Chofonía 1:7 - Tupanaarü Ore

⁷ ¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.

Chofonía 1:7 Referans Kwoze

Abacú 2:20

Natürü nüma ya Cori ya Tupana ya Maxü̃cü rü napata ya üünenewa nangẽxma. Rü guxãma i pema i ñoma i naanecüã̱x rü name nixĩ i nape̱xewa pechianegümare.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.

Chofonía 1:14

¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.

Yeremía 46:10

Rü ñaa nixĩ i ngunexü̃ i Cori ya Tupana ya Guxãétüwa Ngẽxmacü tá nagu nada̱i̱xü̃ i norü uanügü. Rü taramaxã tá nanadai rü tacü ya nagü tá inaba ñu̱xmata mea nüxü̃́ yangu. Rü nüma ya Cori ya Tupana ya Guxãétüwa Ngẽxmacü rü ngẽma naane i nórtewa ngẽxmaxü̃wa tá nanadai i norü uanügü i taxtü i Eufrátearü ngaicamawa ngẽxmaxü̃.

Ichaía 34:6

Rü ngẽma Cori ya Tupanaarü tara rü nagümaxã tá nadutachinü rü chíxü̃maxã tá niyi̱xatachinücüxü. Rü ñoma ngẽxguma ãmareruxü̃ carnéruxacügü rü chíbuxacügü idaixgurüxü̃ tá nixĩ. Rü nüma ya Cori ya Tupana rü ĩane ya Bochráwa wüxi i ãmare tá nigu, rü Edóü̃anewa rü muxü̃tama i duü̃xü̃güxü̃ tá nadai.

Ichaía 13:6

¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Ore i mexü̃ ga Matéu ümatüxü̃ 22:4

Rü nüma ga ãẽ̱xgacü rü wenaxarü togü ga norü duü̃xü̃güxü̃ yéma namugü. Rü ñanagürü nüxü̃: “¡Ngéma pexĩ naxü̃tawa i ngẽma duü̃xü̃gü i nüxna chaxuchiréxü̃, rü namaxã nüxü̃ peyarüxu rü marü íname i chorü õna i taxü̃. Rü marü chanadai i chorü wocagü i ingüexü̃ rü guxü̃ma marü ínamemare. Rü chanaxwa̱xe i paxa nua naxĩ naxca̱x i ñaa chorü peta!” ñanagürü.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

1 Chamué 16:5

Rü nüma ga Chamué rü nanangãxü̃ rü ñanagürü: —Taxuxü̃ma nixĩ i ngupetüxü̃. Rü nua chaxũ nax Tupanaca̱x wüxi i naxü̃na chimáxü̃ca̱x. ¡Rü ngẽmaca̱x Tupanaca̱x pegü pimexẽxẽgü rü choxü̃ ípixümücü nax ngẽma naxü̃naarü ma̱xwa rü Tupanaarü cua̱xüü̃wa ipexãgüxü̃ca̱x! —ñanagürü. Rü yemawena ga Chamué rü Ichaxíxü̃ rü nanegüxü̃ Tupanaca̱x nimexẽẽgü, rü nüxna naxu nax íyaxümücügüãxü̃ca̱x ga Tupanaarü cua̱xüxü̃wa.

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Amúx 6:10

Rü poraãcü tá nata i muü̃ i ngẽxguma texe nayaxugu i ngẽma naxü̃ne i yuxü̃ i tümatanüxü̃ nax yima ĩpatawa ítanange̱xechixü̃ca̱x nax tayaguxü̃ca̱x. Rü tá ngẽma to i tümatanüxü̃ i aixepewa ngẽxmaxü̃na taca rü ñatagürü tá nüxü̃: —¿Tangexma ya toguxe i aixepewa ngẽxmaxe? —ñatagürü tá nüxü̃. Rü ngẽma to rü tá tüxü̃ nangãxü̃ rü ñanagürü: —Taxúema —ñanagürü tá. Rü ngẽma nüxna tacaxü̃ rü tá ñanagürü: —¡Írüngea̱x, rü taxũtá i Cori ya Tupanaégamaxã cuwáxü̃! —ñanagürü tá.

