Chofonía 1:13 - Tupanaarü Ore

¹³ Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.

Chofonía 1:13 Referans Kwoze

Amúx 5:11

Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Miquéa 6:15

Rü tá petoe, natürü taxũtáma penabuxu i norü o. Rü tá penawaxi i ngẽma oribugü, natürü taxũtáma pexca̱x nixĩ i norü chíxü̃. Rü tá penama̱i̱xtüxü̃ i ngẽma úbagü, natürü taxũtáma peyaxaxgü i norü bínu.

Wenaxarü naxümatü ga Tupanaarü mugü 28:30

Rü wüxi i ngecümaxã tá nüxü̃ quixu nax ngĩmaxã cuxãma̱xchaü̃xü̃, natürü to i yatü tá ngĩmaxã ínape. Rü cuma rü cupata tá cuxü, natürü tagutáma cuma nagu cupe. Rü wüxi i naane tá úbamaxã cuto, natürü tagutáma norü oxü̃ cungõ̱xneta.

Echequié 7:21

Rü natanüwa tá chanamugü i to i nachixü̃anecüã̱xgü nax nüxü̃́ nadeaxü̃ca̱x i norü ngẽmaxü̃gü. Rü ngẽmaãcü tá natanüwa naxĩxü̃ca̱x i ngẽma duü̃xü̃gü i guxü̃ i naanewa yexeraãcü naxchi naxaiexü̃ nax nüxna yapuxü̃ãxü̃ca̱x i norü ngã̱xãẽruü̃gü rü ñoma ãũãchixü̃rüxü̃ namaxã yaxĩgüxü̃ca̱x.

Yeremía 15:13

Rü ngẽma perü pecadugügagu, Pa Iraétanüxü̃x, rü tá perü uanügüna chanana i perü ngẽmaxü̃gü, rü perü diẽrugü, rü guxü̃ma i ta̱xacü i pexü̃́ ngẽxmaxü̃ i perü naanewa nax nüma yanaxãxü̃ca̱x.

Yeremía 9:19

Rü Chióü̃gu nüxü̃ taxĩnü i naga i duü̃xü̃gü nax aixta naxüexü̃ namaxã nax ngúxü̃ yangegüxü̃. Rü ñaãcü aixta naxüe: Taxü̃ i ngechaü̃wa tangexmagü erü tórü ĩane rü nachitaxü̃xica ínayaxü. Rü ngẽmaca̱x poraãcü taxãnee. Rü ñu̱xma i tórü uanügü rü tachixü̃anena to i nachixü̃anewa tá tüxü̃ nagagü. Rü tapatagü rü nachitaxü̃xica ngéma nayaxügü.

Wenaxarü naxümatü ga Tupanaarü mugü 28:39

Rü úba tá pexünecü rü tá nüxna pedau, natürü bai i norü oxü̃ tá pengõ̱xnetaxü̃ rü norü bínune peyaxaxüxü̃, erü ngẽma perü úba rü õxmigü tá pexü̃́ nayawa.

Chofonía 1:9

Rü ngẽma ngunexü̃gu rü tá chanapoxcue i ngẽma ĩpatagügu ichocuetanüxü̃ nax nangĩ́exü̃ca̱x, rü ngẽma diẽru i napuxü̃maxã rü womüxẽẽãcü nayauxgüxü̃maxã nanapáxẽẽgü ya norü tupananetapata —ñanagürü.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Echequié 7:19

Rü ngẽma ngunexü̃ i Cori ya Tupana nagu napoxcuexü̃gu i duü̃xü̃gü rü taxuwatáma nüxü̃́ name i ngẽma norü úirugü rü norü diẽrugü. Rü ngẽma duü̃xü̃gü rü ñoma guxchirerüxü̃ ĩanearü namagügu tá tüxü̃ nawogü ya norü diẽru rü norü úirugü. Erü nataxutama i õna rü ngẽmaca̱x taxuwatáma nüxü̃́ name i ngẽma norü úirugü rü norü diẽrugü nax tümamaxã nachibüexü̃ca̱x rü norü taiya tümamaxã yañaxẽẽgüxü̃ca̱x. Rü ngẽmaãcü tá namaxã nangupetü i ngẽma duü̃xü̃gü erü ngẽma úirugagu nixĩ ga chixexü̃ naxügüxü̃.

