Chofonía 3:1 - Tupanaarü Ore

¹ Wüxi i ngechaü̃ nixĩ i cuxca̱x, Pa Yerucharéü̃x, erü curü duü̃xü̃gü rü tama Tupanaga naxĩnüe rü chixri togü i duü̃xü̃gümaxã inacua̱xgü. Rü ñu̱xma rü Tupanape̱xewa cuxãũãchi.

Chofonía 3:1 Referans Kwoze

Yeremía 6:6

Rü nüma ya Cori ya Tupana ya Guxãétüwa ngẽxmacü rü ñanagürü: —¡Nai ne pedaxü̃ rü wüxi ya toxṍõne pexü̱x nax ngẽmaãcü naxca̱x ípeyaxüãchixü̃ca̱x ya yima Yerucharéü̃! Rü yima ĩane rü poxcu tá naxca̱x ínangu erü chixexü̃maxã nayapa.

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Ichaía 30:12

Rü ngẽmaca̱x i Iraétanüxü̃arü Tupana ya Üünecü rü ñanagürü: —Pemax rü tama penayauxgüchaü̃ i chorü ucu̱xẽgü rü nagu peyaxõgü i ngẽma churaragüarü pora rü ngẽma tama mexü̃. Rü ngẽmamaxã nixĩ i pegü ipepoxü̃güxü̃.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Chacaría 7:10

Rü tama chanaxwa̱xe nax chixeãcü tümamaxã pixĩgüxü̃ ya yíxema yutegüxe rü yíxema taxcutagü rü yíxema to i nachixü̃anecüã̱x i petanüwa ngẽxmagüxe rü yíxema ngearü diẽruã̱xgüxe. ¡Rü taxṹ i nagu perüxĩnüexü̃ nax ñuxãcü tá pegümaxã chixexü̃ pexügüxü̃! —ñanagürü.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.

Miquéa 2:2

Rü nüxü̃́ nangúchaü̃gü i toguxearü naanegü, rü nügüxü̃́ nanayauxgü. Rü nüxü̃́ nangúchaü̃gü i toguxepatagü rü tüxna nanayauxgü. Rü chixri nanaxütanü rü ngẽmaãcü tüxna nayapu ya tümapata. Rü ngẽmaãcü tangepata rü tangeane ya yíxema norü yora tümaãcügümaxã.

Yeremía 22:17

“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Lebítanüxü̃arü puracüchiga 1:16

Rü tá nanayaxu i norü tüe wüxigu namaxã i naü̃, rü ãmarearü guruü̃arü éstewaama tá nanata̱x i tanimaca ínagüxü̃wa.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 3:9

¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Echequié 22:29

Rü ngẽma duü̃xü̃gü i taarü naaneã̱xgüxü̃ rü chixexü̃gu namaxẽ rü nangĩ̱xgü. Rü tama aixcüma mea tüxü̃́ nanaxütanü ya yíxema nüxü̃́ puracüexe ya ngearü diẽruã̱xgüxe. Rü chixri tümamaxã inacua̱xgü ya yíxema to i nachixü̃anecüã̱xgü ixĩgüxe.

Yeremía 5:23

Pema rü penuewa̱xexü̃ rü tama ipexĩnüechaü̃. Rü choxna pixĩgachi rü choxü̃ ipeyarüngümae.

Ichaía 59:6

Rü ngẽma pawüchiãü̃wa rü taxucürüwa wüxi i naxchiru taxü rü taxúema nagu ticu̱x i naxchiru i pawüchiãü̃naxca̱x. Rü ngẽxgumarüxü̃ ta i ngẽma chixexü̃gü i pexügüxü̃ rü taxuwama name erü perü ĩnü rü máetaxicatama nixĩ.

Yeremía 6:7

Rü Yerucharéü̃wa nixĩ i nangóxü̃ i chixexü̃ ñoma wüxi ya puchuwa dexá ngóxü̃rüxü̃. Rü máetachiga rü chixexü̃chigaxicatama taxĩnü i Yerucharéü̃wa. Ngéma rü yapíxexü̃ rü ngúxü̃ ingexexü̃xicatama nixĩ i chadauxü̃.