Chofonía 1:9 - Tupanaarü Ore

⁹ Rü ngẽma ngunexü̃gu rü tá chanapoxcue i ngẽma ĩpatagügu ichocuetanüxü̃ nax nangĩ́exü̃ca̱x, rü ngẽma diẽru i napuxü̃maxã rü womüxẽẽãcü nayauxgüxü̃maxã nanapáxẽẽgü ya norü tupananetapata —ñanagürü.

Chofonía 1:9 Referans Kwoze

1 Chamué 5:5

Rü ngẽmaca̱x nixĩ i woo i ñu̱xma i ngẽma Dagóü̃arü chacherdótegü rü ngẽxguma yima Dagóü̃pata ya Adúxwa ngẽxmanegu nachocuxgu rü tama ngẽma mürapewa i ĩã̱xwa itoxexü̃wa nangagüxü̃.

Amúx 3:10

Rü ngẽma duü̃xü̃gü rü tama naãẽxü̃ nacua̱xgüéga nax mexü̃ naxügüxü̃. Rü napatagü ya mexẽchínegu nananu ga yema namáetagüãcüma naxca̱x nangĩ̱xgüxü̃ —ñanagürü ya Cori ya Tupana.

Ngechuchuarü ngúexü̃gü ga yamugüxü̃arü puracüchiga 16:19

Rü yexguma ngĩrü corigü nüxü̃ daugügu nax marü tama ngĩgagu diẽru ngĩxü̃ nax nayauxgüxü̃, rü Pauruxü̃ rü Chíraxü̃ ínayauxü̃, rü ãẽ̱xgacügüpe̱xewa nanagagü ga guma ĩanearü plazawa.

Ucu̱xẽgüchiga 29:12

Ngẽma ãẽ̱xgacü i naga ĩnüxü̃ i ngẽma ore i doramare ixĩxü̃, rü chixexü̃wa nanagagü i guxü̃ma i norü ngü̃xẽẽruü̃gü.

Neemía 5:15

Natürü yema nüxíraxü̃xü̃ ga ãẽ̱xgacügü, rü poraãcü duü̃xü̃güaxü̃́ nanaguxchaxẽẽgü, yerü duü̃xẽgüna 40 tachinü ga diẽruca̱x ínacagü nax guxema diẽrumaxã norü õnaca̱x rü bínuca̱x nataxegüxü̃ca̱x. Rü yexgumarüxü̃ ta ga yema norü ngü̃xẽẽruü̃gü rü duü̃xü̃güaxü̃́ nanaguxchaxẽẽgü. Natürü i choma rü tama ngẽma chaxü erü Cori ya Tupanaxü̃ chamuü̃.

Ãẽ̱xgacügü ga guxchaxü̃güarü mexẽxẽruü̃gü 19:27

Yexguma pewa naba̱i̱xãchigu ga tümate rü nayawãxna ga yema ĩã̱x nax inaxũãchixü̃ca̱x. Rü yexma ĩã̱xü̃tagu yangücuchicü ngĩxü̃ inayangau ga yema nge ga ngĩmaxã naxããrüã̱xcü.

Yeremía 5:27

Rü ngẽma ngẽmaxü̃gü i womüxẽẽãcüma nadexü̃ i ngẽma yatügü rü napatagü namaxã nanapáxẽẽgü ñoma wüxi i naxpüü̃ rü werigümaxã napaxẽẽxü̃rüxü̃. Rü ngẽmaãcü nixĩ i naporaexü̃ rü nadiẽruã̱xgüxü̃, rü ñu̱xũchi meama nachibüexü̃ rü yangüexü̃. Rü ngẽma nax chixexü̃ naxügüxü̃ rü taguma nayagu̱x. Rü tama tüxü̃ narüngü̃xẽxẽ ya yíxema taxcutagü, rü tama tüxü̃ nacua̱xgüchaü̃ ya yíxema ngearü diẽruã̱xgüxe rü tama tümaétüwa nachogü.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Chacaría 5:6

Rü yexguma ga choma rü nüxna chaca rü ñacharügü: —¿Ta̱xacü nixĩ i ngẽma? —ñacharügü. Rü yexguma ga nüma rü choxü̃ nangãxü̃ rü ñanagürü: —Ngẽma nüxü̃ cudauxü̃ i pexchi i taxü̃ rü tríguarü nguruxü̃ nixĩ, rü ngẽmamaxã nixĩ ya Tupana inangugüaxü̃ i norü pecadugü i ngẽma duü̃xü̃gü i ñoma i naanewa maxẽxü̃ —ñanagürü.