Chofonía 2:2 - Tupanaarü Ore

² ¡Nüxü̃ perüxoe i ngẽma perü chixexü̃ i Tupanape̱xewa pexügüxü̃! ¡Rü naga pexĩnüe ñoma rü ta nangema i ngunexü̃ naxü̃pa nax pexü̃ ínawogüxü̃ ñoma maxẽchapa̱xa buanecü ngexta cuegüxü̃rüxü̃, rü naxü̃pa nax nawa nanguxü̃ i ngẽma ngunexü̃ i ãũcümaxü̃ i norü numaxã nagu pexü̃ napoxcuexü̃ ya Cori ya Tupana!

Chofonía 2:2 Referans Kwoze

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Ochéa 13:3

Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.

Auxexü̃chiga 4:11

Rü Cori ya Tupana rü poraãcü yema Chióü̃cüã̱xgümaxã nanu, rü düxwa marü tama yáxna namaxã naxĩnü ga norü nu. Rü yemaca̱x nayagu ga guma ĩane rü nixa ñu̱xmata nawa nangu ga gumá nutagü ga tacü ga nawa inaxügücü ga guma ĩane.

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Wiyaegü 1:4

Natürü ngẽma duü̃xü̃gü i chixexü̃gu maxẽxü̃ rü tama ngẽmaãcü mexü̃ nüxü̃ naxüpetü. Rü ñoma maxẽ i paxü̃ ya buanecü cuenagüxü̃rüxü̃ nixĩgü.

Chofonía 3:8

¡Rü ngẽmaca̱x choxü̃ ípeyangu̱xẽxẽ ñu̱xmata nawa nangu i ngẽma ngunexü̃ i nagu tá pexna naxca̱x chaca̱xü̃ i perü chixexü̃gü! Rü choma ya Cori ya Tupana rü ñachagürü: “Wüxigu tá chanangutaque̱xexẽxẽ i guxü̃ma i nachixü̃anecüã̱xgü rü guxü̃ma i ãẽ̱xgacügü nax chanapoxcuexü̃ca̱x naxca̱x i ngẽma chixexü̃ i naxügüxü̃. Rü guxü̃táma i ñoma i naane rü tá inayarüxo rü ngẽma chorü üxüema tá nayagu”, ñachagürü.

Chofonía 1:18

Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.

Yox 21:18

¿Rü ñuxgu yixĩxü̃ i nüxü̃ idauxü̃ nax ñoma maxẽ i paxü̃ i buanecü ingexü̃rüxü̃ yaxĩgüxü̃?

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Echequié 12:25

Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Yeremía 23:20

Rü ngẽma norü nu ya Cori ya Tupana rü taxũtáma ínayachaxãchi ñu̱xmata yanguxẽẽã i ngẽma nagu naxĩnüxü̃. Rü tá ínangugü i ngunexü̃gü i nagu tá aixcüma nagu perüxĩnüexü̃ i ngẽma pexü̃ ngupetüxü̃, rü tá aixcüma nüxü̃ pecua̱x nax ta̱xacüchiga yixĩxü̃ i ngẽma pexü̃ ngupetüxü̃.

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.