Chofonía 2:4 - Tupanaarü Ore

⁴ Rü tá nachianemare ya yima ĩane ya Gácha. Rü yima ĩane ya Acharóü̃ rü tá nangeãcumare. Rü ngẽma Adúxwa maxẽxü̃ i duü̃xü̃gü rü ngunecü tátama ínawoxü̃. Rü ngẽma Ecróü̃wa maxẽxü̃ rü guxü̃táma ínawoxü̃.

Chofonía 2:4 Referans Kwoze

Yeremía 25:20

Rü yexgumarüxü̃ ta yema copuwa chayaxaxexẽẽgü ga guxü̃ma ga yema togü ga nachixü̃anecüã̱xgü ga Equítuanewa yexmagüxü̃. Rü nawa chayaxaxexẽẽgü ga guxü̃ma ga Úxchianearü ãẽ̱xgacügü, rü guxü̃ma ga Firitéugüanearü ãẽ̱xgacügü ga namaxã icua̱xgüxü̃ ga guma ĩanegü ga Acharóü̃ rü Gácha rü Ecróü̃ rü yema Adúxcüã̱x ga íyaxügüxü̃.

Yeremía 15:8

Rü yima márpechinüwa ngẽxmacü ya naxnücüte̱xearü mumae tá tüxü̃ íchayaxügüxẽxẽ ya yíxema yutegüxe i Yerucharéü̃wa. Rü tocuchigu tá tüxü̃ chadai ya yíxema mamagü ya ingẽxtü̱xünegüxe. Rü ngürüãchi tá tümatanügu chananguxẽxẽ i ngẽma taxü̃ i ngúxü̃ rü muü̃.

Yeremía 6:4

Rü ngẽma norü uanügü rü ñanagürügü: —¡Pegü ípimexẽxẽgü erü Yerucharéü̃cüã̱xgüxü̃ ta tadai! ¡Nua pexĩ, erü tocuchigu tá nixĩ i nada̱i̱xü̃! Natürü wüxi i taxü̃ i ngechaü̃ nixĩ erü marü nayáuane rü nachütachaü̃.

Wiyaegü 91:6

Rü marü taxuca̱xma naxca̱x cumuü̃ i ngẽma da̱xaweane i chütacü ínguxü̃ rü woo ngẽma ãũcümaxü̃ i ngunecü ínguxü̃.

Ichaía 14:29

—Pa Firitéutanüxü̃x, tama name i naxca̱x petaãẽgü i ngẽma nax nayuxü̃ i Achíriaanearü ãẽ̱xgacü ga naxme̱xwa peyexmagüxü̃ ga chixri pemaxã icuáxü̃. Erü ngextá curá ne ũxü̃wa rü wüxi i ãxtape i düraxü̃ tá ínaxũxũ. Rü ngẽma ãxtapewena rü tá ngéma ínaxũxũ i yexera rüdüramaexü̃chixü̃ i dragóü̃ i ãxpe̱xatüxü̃ rü igoexü̃.