Chofonía 3:2 - Tupanaarü Ore

² Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Chofonía 3:2 Referans Kwoze

Yeremía 22:21

Choma rü pemaxã chidexachire̱x ga yexguma mea pexü̃ nangupetügu, natürü ga pema rü tama chauga pexĩnüechaü̃. Rü woetama yemaacü pixĩgü ga yexguma noxri pengóegu, rü taguma chauga pexĩnüechaü̃.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Yeremía 32:33

Rü nümagü rü choxna naxãgüca̱xwe̱xmare rü tama choxü̃ narüdaunüchaü̃. Rü woo guxü̃guma mea chanaxucu̱xẽ, natürü tama chauga naxĩnüe rü tama nanayauxgüchaxü̃ nax chayanawe̱xãchixẽẽgüxü̃.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Ichaía 43:22

Natürü i pemax, Pa Acóbutanüxü̃x Pa Iraétanüxü̃x, rü tama chorü ngü̃xẽẽca̱x ípecagü, erü nüxü̃ perüchaue nax chauga pexĩnüexü̃.

Ichaía 29:13

Rü nüma ya Cori ya Tupana rü ñanagürü choxü̃: —Ñaa duü̃xü̃gü rü norü dexawaxicatama nügü nixugüe nax chorü duü̃xü̃gü yixĩgüxü̃, natürü tama chauga naxĩnüe. Rü naã̱xmaxãxicatama choxü̃ nicua̱xüü̃gü, natürü norü maxü̃newa rü tama chaugu narüxĩnüe. Rü ngẽma norü cua̱xüü̃gü rü duü̃xü̃güarü ĩnüwa nanayauxgü.

Wiyaegü 78:22

Yerü ga nümagü rü tama aixcüma Tupanagu nayaxõgü rü nagu naxĩnüegu rü tama nüxü̃́ natauxcha nax nüma ya Tupana nüxü̃ rüngü̃xẽẽxü̃.

Wiyaegü 73:28

Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃. Rü cumax, Pa Cori Pa Tupanax, rü chorü poxü̃ruxü̃ quixĩ. Rü ngẽmaca̱x tá nüxü̃ chixuchiga i guxü̃ma i ngẽma cha̱u̱xca̱x cuxüxü̃.

Wiyaegü 10:4

Rü ngẽma yatü i chixexü̃ rü nügü nicua̱xüxü̃ rü ñanagürü: —Nataxuma ya Tupana. Rü taxúetama choxna taca nachiga i ngẽma chaxüxü̃ —ñanagürü. Rü ngẽmaguxicatama narüxĩnü.

Neemía 9:26

Natürü naétüwa ga guxü̃ma ga yema naxca̱x cuxüxü̃ rü tama cuga naxĩnüechaü̃, rü cumaxã nanueama, rü tama naga naxĩnüe ga curü mugü. Rü nanadai ga yema curü orearü ngeruü̃gü ga naxucu̱xẽgüxü̃ nax cuxca̱x nawoeguxü̃ca̱x. Rü yemaacü poraãcü chixexü̃ cupe̱xewa naxügü.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Yeremía 35:17

Rü ngẽmaca̱x i choma ya Cori ya Guxãétüwa Ngẽxmacü ya Iraétanüxü̃arü Tupana rü ñachagürü: Ngẽma Yudáanearü duü̃xü̃güca̱x rü Yerucharéü̃arü duü̃xü̃güca̱x tá íchananguxẽxẽ i guxü̃ma i ngẽma guxchaxü̃gü ga namaxã chaxuegugüxü̃. Yerü namaxã chidexa, natürü tama chauga naxĩnüe. Rü naxca̱x chaca, natürü tama cha̱u̱xca̱x naxĩ” —ñanagürü.

Yeremía 35:13

—Choma ya Cori ya Guxãétüwa Ngẽxmacü ya Iraétanüxü̃arü Tupana rü cuxü̃ chamu nax ngẽma duü̃xü̃gü i Yudáanecüã̱xmaxã rü Yerucharéü̃cüã̱xmaxã nüxü̃ quixuxü̃ rü ñachagürü nüxü̃: “¡Naxca̱x pengúe i nacüma i ngẽma Recáxtanüxü̃ nax ñuxãcü norü o̱xiga naxĩnüexü̃! Rü ngẽxgumarüxü̃ ta chanaxwa̱xe nax naga pexĩnüexü̃ i chorü mugü. Rü choma ya Cori ya Tupana nixĩ i ngẽma ñachaxü̃.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Ucu̱xẽgüchiga 1:7

Norü ügü nax cua̱xwa inguxü̃, rü ngẽma nixĩ nax Tupanaga ixĩnüxü̃. Natürü ngẽma tama naãxẽxü̃ cuáxü̃, rü nüxü̃ naxo i ngẽma cua̱x rü ucu̱xẽ i mexü̃.

Norü taxre ga popera ga Timutéuca̱x naxümatüxü̃ ga Pauru 3:16

Rü guxü̃ma i ngẽma Tupanaarü ore i ümatüxü̃ rü nügüãẽwatama nanayaxu ga Tupana. Rü ngẽma ore rü name nax duü̃xü̃güxü̃ namaxã ingúexẽẽxü̃, rü namaxã yaxucu̱xẽgüxü̃ rü namaxã iyanawe̱xãchixẽẽgüxü̃, rü namaxã nangúexẽẽxü̃ nax mea Tupanape̱xewa namaxẽxü̃ca̱x.

Yeremía 13:25

Rü ngẽma nixĩ i penaxwa̱xexü̃, Pa Iraétanüxü̃, rü ngẽma nixĩ i pexna üxü̃ nax pemaxã chanaxüxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma. Rü pema rü choxü̃ perüngümae rü nüxü̃́ peyaxõgü ga yema tupananetachicüna̱xãgü ga taxuwama mexü̃.

Echequié 22:24

—¡Cumax, Pa Yatüx, ¡rü Iraéanemaxã nüxü̃ ixu i ñaa chorü ore i ñaxü̃! “Pa Iraéanex, cuma nixĩ i wüxi i naane i taguma quiwaixü̃ erü taguma cugu napu, erü choma rü cumaxã chanu.

Ichaía 9:12

Rü éstewaama ne naxĩ i Chíriaanecüã̱xgü, rü oéstewaama ne naxĩ i Firitéutanüxü̃. Rü ñoma ta̱xacü i noxtacüma íga̱xaxü̃rüxü̃ tá Iraéanecüã̱xgüxü̃ nadai. Rü woo ngẽmaãcü napoxcueãxü̃ ya Cori ya Tupana, natürü tama Iraéanecüã̱xgümaxã inarüngü̃xmü. Rü yexeraãcü nayaxãxũnechigüama.

Chofonía 1:6

Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu —ñanagürü tá.