Chofonía 3:5 - Tupanaarü Ore

⁵ Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Chofonía 3:5 Referans Kwoze

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Auxexü̃chiga 3:23

Rü wüxichigü i ngunexü̃gu rü choxna nüxü̃ nacua̱xãchixẽxẽ nax aixcüma yangu̱xẽẽãxü̃ i ngẽma nüxü̃ yaxuxü̃.

Wiyaegü 145:17

Rü nüma ya Cori rü guxü̃ma i ngẽma nagu naxĩnüxü̃wa rü aixcüma nawe̱xgu. Rü guxü̃ma i ngẽma naxüxü̃wa rü namecüma.

Chofonía 3:15

Erü nüma ya Cori ya Tupana rü marü ínayachaxãchi nawa i ngẽma poxcu i pemaxã naxueguxü̃ rü marü ínanawoxü̃ i ngẽma perü uanügü. Rü nüma ya Cori ya Tupana ya Iraétanüxü̃arü ãẽ̱xgacü rü petanüwa nangẽxma, rü ngẽmaca̱x marü taxuca̱xma pemuü̃e.

Ichaía 28:19

Rü ngẽxguma ínangugügu i ngẽma churaragü i ãũcümaxü̃ rü tá pexü̃ nigagü. Rü guxü̃ i ngunexü̃ tá ínangugüxü̃, rü ngunecü rü chütacü tá ínangugüxü̃. Rü ngẽxguma nüxü̃ pexĩnüechigagu rü muü̃maxã tá pidu̱xrue.

Chofonía 3:17

Erü nüma ya Cori ya perü Tupana ixĩcü, rü petanüwa nangẽxma, rü nüma rü poracü nixĩ, rü pexü̃ tá namaxẽxẽxẽ. Rü nüma ya Cori ya Tupana rü tá pemaxã nataãxẽ. Rü ngẽma pexü̃ nax nangechaxü̃xü̃gagu rü ngexwaca̱xü̃xü̃ i maxü̃ tá pexna naxã. Rü ngẽma nax pemaxã nataãẽxü̃ rü nüma ya Tupana rü norü taãẽmaxã tá nawiyae ñoma petachigaarü ngunexü̃gurüxü̃ —ñanagürügü tá. Rü nüma ya Cori ya Tupana rü ñanagürü: —Choma rü tá pexü̃ íchanguxü̃xẽxẽ nawa i ngẽma chixexü̃ i pexü̃ ãxũnexü̃. Rü nawa tá pexü̃ íchanguxü̃xẽxẽ i ngẽma ãne i peétüwa ngẽxmaxü̃.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Wenaxarü naxümatü ga Tupanaarü mugü 23:14

Erü nüma ya Cori ya Tupana rü petanüwa naxũũxü̃ nax pexna nadauxü̃ca̱x rü perü uanügüxü̃ pexü̃ naporamaegüxẽẽxü̃ca̱x. Rü ngẽmaca̱x penaxwa̱xe nax ngẽma ípepegüxü̃wa rü wüxi i nachica i üünexü̃ nax yixĩxü̃. Rü ngẽmaca̱x penaxwa̱xe nax nangemataxü̃ rü nataxuxü̃ma i ta̱xacürü ãũãchixü̃ ya Tupana tama namaxã taãẽxü̃. Erü ngẽxguma taxũtáma ngẽmaãcü penaxü̱xgu rü nüma ya Tupana rü tá pexna nixũgachi.

Nüxíraxü̃xü̃ ga popera ga Pedru ümatüxü̃ 1:17

Rü pema nax “Pa Tonatüx”, ñapegüxü̃ nüxü̃ ya Tupana, rü ñu̱xma nax ñoma i naanewa pemaxẽxü̃ rü name nixĩ i guxü̃guma naga pexĩnüe rü nüxü̃ pemuü̃exü̃. Erü nüma rü aixcümaxü̃chi nanangugü i wüxichigü i duü̃xü̃güarü maxü̃ rü tüxü̃ napoxcu ya guxãma ya yíxema chixexü̃ ügüxe, rü taxúexü̃ma naxüpetü.

Chacaría 2:5

Natürü Tupana rü nüxü̃ nixu rü ñanagürü: ‘Chomatama tá nixĩ i norü poxeguxü̃ruxü̃ i üxüemanaxca̱x chixĩxü̃. Rü yima ĩanearü ngãxü̃wa tá chanango̱xẽxẽ i chorü pora rü chorü üüne’ ” —ñanagürü ya Tupana.

Wiyaegü 37:6

Rü nüma rü tá nanango̱xẽxẽ nax cumexü̃ rü quixaixcümaxü̃ ñoma üa̱xcü tocuchigu ibáxixü̃rüxü̃.

