Chofonía 1:10 - Tupanaarü Ore

¹⁰ Rü nüma ya Cori ya Tupana rü ñanagürü ta: —Ngẽma ngunexü̃gu rü tá nüxü̃ taxĩnüe i duü̃xü̃gü i aita üexü̃ nax ngü̃xẽẽca̱x ínacagüxü̃ i Choxnigüarü ĩã̱xwa. Rü yima Ngexwacaxü̃ ya Ĩanewa ngẽxmagüxü̃ i duü̃xü̃gü rü tá ta aita naxüe. Rü ngẽxgumarüxü̃ tá ta nüxü̃ taxĩnüe nax tagaãcü nawĩẽmügüxü̃ ya yima ma̱xpǘnegü.

Chofonía 1:10 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 33:14

Rü guxü̃ma ga yema nüxü̃ ngupetüxü̃wena ga Manaché rü Dabíarü Ĩanearü poxeguxü̃arü düxétüwaama rü ínanapoxegu. Rü yema poxeguxü̃ rü namáchanexüchi. Rü natü ga Guióü̃arü oéstewa inaxügü. Rü wüxi ga ngatewa nadapetü rü ñu̱xmata Choxniarü ĩã̱xwa nangu rü ñu̱xũchi nagu ínadaeguãchi ga ma̱xpǘne ga Ófe. Rü guxü̃nema ga Yudáanearü ĩanegü ga ípoxegugünegu nayanu ga churaragüerugü nax nüxna nadaugüxü̃ca̱x.

Amúx 8:3

Rü ñanagürü ta: —Ngẽma ngunexü̃gu rü ngẽma ãẽ̱xgacüpatawa taãẽãcü nax nawiyaegüxü̃ rü tá ngechaü̃xü̃ nananguxuchi. Erü ngẽma ngunexü̃gü rü muxü̃tama i duü̃xü̃gü nayue. Rü bexma tá düxétüguama ínanawoxü̃ i ngẽma yuexü̃ —ñanagürü ya Cori ya Tupana.

Norü taxre ga popera ga ãẽ̱xgacügüchiga 22:14

Rü nüma ga Irichía, rü Aicáü̃, rü Abúru, rü Chapáü̃, rü Achaía rü ngĩxü̃tawa naxĩ ga yema orearü uruxü̃ ga Úda ga Charúü̃ naxma̱x. Rü nüma ga Charúü̃ rü Tibá nane nixĩ rü Arátaxa nixĩ. Rü nüma ga Ará rü chacherdótegüchiruarü dauruxü̃ nixĩ. Rü ngĩma ga Úda rü Yerucharéü̃wa yema yexwaca̱xü̃ ga ĩanegu ĩ̱xãchiü̃.

Neemía 3:3

Rü yema Chenaátanüxü̃ nixĩ ga namexẽẽgüxü̃ ga yema ĩã̱x ga Choxnigügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Chofonía 1:15

Rü ngẽma ngunexü̃ rü Tupana tá nayanguxẽxẽ i norü nu. Rü ngẽma duü̃xü̃gü rü tá nanaxĩ̱xãchiãẽgü rü ngúxü̃ tá ningegü. Rü norü uanügü rü tá nagu napogüe ya yima norü ĩanegü. Rü poraãcü tá nawaane rü narücaixane. Rü ngẽmaãcü guxü̃wama tá naxẽane.

Chofonía 1:7

¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.

Yeremía 39:2

Rü yexguma 11 ga taunecü marü ãẽ̱xgacü yixĩxgu ga Chedequía rü meama norü ãgümücü ga tauemacüarü 9 ga ngunexü̃gu rü nayapoxnagü ga norü poxeguxü̃ ga guma ĩane rü yemaacü nachocu.

Yeremía 4:31

Nüxü̃ chaxĩnü i naga i ñoma wüxi ya ngexe ya ngexwaca íxraxacüxerüxü̃ ixĩxü̃. Rü ngẽma naga rü Chióü̃cüã̱xgüga nixĩ. Rü nümagü rü naxugüme̱xẽãcü ñaãcü naxauxe: —¡Chaugümaxã changechaü̃, erü choxü̃ tá nadai i ngẽma máetatanüxü̃! —ñaxü̃.

Ichaía 59:11

Rü guxãma i yixema rü ñoma osu i düraxü̃rüxü̃ tingi̱netanücüxü rü muxtucurüxü̃ tangechaxü̃gagü. Rü ítanangu̱xẽxẽ nax tórü uanügüme̱xẽwa ínguxü̃xü̃ natürü ya Tupana rü tama paxa tüxü̃ narüngü̃xẽxẽ. Rü tanaxwa̱xe nax ngẽma uanügüme̱xẽwa ínguxü̃xü̃ natürü naxme̱xwa tangexmagüama.

