Chofonía 3:13 - Tupanaarü Ore

¹³ Rü ngẽma Iraétanüxü̃ i Yerucharéü̃wa yaxǘgüxü̃ rü taxũtáma chixri natanüxü̃maxã inacua̱x, rü taxũtáma doraxü̃ nixugüe rü tagutáma texéxü̃ nawomüxẽẽgü. Rü mea tá ínachibüe, rü tama namuü̃eãcüma tá inarüngü̃gü” —ñanagürü.

Chofonía 3:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 14:5

Rü yematanüwa rü nataxuma ga dora, erü Tupanape̱xewa rü taxuxü̃ma ga chixexü̃ naxügü.

Chofonía 2:7

Rü ngẽma Yudátanüxü̃ i duü̃xü̃gü i íyaxügüxü̃ rü ngẽxguma Tupana nüxü̃ rüngü̃xẽẽgu rü tá nanayauxgü i ngẽma naane i márpechinüwa ngẽxmaxü̃. Rü ngéma tá nanachibüexẽxẽ i norü carnérugü, rü chütacü tá nagu nape ya yima ĩpatagü i Acharóü̃wa ngẽxmagüne.

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

Ichaía 17:2

Rü yima ĩane rü ngéma nata̱xmare rü maxẽnecüxü̃ tá nixĩ i nachitaxü̃. Rü naxü̃nagü rü ngéma tá mea nayachibüe rü taxúema tá tanachixewe.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Joel 3:17

Rü nüma ya Cori ya Tupana rü ñanagürü: —Pemax rü tá nüxü̃ picua̱xãchitanü nax choma i perü Cori ya Tupana rü yima chorü ma̱xpǘne ya Üünene ya Chióü̃wa chamaxü̃xü̃. Rü yima ĩane ya Yerucharéü̃ rü wüxi ya ĩane ya üünene tá nixĩ. Rü tagutáma wena to i nachixü̃anecüã̱xgü nagu nachocu.

Echequié 39:26

Rü ngẽma Iraétanüxü̃ i togü i nachixü̃anegüwa ngẽxmagüxü̃ i norü uanügüchixü̃anegüwa rü wena tá wüxiwa chanagagü. Rü ngẽxguma rü taãẽãcü tá norü naanewa nangẽxmagü, rü taxúetama texe ítanabai̱xgügü. Rü ngẽmaãcü tá ichanawe̱x i chorü pora rü chorü üüne nax muxü̃ma i nachixü̃anegü nüxü̃ nadaugüxü̃ca̱x. Rü ngẽma Iraétanüxü̃ rü tá nüxü̃ narüngümae ga yema poxcu ga ü̃pa norü chixexü̃gagu naxca̱x íchanguxẽẽxü̃.

Yeremía 31:33

Rü ñaa tá nixĩ i ngẽma ngexwaca̱xü̃xü̃ i chorü uneta i Iraétanüxü̃maxã chaxüxü̃: “Naãxẽwa tá chanangexmaxẽxẽ i ngẽma chorü mu, rü ngéma tá nangẽxma nax tama nüxü̃ iyanangümaexü̃ca̱x. Rü choma tá nixĩ i norü Tupana chixĩxü̃, rü nümagü rü tá chorü duü̃xü̃gü nixĩgü”. Rü chomatama ya Cori ya Tupana nixĩ i nüxü̃ chixuxü̃ i ngẽma.

Yeremía 30:10

Rü choma ya Cori ya Tupana rü ñachagürü: —¡Taxṹ i pemuü̃exü̃, Pa Acóbutanüxü̃ i chorü duü̃xü̃gü pixĩgüxü̃! ¡Rü taxṹ i ta̱xacüca̱x peba̱i̱xãchiexü̃, Pa Iraétanüxü̃x! Erü choma rü tá pexü̃ rü pexacügüxü̃ íchanguxü̃xẽxẽ nawa i ngẽma yáxü̃guxü̃ i nachixü̃ane i nawa pegagüxü̃. Rü wenaxarü taãẽwa tá pemaxẽ rü taxũtáma i texé i pexü̃ ítaba̱i̱xgü.

Yeremía 23:4

Rü natanügu tá chanamugü i ãẽ̱xgacügü i aixcüma mea nüxna dauxü̃ nax ngẽmaãcü taxuca̱xma namuü̃exü̃ca̱x, rü taxuxü̃ma iyarütaxuxü̃ca̱x. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 54:14

Rü perü ãẽ̱xgacügü rü tá mea pemaxã inacua̱xgü rü ngẽmaãcü tá peporae. Rü taxũtáma togüme̱xẽwa pengẽxmagü rü taxũtáma ta̱xacüca̱x pemuü̃e.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:27

Natürü tagutáma ngẽxma naxücu i ta̱xacü i Tupanape̱xewa chixexü̃, rü bai ya texé ya chixexü̃ ǘxe rüe̱xna idorata̱xáxe. Rü yíxema Carnéruxacüarü poperawa ngo̱xégagüxexica tá tixĩ ya ngẽxma chocuxe rü nayauxgüxe i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Nüxíraxü̃xü̃ ga popera ga Cuáü̃ ümatüxü̃ 5:18

Rü nüxü̃ tacua̱x, rü yíxema Tupanaxacü ixĩxẽ, rü tama pecadu taxüecha, erü nüma ya Tupana Nane rü tüxna nadau. Rü Chataná rü taxuacüma tümamaxã inacua̱x.

