Chofonía 1:8 - Tupanaarü Ore

⁸ Rü nüma ya Cori ya Tupana rü ñanagürü: —Ngẽma ngunexü̃ i nagu tá nadaiaxü̃ i ngẽma duü̃xü̃gü rü tá chanapoxcue i ngẽma Yudáanearü ãẽ̱xgacügü rü ngẽma ãẽ̱xgacügü nanegü rü guxü̃ma i ngẽma chorü duü̃xü̃gü i to i nachixü̃anearü tupananetaxü̃ icua̱xüü̃güxü̃.

Chofonía 1:8 Referans Kwoze

Ichaía 24:21

Rü ngẽma ngunexü̃gu ya Cori ya Tupana rü tá nanapoxcue i ngẽma naãẽgü i chixexü̃ i dauxü̃wa ngẽxmagüxü̃ rü ñu̱xũchi ngẽma ñoma i naanewa ngẽxmagüxü̃ i ãẽ̱xgacügü i chixexü̃gü. Rü tá nanangutaque̱xexẽxẽ, rü wüxi i poxcuchicaxü̃gu tá nanawocu rü ngẽxma tá nanawãxtaxü̃. Rü ñu̱xũchi muxü̃tama i ngunexü̃güwena rü tá namaxã nanaxuegu i norü poxcu.

Ichaía 39:7

Rü woo ya cutaagü rü ngéma Babiróniaanewa tá tüxü̃ nagagü rü tá tüxü̃ nicaugüpü̱xücharexe. Rü ngẽmaãcü ãẽ̱xgacüpatawa tá tüxü̃ napuracüexẽxẽ” —ñanagürü.

Ichaía 10:12

Rü ngẽxguma Cori ya Tupana yanguxẽẽgu i ngẽma poxcu naxca̱x i ngẽma duxü̃xü̃gü i ma̱xpǘne ya Chióü̃wa maxẽxü̃ rü yima ĩane ya Yerucharéü̃wa maxẽxü̃, rü tá Achíriaanearü ãẽ̱xgacüxü̃ napoxcu naxca̱x nax nügü ínataxü̃ rü nügü yacua̱xüxü̃xü̃.

Norü taxre ga popera ga ãẽ̱xgacügüchiga 10:22

Rü yexguma ga nüma ga Yeú rü nanamu ga yema Baáxarü ngutaque̱xechiruarü dauruxü̃ nax inanuãxü̃ca̱x ga yema naxchirugü ga ixãpáxü̃ nax nagu yacu̱xgüxü̃ca̱x ga guxü̃ma ga yema duü̃xü̃gü ga Baáaxü̃́ cua̱xüü̃güxü̃. Rü nüma ga yema naxchiruarü dauruxü̃ rü yemaacü nanaxü.

Wenaxarü naxümatü ga Tupanaarü mugü 22:5

Rü ngẽma ngexü̃gü rü tama name nax yayatüchiruxü̃. Rü ngẽma iyatüxü̃ rü tama name nax yangexchiruxü̃. Rü Tupana rü tama namaxã nataãxẽ i ngẽma nacüma.

Ichaía 2:6

Ichaía rü yumüxẽwa ñanagürü: —Pa Corix, marü nüxna quixũgachi i curü duü̃xü̃gü i Acóbutanüxü̃. Rü natanüwa nangugü rü ngéma namu i duü̃xü̃gü i ẽxü̃guxü̃xü̃ icuáxü̃ i éstewa ne ĩxü̃, rü duü̃xü̃gü i yuüxü̃ ñoma Firitéugütanüwarüxü̃. Rü curü duü̃xü̃gü rü togü i nachixü̃anecüã̱x i tama Tupanaxü̃ cua̱xgüxü̃maxã nügümaxã nanamexẽxẽ nax nügüarü ngẽmaxü̃ca̱x nataxegüxü̃ca̱x.

Abacú 1:10

Rü nümagü rü to i nachixü̃anegüarü ãẽ̱xgacügügu nidaucüraxü̃ rü nüxü̃ nacugüe i ngẽma duü̃xü̃gü i tachigagüxü̃. Rü nüxü̃ nacugüe i ngẽma ĩanearü poxeguxü̃tápü̱x erü nacüwawa rü waixü̃mümaxã nanagünagügü nax ngẽmaãcü nagu nachocuxü̃ca̱x rü yapugüãxü̃ca̱x ya yima ĩane.