Yox 34:10

Natürü pemax, Pa Chomücügüx nax Peãẽxü̃ Pecuáxü̃x ¡rü choxü̃ iperüxĩnüe! ¡Rü taxṹ i nagu perüxĩnüexü̃ ya yimá Tupana ya Guxãétüwa Ngẽxmacü rü chixexü̃ naxüxü̃ rüe̱xna ínatüxü̃ i ngẽxguma texéxü̃ iyanawe̱xãchixẽẽgu!

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Ore i mexü̃ ga Luca ümatüxü̃ 12:2

Natürü guxü̃ma i ta̱xacü i cúãcü üxü̃ rü tá nango̱xoma. Rü guxü̃ma i ngẽma icúxü̃ rü duü̃xü̃gü rü ta nüxü̃ nacua̱xgüama.

Chofonía 2:1

¡Pengutaque̱xegüx, Pa Duü̃xü̃gü i Tama Ãnexü̃ Cua̱xgüxü̃x!

Abacú 1:3

¿Rü tü̱xcüü̃ choxü̃ nüxü̃ cudauxẽxẽ i ñaa taxü̃ i guxchaxü̃ rü chixexü̃ i guxü̃wama ngẽxmaxü̃? Rü choxü̃ ínachomaegu i duü̃xü̃gü i chixexü̃ ügüxü̃ rü máetagüxü̃. Rü guxü̃wama i duü̃xü̃gü rü nügümaxã nanue rü nügü nadai.

Miquéa 7:9

Rü aixcüma chixexü̃ chaxü Cori ya Tupanape̱xewa, rü ngẽmaca̱x ñu̱xma nax choxü̃ napoxcuxü̃ rü tá yáxna namaxã chaxĩnü. Rü nüma rü tá choxü̃ ínapoxü̃ nüxna i chorü uanü, rü tá nanapoxcu naxca̱x i ngẽma chixexü̃ i chope̱xewa naxüxü̃. Rü nüma ya Tupana rü tá ẽanexü̃wa choxü̃ ínanguxuchixẽxẽ rü ngóonexü̃wa tá choxü̃ naga. Rü tá choxü̃ nanawe̱x nax ñuxãcü tá chorü uanüxü̃ choxü̃ naporamaexẽẽxü̃.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Echequié 48:35

Rü ngẽma ĩanearü poxeguxü̃tápü̱x rü guxü̃wama rü 9,000 metru tá nixĩ i norü ma̱x. Rü yema ngunexü̃guwena rü naéga ya yima ĩane rü “Cori ya Tupana Nua Nangexma”, tá nixĩ.

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 6:15

Rü name chi nax na̱xcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Yeremía 3:3

Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Ichaía 50:4

Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Ichaía 33:2

Pa Cori ya Tupanax, ¡ẽcü cuxü̃́ tangechaü̃tümüü̃gü i toma nax cuxme̱xwa tangexmagüxü̃! Rü tanaxwa̱xe i guxü̃guma pa̱xmama toxü̃ curüngü̃xẽxẽ. Rü tanaxwa̱xe nax torü poxü̃ruxü̃ quixĩxü̃ i ngẽxguma guxchagü toxca̱x ínguxgu.

Yox 8:3

Rü Tupana ya Guxãétüwa Ngẽxmacü rü taguma ínayatoxẽxẽ i ngẽma aixcüma ixĩxü̃ rü guxü̃guma tüxna nanaxã i ngẽma tamaxã naxueguxü̃.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Yox 7:18

¿Rü tü̱xcüü̃ guxü̃ i ngunexü̃gu cunangugü ya yima yatü rü guxü̃ i oragu nüxü̃ cuxüxü̃?

Wiyaegü 92:15

Rü tá nüxü̃ nixugügü rü ñanagürügü tá: —Nüma ya Cori ya yimá chorü poxü̃ruxü̃ rü nixaixcüma rü nawa rü nataxuma i ta̱xacürü chixexü̃ —ñanagürügü tá.

Echequié 18:25

Rü pema rü nüxü̃ pixu nax choma ya Cori ya Tupana yixĩxü̃ nax tama aixcüma mea pemaxã ichacuáxü̃. ¡Natürü iperüxĩnü i pema, Pa Iraétanüxü̃x! ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Chofonía 3:13

Rü ngẽma Iraétanüxü̃ i Yerucharéü̃wa yaxǘgüxü̃ rü taxũtáma chixri natanüxü̃maxã inacua̱x, rü taxũtáma doraxü̃ nixugüe rü tagutáma texéxü̃ nawomüxẽẽgü. Rü mea tá ínachibüe, rü tama namuü̃eãcüma tá inarüngü̃gü” —ñanagürü.

Ochéa 6:5

Rü yema chorü orearü uruü̃gü ga petanüwa chamugüxü̃wa pemaxã nüxü̃ chixu nax pexü̃ tá chapoxcuxü̃, natürü ga pema rü tama iperüxĩnüe rü yemaca̱x pexü̃ chadai. Rü yemaacü chorü poxcu rü aixcüma pewa nangu ñoma ngóonexü̃ irügoxü̃rüxü̃.