Nüxíraxü̃xü̃ ga popera ga Pedru ümatüxü̃ 3:14

Natürü ngẽxguma chi mexü̃ nax pexügüxü̃ca̱x ngúxü̃ pingegügu, ¡rü petaãẽgü i pema! ¡Rü taxuca̱xma texéxü̃ pemuü̃e, rü bai ta̱xacüca̱x peba̱i̱xãchiãxẽgü!

Colosenses 3:9

Rü tama name i pegümaxã pidorae, erü marü ípenata̱x ga nũxcümaü̃xü̃ ga pecüma rü guxü̃ma ga yema chixexü̃gü ga ü̃pa pexügüxü̃.

Ore i mexü̃ ga Matéu ümatüxü̃ 13:41

Rü nüma ya Tupana Nane ya duü̃xü̃xü̃ ixĩcü, rü tá nanamu i norü orearü ngeruü̃gü i daxũcüã̱x nax norü duü̃xü̃tanüwa ínawoxü̃ãxü̃ca̱x i ngẽma duü̃xü̃gü i toguã̱xü̃ chixexü̃gu yixẽẽxü̃ rü ngẽma chixexü̃ ügüxü̃.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!

Ichaía 65:10

Rü Charóü̃arü metachinüanexü̃wa rü tá carnérugümaxã nayapa, rü Acóxarü doxonexü̃wa tá nayachibüe i norü wocagü i ngẽma chorü duü̃xü̃gü i choxü̃́ yaxõgüxü̃.

Ichaía 63:8

Rü Tupana rü ñanagürü: —Nümagü rü chorü duü̃xü̃gü nixĩgü, rü chaunegü i aixcüma chauga ĩnüexü̃ nixĩgü —ñanagürü. Rü ngẽmaca̱x norü uanügüme̱xẽwa ínananguxü̃xẽxẽ.

Ichaía 35:8

Ngéma tá nangẽxma i wüxi i nama i “Nama i Üünexü̃gu” ãégaxü̃. Rü yíxema tama Tupanape̱xewa tügü mexẽẽ́xe rü taxucürüwa nagu tixũ. Rü ngẽxgumarüxü̃ ta i ngẽma chixexü̃arü üruü̃gü rü taxucürüwa nagu naxĩ.

Ichaía 6:13

Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Wiyaegü 119:3

Rü tataãẽgü ya yíxema taxuxü̃ma i chixexü̃ ügüxe rü aixcüma Cori ya Tupanamaxü̃gu ĩxẽ.

Wiyaegü 23:2

Mecü ya maxẽgu choxü̃ narüngü̃xẽxẽ rü mechiüxü̃ i natüwa choxü̃ naga.

Lebítanüxü̃arü puracüchiga 26:6

Rü pechixü̃anewa rü tá petaãẽgü. Rü ngẽxguma pepeegu rü taxuca̱xtama pemuü̃e, erü ngẽma naeü̃gü i düraexü̃ rü tá pexna chayaxĩgachitanüxẽxẽ. Rü pechixü̃anewa rü nataxutama i dai.

Yox 11:19

Rü taxuxü̃táma ta̱xacü cuxü̃ ínabaixgü ega ngẽxguma icurüngüxgu. Rü muxü̃ma i duü̃xü̃gü tá cuxü̃tawa nangugü nax ngü̃xẽxẽca̱x cuxna yacagüxü̃ca̱x.

Wiyaegü 120:2

Pa Corix, ¡choxü̃ ínanguxuchixẽxẽ nüxna i ngẽma duü̃xü̃gü i dorata̱xgüxü̃ i chixriãcü chauchiga idexagüxü̃!

Wiyaegü 120:3

¿Rü ta̱xacü tá nixĩ i curü poxcu, Pa Conüx i Dorata̱xáxü̃?

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Chacaría 8:3

Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.

Chacaría 8:16

Rü ñaa nixĩ i chanaxwa̱xexü̃ nax penaxüxü̃: “Rü name nixĩ i guxü̃guma aixcümaxü̃ pegümaxã pixugü. Rü ngẽxguma ãẽ̱xgacüpe̱xewa guxchaxü̃gü pemexẽẽgu rü penaxwa̱xe nax aixcümaxü̃ pixugüxü̃ nax ngẽxma yanaxoxü̃ca̱x i ngẽma guxchaxü̃.

Norü taxre ga to ga popera ga ãẽ̱xgacügüchiga ümatüxü̃ 20:30

Rü yemaacü yexguma ãẽ̱xgacü yixĩxgu ga Yochapáx rü taãxẽwa nayexma ga nachixü̃ane yerü Tupana rü nanangüxmüxẽxẽ namaxã ga yema togü ga nachixü̃anegü ga nüxna ngaicamagüxü̃.

Chacaría 8:12

Erü petanüwa rü tá nangẽxma i meãxẽ. Rü ngẽma perü úbanecü rü tá meama nixo. Rü dauxü̃guxü̃ i naanewa tá narüngu ya pucü nax ngẽmaãcü i penetügü i peanewa ipetogüxü̃ namuarü oṍxü̃ca̱x. Rü ngẽma duü̃xü̃gü i daa ĩanewa íyaxügüxü̃na tá chanaxã i guxü̃ma i ngẽma nax noxrü yixĩxü̃ca̱x.