7 Referans Kwoze

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Yeremía 36:3

Rü ngẽxguma ngẽma Yudáanecüã̱xgü nüxü̃ nacuáchigagügu i ngẽma poxcu i nagu charüxĩnüxü̃ nax naxca̱x íchananguxẽẽxü̃ rü bexmana tá nüxü̃ naxoe i nacüma i chixexü̃, rü choma rü tá nüxü̃́ nüxü̃ charüngüma i ngẽma norü chixexü̃gü rü norü pecadugü —ñanagürü ga Tupana.

Chofonía 3:2

Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Yeremía 25:5

Rü nümagü ga yema Tupanaarü orearü uruü̃gü rü pexü̃ ñanagürügü: “¡Nüxü̃ perüxoe i ngẽma chixexü̃ i pecümagü, rü ngẽma chixexü̃ i pexügüxü̃! Rü ngẽxguma tá nixĩ i nawa pemaxẽxü̃ i ñaa naane i Cori ya Tupana nũxcümaü̃güxü̃ ga perü o̱xigüna ãxü̃ rü pexna ãxü̃.

Norü taxre ga popera ga Pedru ümatüxü̃ 3:9

Rü ñuxre i duü̃xü̃gü rü nagu narüxĩnüe nax tórü Cori tama paxa yangu̱xẽẽãxü̃ i norü uneta. Natürü ngẽmaãcü nixĩ erü yáxna pemaxã naxĩnü. Rü nüma rü tama nanaxwa̱xe nax texé iyarütaxuxü̃, natürü nanaxwa̱xe nax guxãma nüxü̃ rüxoexü̃ i tümacüma i chixexü̃ rü nüxü̃́ tayaxõgüxü̃.

Yeremía 38:17

Rü nüma ga Yeremía rü Chedequíaxü̃ nangãxü̃ rü ñanagürü: —Nüma ya Iraétanüxü̃arü Tupana ya Guxü̃étüwa Ngẽxmacü rü ñanagürü: “Ngẽxguma chi noxtacüma cugü nüxna cuxãxgu ya yimá Babiróniaanearü ãẽ̱xgacüarü churaragüarü ãẽ̱xgacügü, rü cuma rü guxü̃ma i cutanüxü̃ rü tá pemaxẽ, rü daa ĩane rü taxũtáma nayagugü.

Yeremía 8:6

Rü pegaca̱x meama icharüxĩnü, natürü taxúexü̃ma chaxĩnü nax texé chomaxã nüxü̃ ixuxü̃ nax nüxü̃ tarüxoxü̃ i tümaarü chixexü̃. ¡Rü chomaxã nüxü̃ tixu nax ta̱xacürü guxchaxü̃ yixĩxü̃ i pemaxã chaxüxü̃! Rü guxü̃ma rü napaxaãxẽ nax chixexü̃ naxüxü̃, ñoma cowaru i paxãma daiwa ñaxü̃rüxü̃.

Ichaía 63:8

Rü Tupana rü ñanagürü: —Nümagü rü chorü duü̃xü̃gü nixĩgü, rü chaunegü i aixcüma chauga ĩnüexü̃ nixĩgü —ñanagürü. Rü ngẽmaca̱x norü uanügüme̱xẽwa ínananguxü̃xẽxẽ.

Ichaía 5:4

¿Ẽ̱xna nangẽxmaxü̃ i ta̱xacü i tama chaxüxü̃ nax tama nangúchixaxü̃ca̱x i ngẽma chorü úbanecüarü o? ¿Rü nangemaxü̃ i ta̱xacü i tama naxca̱x chaxüxü̃? Choma rü íchananguxẽxẽ nax namaixcuraxü̃ i norü o. ¿Rü ta̱xacüca̱x i ñu̱xma i nangúchixaxü̃ i norü o?

Norü taxre ga to ga popera ga ãẽ̱xgacügüchiga ümatüxü̃ 33:11

Rü yemaca̱x ga Cori ya Tupana rü Achíriaanearü churaragüerugüxü̃ namu nax Manachéca̱x íyaxü̃ãchixü̃ca̱x. Rü yemagü nixĩ ga Manachéxü̃ iyauxgüxü̃. Rü nayachotamaraü̃gü, rü nayachotachacüxügü rü ñu̱xũchi cadéna ga bróũchenaxca̱xmaxã nanaxütü̱xügü. Rü yemaacü Babiróniaanewa nanagagü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

Yox 36:10

Rü Tupana rü namaxã nidexa nax iyanawe̱xãchixẽẽgüãxü̃ca̱x rü namaxã nüxü̃ nixu nax nüxna yaxĩgachixü̃ca̱x i ngẽma chixexü̃.

Wiyaegü 32:8

Rü cumax, Pa Cori Pa Tupanax, rü ñacugürü choxü̃: —Choma rü cuxü̃ chadawenü rü tá cuxü̃ changu̱xẽxẽ i ngẽma cuxü̃́ chanaxwa̱xexü̃. Rü tá cuxü̃ chaxucu̱xẽ, rü tá cuxü̃ chanawe̱x i ngẽma nama i mexü̃ nax nagu quixũxü̃.

Ucu̱xẽgüchiga 19:20

Ngẽxguma texé cuxü̃ ucu̱xẽgu, rü ¡naga naxĩnü rü nayaxu i ngẽma ucu̱xẽ! Rü ngẽxguma i cumax rü wüxi i duü̃xü̃ i cua̱x cuxü̃́ ngẽxmaxe tá quixĩ.

Yeremía 6:8

¡Pa Yerucharéü̃cüã̱xgüx, nüxü̃ perüxoe i ngẽma chixexü̃ i pecümagü nax tama pexna chixũgachixü̃ca̱x! Erü ngẽxguma tama nüxü̃ perüxoegu rü choma rü tá pexü̃ íchawogü rü perü ĩane rü wüxi i chianexü̃ tá chayaxĩxẽxẽ —ñanagürü.

Yeremía 17:23

Natürü ga nümagü rü tama chauga naxĩnüe rü tama nayanguxẽxẽ ga yema namaxã nüxü̃ chixuxü̃. Erü duü̃xü̃gü i tama ixĩnüechaü̃xü̃ nixĩgü rü tama naga ĩnüechaü̃ ga yema chorü ucu̱xẽgü.