Yeremía 9:11

Rü Tupana rü ñanagürü: —Nutagüxü̃ tá chayanguxuchixẽxẽ ya Yerucharéü̃, rü wüxi i ngowagüarü pegüchicaxü̃ tá chayaxũxẽxẽ. Rü yima Yudáanearü ĩanegü rü chianexü̃xü̃ tá chananguxuchixẽxẽ, rü taxuxü̃táma i duü̃xü̃gü nawa namaxẽ —ñanagürü.

Yeremía 5:17

Rü tá nanangõ̱xgü i ngẽma penetügü, rü pewemügü. Rü woo yíxema penegü rü pexacügü rü tá tüxü̃ nadai rü tá tüxü̃ nangõ̱xcu. Rü yíxema perü carnérugü rü perü wocagü rü tüxü̃ tá nangõ̱xcu. Rü perü úbagü rü perü igunecüarü o rü tá ta nanangõ̱xgü. Rü naxnegümaxã tá nagu nipogügü ya yima perü ĩanegü ya ípoxegugüne ya namaxã pegü íperüporaene —ñanagürü.

Yeremía 4:20

Rü nüxü̃ taxĩnüchiga nax ngẽma uanügü rü guxü̃wama naporamaegüxü̃ i tachixü̃anewa. Rü yima tórü ĩanegü rü nachitaxü̃xica íyaxügüxü̃. Rü ngürüãchi changepata erü marü nagu napogüe ya yima chopatagü ya naxchirunaxca̱x.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Wenaxarü naxümatü ga Tupanaarü mugü 28:51

Rü ngẽma duü̃xü̃gü rü tá curü wocaxacügümaxã naxãwemü. Rü cuanegu cutoxü̃ i cunetügüarü o rü tá nayabuxgü ñu̱xmatáta taxuxü̃táma i norü o ngéma yaxǘgüxẽxẽ. Rü ngẽma curü tríguarü o, rü taxuxü̃táma ngéma nayaxügüxẽxẽ. Rü ngẽxgumarüxü̃ ta i curü bínu, rü chíxü̃, rü curü wocaxacügü rü curü carnéruxacügü rü taxuxü̃táma ngéma nayaxügüxẽxẽ. Rü ngẽmagagu tá taiyamaxã cuyu.

Auxexü̃chiga 5:2

Rü guxü̃ma ga torü yemaxü̃gü rü ñu̱xma rü duü̃xü̃gü i to i nachixü̃anecüã̱xgüme̱xẽwa nangẽxmagü. Rü topatagü rü ñu̱xma rü duü̃xü̃gü i taguma nüxü̃ tacua̱xgüxü̃ nawa nangẽxmagü.

Echequié 7:24

Rü choma rü tá ngéma chanamugü i togü i nachixü̃anecüã̱xgü i duü̃xü̃gü i chixecümaxü̃ nax ngẽmamaxã yayoraã́xü̃ca̱x ya napatagü i ngẽma Yerucharéü̃cüã̱xgü. Rü ngẽmaãcü tá chayanaxoxẽxẽ nax nügü yacua̱xüü̃güxü̃ i ngẽma yatügü i muarü ngẽmaxü̃ã̱xgüxü̃. Rü ngẽma nachicagü i nawa norü tupananetachicüna̱xãgüxü̃ yacua̱xüü̃güxü̃, rü tá chanamu i ngẽma norü uanügü nax nagu napogüexü̃ca̱x.