Chofonía 1:1 - Tupanaarü Ore

¹ Ñaa nixĩ ga ore ga Cori ya Tupana Chofoníamaxã nüxü̃ ixuxü̃ ga yexguma Yochía ga Amóü̃ nane ãẽ̱xgacü ixĩxgu ga Yudáanewa. Rü nüma ga Chofonía rü Cúchi nane nixĩ, rü Cúchi rü Guedaría nane nixĩ, rü Guedaría rü Amaría nane nixĩ, rü Amaría rü Echequía nane nixĩ.

Chofonía 1:1 Referans Kwoze

Yeremía 1:2

Rü yexguma Amóx nane ga Yochía rü marü 13 ga taunecü ãẽ̱xgacü yixĩxgu ga Yudáanewa, rü nüma ga Tupana rü Yeremíamaxã nidexa.

Norü taxre ga popera ga Pedru ümatüxü̃ 1:19

Rü yemaacü nüxü̃ tadau nax aixcüma yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugügüxü̃. Yerü yema nüxü̃ yaxugügüxü̃rüü̃tama nixĩ ga nüxü̃ tadauxü̃. Rü name nixĩ i pema rü ta aixcüma mea nagu perüxĩnüe i ngẽma ore, erü wüxi i omü i ẽanexü̃wa ibáxixü̃rüxü̃ nixĩ. Rü ngẽma ore rü tá pexü̃ nüxü̃ nacua̱xẽxẽ i Tupanachiga ñu̱xmatáta ínangu ya tórü Cori ya Ngechuchu ya Cristu ya yimá woramacuri ya ngunetüxü̃ ngócürüxü̃ ixĩcü. Rü ngẽxguma ínanguxgu i nüma rü tá perü maxü̃gu nabáxi.

Ochéa 1:1

Ñaa nixĩ ga ore ga Cori ya Tupana nüxü̃ ixuxü̃ namaxã ga Ochéa ga Beerí nane ga yexguma Yudáanewa ãẽ̱xgacügü yixĩgügu ga Uchía rü Yotáü̃ rü Acháx rü Echequía. Rü Iraéanewa rü Yeruboáü̃ ga Yoá nane nixĩ ga norü ãẽ̱xgacü ixĩxü̃.

Yeremía 25:3

—Yexguma marü 13 ga taunecü Yudáanewa ãẽ̱xgacü yaxĩxgu ga Yochía ga Amóü̃ nane, ñu̱xmata ñaa ngunexü̃wa nangu rü 23 ga taunecü nixĩ nax Cori ya Tupana chomaxã yadexaxü̃ rü choma rü pemaxã nüxü̃ chixuechaxü̃ ga yema norü ore. Natürü ga pema rü tama chauga pexĩnüechaü̃.

Norü taxre ga popera ga Timutéuca̱x naxümatüxü̃ ga Pauru 3:16

Rü guxü̃ma i ngẽma Tupanaarü ore i ümatüxü̃ rü nügüãẽwatama nanayaxu ga Tupana. Rü ngẽma ore rü name nax duü̃xü̃güxü̃ namaxã ingúexẽẽxü̃, rü namaxã yaxucu̱xẽgüxü̃ rü namaxã iyanawe̱xãchixẽẽgüxü̃, rü namaxã nangúexẽẽxü̃ nax mea Tupanape̱xewa namaxẽxü̃ca̱x.

Norü taxre ga popera ga ãẽ̱xgacügüchiga 21:18

Rü yexguma nayu̱xgu ga Manaché, rü ãẽ̱xgacüpataã̱xtü ga Uchágu nanata̱xgü. Rü yemawena rü nane ga Amóü̃ rü nachicüxü ãẽ̱xgacüxü̃ ningucuchi.

Norü taxre ga to ga popera ga ãẽ̱xgacügüchiga ümatüxü̃ 33:20

Rü yexguma nayu̱xgu rü napata ga nawa ãẽ̱xgacü yixĩxü̃neã̱xtügu nanata̱xgü. Rü nawena rü nane ga Amóü̃ ãẽ̱xgacüxü̃ ningucuchi.

Yeremía 22:11

Erü nüma ya Cori ya Tupana rü nachiga nidexa i Charúü̃ i Yochía nane i nanatüwena Yudáanearü ãẽ̱xgacü ixĩcü rü marü to ga nachixü̃anewa nagagüãcü. Rü ñanagürü: —Nüma ga Charúü̃ rü tagutáma nataegu, rü ngẽma nachica i nawa nagagüáxü̃gu tá nayu, rü tagutáma wena nüxü̃ nadau i ñaa nachixü̃ane —ñanagürü.

Norü taxre ga popera ga ãẽ̱xgacügüchiga 21:26

Rü yexguma nayu̱xgu ga Amóü̃, rü ãẽ̱xgacüpataã̱xtü ga Uchágu nanata̱xgü. Rü yemawena rü nane ga Yochía rü nachicüxü ãẽ̱xgacüxü̃ ningucuchi.