Joel 2:11

Rü nüma ya Cori ya Tupana rü nape̱xegu nixũ i ngẽma munügü i ñoma muxũchixü̃ i churaragürüxü̃ ixĩxü̃. Rü nüma ya Tupana rü tagaãcü nanamu i ngẽma munügü, rü nüma rü naga naxĩnüe. Rü ngẽma nax namuxũchixü̃ rü taxucürüwama texé tayaxugü. Rü poraãcü naxãũcüma i ngẽma ngunexü̃ i nagu Tupana tüxü̃ poxcuexü̃, rü taxúema tapora nax ítayachaxãchixẽẽxü̃.

Echequié 7:10

Rü ñaa nixĩ i ngẽma ngunexü̃, rü marü nawa nangu. Rü marü ínangu i ngẽma poxcu. Rü ngẽma chixexü̃ rü guxü̃wama i ñaa naanewa nangẽxma. Rü duü̃xü̃gü rü guxü̃wama nügü nicua̱xüü̃gü.

Echequié 7:7

Pa Duü̃xü̃gü i Ñoma i Naanewa Maxẽxü̃x, marü ningaica rü marü nawa nangu i ngẽma ngunexü̃ i nagu tá penaxĩ̱xãchiãẽgüxü̃. Rü marü nayagu̱x ga yema taãxẽ ga ma̱xpǘnegüwa yexmaxü̃, rü ñu̱xma rü muü̃xicatama nangẽxma.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Colosenses 1:12

Rü ngẽmaãcü penaxwa̱xe nax taãẽãcüma Tanatü ya Tupanana moxẽ pexãgüxü̃, erü nüma pexü̃ nimexẽẽgü nax pema rü ta penayauxgüxü̃ca̱x i ngẽma mexü̃gü i nüma tá nüxna naxãxü̃ i ngẽma norü duü̃xü̃gü ixĩgüxü̃.

Filipenses 4:5

Rü chanaxwa̱xe i mea pemaxẽ nax guxü̃ma i duü̃xü̃gü pexü̃ nacua̱xgüxü̃ca̱x nax aixcüma mexü̃ i duü̃xü̃gü pixĩgüxü̃. ¡Rü nüxna pecua̱xãchie nax tórü Cori rü paxa tá nataeguxü̃ nax núma naxũxü̃!

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.

1 Chamué 20:26

Yema ngunexü̃gu ga Chaú rü taxu ñanagürümare, yerü ñaxü̃gu narüxĩnü: —Ngürüãchi ta̱xacü nüxü̃ nangupetü rü tama Tupanape̱xewa nügü namexẽxẽ rü ngẽmaca̱x tama nua naxũ —ñaxü̃gu narüxĩnü.

Yox 24:1

Rü nüma ga Yox rü ñanagürü ta: —¿Tü̱xcüü̃ ya yimá Guxãétüwa Ücü ya Tupana rü tama tamaxã nüxü̃ yaxuxü̃ ega ta̱xacü naxüxchaü̃gu nax ngẽmaãcü i yixema i duü̃xü̃gü rü nüxü̃ icuáxü̃ca̱x?

Ichaía 13:3

Rü choma ya Cori ya Tupana rü naxca̱x chaca i ngẽma nüxü̃ chaxunetaxü̃ i chorü churaragü i tama muü̃exü̃. Rü chanamu i ngẽma churaragü nax nadaiaxü̃ca̱x i ngẽma Babiróniacüã̱x rü ngẽmaãcü nataãẽgüxü̃ca̱x i ngẽxguma nüxü̃ chanaporamaexẽẽgügu —ñanagürü ga Tupana.

Ichaía 34:5

Rü daxũwa tá nango̱x i Cori ya Tupanaarü tara. Rü natanügu tá nangu i Edóü̃anearü duü̃xü̃gü ya Tupana yu namaxã ueguxü̃.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Amúx 8:3

Rü ñanagürü ta: —Ngẽma ngunexü̃gu rü ngẽma ãẽ̱xgacüpatawa taãẽãcü nax nawiyaegüxü̃ rü tá ngechaü̃xü̃ nananguxuchi. Erü ngẽma ngunexü̃gü rü muxü̃tama i duü̃xü̃gü nayue. Rü bexma tá düxétüguama ínanawoxü̃ i ngẽma yuexü̃ —ñanagürü ya Cori ya Tupana.

Chacaría 14:1

Rü marü ningaica i ngẽma ngunexü̃ i nagu Cori ya Tupana tá cuxü̃ poxcuxü̃, Pa Yerucharéü̃cüã̱xgüx. Rü ngẽxguma ínanguxgu, rü perü uanügü rü pepe̱xewa tátama nügü nayanu i perü ngẽmaxü̃gü i pexna napuxü̃xü̃.