Norü taxre ga to ga popera ga ãẽ̱xgacügüchiga ümatüxü̃ 32:22

Rü yemaacü ga Tupana rü Echequíaxü̃ rü Yerucharéü̃cüã̱xgüxü̃ ínapoxü̃ naxme̱xwa ga Chenáqueri ga Achíriaanearü ãẽ̱xgacü. Rü yexgumarüxü̃ ta naxme̱xwa ínanapoxü̃ ga guxü̃ma ga yema togü ga norü uanügü. Rü yemaacü ga Tupana rü guxü̃ma ga yema togü ga nachixü̃anegü ga nüxna ngaixcamagüxü̃ rü nanangüxmüexẽẽgü.

Norü taxre ga to ga popera ga ãẽ̱xgacügüchiga ümatüxü̃ 3:1

Rü nüma ga Charomóü̃ rü inanaxügü nax naxüaxü̃ ya Cori ya Tupanapata ga taxü̃ne ga Yerucharéü̃wa nagu ga nachica ga Yebuchéutanüxü̃ ga Onáü̃ trigu nawa púxü̃ ga ma̱xpǘne ga Moríawa. Rü guma ma̱xpǘnewa nixĩ ga Charomóü̃ nanatü ga Dabíca̱x nangóxü̃ ga Cori ya Tupana. Rü yema nixĩ ga nachica ga Dabí nüxü̃ unetaxü̃ nax nagu tá naxüxü̃ ya Tupanapata ya taxü̃ne.

2 Chamué 5:9

Rü yemawena ga Dabí rü guma ma̱xpǘne ga Chióü̃wa ngẽxmane ga ĩanegu nanaxü ga napata nax yéma norü churaragümaxã nayexmaxü̃ca̱x. Rü guma ĩane rü Dabíarü Ĩanegu nanaxüéga. Rü nanaxütapü̱xgü ga guxü̃wama. Rü yema toxṍõneacü ínamexẽẽgüãxü̃wa inaxügü ga naxtapü̱x, rü ĩanewaama nanadaxẽxẽ rü ñu̱xmata ãẽ̱xgacüpatawa nangu.

2 Chamué 5:7

Natürü nüma ga Dabí rü norü churaragümaxã nagu naxĩgüama ga guma ma̱xpǘne ga Chióü̃ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i ñu̱xma i Dabíarü Ĩane ñaãcü naxugüãxü̃.

Norü taxre ga to ga popera ga ãẽ̱xgacügüchiga ümatüxü̃ 34:22

Rü nümagü ga Irichía rü ñu̱xũchi yema ãẽ̱xgacü nüxü̃ unetagüxü̃ ga Aicáü̃, rü Axdóü̃, rü Chapáü̃, rü Achaía rü ngĩxü̃tawa naxĩ ga yema Tupanaarü orearü uruxü̃ ga Úda ga Charúü̃ naxma̱x. Rü nüma ga Charúü̃ rü Tibá nane nixĩ rü Arátaxa nixĩ. Rü nüma ga Ará rü chacherdótegüchiruarü dauruxü̃ nixĩ. Rü ngĩma ga Úda rü yema Yerucharéü̃arü naane ga yexwacax duü̃xü̃gü nagu ãpataxü̃gu ixãpata.

Neemía 12:39

Rü nüxü̃ tachopetü ga yema ĩã̱x ga Efraíü̃gu ãégaxü̃ rü yema ĩã̱x ga Yechanágu ãégaxü̃ rü yema ĩã̱x ga Choxnigügu ãégaxü̃ rü yema daxũtaechica ga Ananégu ãégaxü̃ rü yema daxũtaechica ga 100gu ãégaxü̃ rü ñu̱xmata nawa tangugü ga yema ĩã̱x ga Carnérugügu ãégaxü̃. Rü nawa tayachaxãchitanü ga yema ĩã̱x ga Dauxü̃taeruü̃gu ãégaxü̃.

Echequié 6:13

Rü ngẽxguma ngẽma maxẽxü̃ i duü̃xü̃gü nüxü̃ daugügu i ngẽma yuexü̃ i naxchicüna̱xãgüpe̱xegu nuquegüxü̃, rü ãmarearü guruü̃gücüwagu nuquegüxü̃, rü guxü̃ma i ngüchitaerugüxü̃gu nuquegüxü̃, rü ma̱xpǘnegügu nuquegüxü̃, rü guxü̃ma i nai i taetaxü̃tüü̃gu nuquegüxü̃, rü guxü̃ma i castaña i taetaxü̃tüü̃gu nuquegüxü̃, rü ñu̱xũchi ngẽma nachicagü i norü naxchicüna̱xãgüca̱x pumarate̱xe íyagugüxü̃gu nuquegüxü̃, rü ngẽxguma ngẽmaxü̃ nadaugügu i ngẽma duü̃xü̃gü i íyaxügüxü̃ rü tá nüxü̃ nicua̱xãchitanü nax choma chixĩxü̃ ya Cori ya Tupana.