Chacaría 9:8 - Tupanaarü Ore

⁸ Choma rü íchamemare nax íchanapoxü̃xü̃ i ngẽma chorü duü̃xü̃gü nape̱xewa i ngẽma norü uanügü. Rü ngẽma to i nachixü̃anearü ãẽ̱xgacü i noxri chixri namaxã icuáxü̃ rü tagutáma wena namaxã inacua̱x. Erü ñu̱xma rü chomaxü̃chima nüxna chadau i chorü duü̃xü̃gü —ñanagürü.

Chacaría 9:8 Referans Kwoze

Ichaía 54:14

Rü perü ãẽ̱xgacügü rü tá mea pemaxã inacua̱xgü rü ngẽmaãcü tá peporae. Rü taxũtáma togüme̱xẽwa pengẽxmagü rü taxũtáma ta̱xacüca̱x pemuü̃e.

Ichaía 60:18

Rü ngẽma perü naanewa rü marü tagutáma máetachigaxü̃ rü chixexü̃chigaxü̃ pexĩnüe rü ngẽma perü naane rü marü tagutáma texé tanachixexẽxẽ. Rü ngẽma Yerucharéü̃arü poxeguxü̃tápü̱x rü “Nguxü̃xẽxẽruxü̃”, tá nixĩ i naéga. Rü ngẽma norü ĩã̱xgü rü “Cua̱xüxü̃”, tá nixĩ i naéga.

Ichaía 52:1

¡Peba̱i̱xãchie, Pa Chióü̃cüã̱xgüx, peba̱i̱xãchie! ¡Ipechigü rü peporae i pema i yima ĩane ya üünene ya Yerucharéü̃arü duü̃xü̃gü nax pixĩgüxü̃! ¡Rü mexü̃ i pexchirugu picu̱xgü! Erü ngẽma perü uanügü i tama choxü̃ cua̱xgüxü̃ rü tagutáma wena pexca̱x ínayaxüãchi.

Yeremía 31:12

Rü nümagü rü tá Yerucharéü̃wa nangugü, rü Chióü̃arü ma̱xpǘnewa tá taãẽãcü nayawiyaegü. Rü mexü̃wa tá nangẽxmagü, erü Cori ya Tupana rü tá nüxna nanaxã i guxü̃ma i mexü̃gü i trigu rü bínu, rü chíxü̃, rü carnérugü rü wocagü. Rü tá mea nachibüe rü naporae. Rü ñoma wüxi i putüranecü i mea maixnecüxü̃rüxü̃ tá nixĩgü. Rü wüxi i nachixü̃ane i poraxü̃ tá nixĩ, rü taxũtáma wena ngúxü̃ ningegü.

Amúx 9:15

Rü norü naanewa tá chanangexmagüxẽxẽ i ngẽma Iraétanüxü̃, rü tagutáma texé nawa ítanawoxü̃ i ngẽma norü naane i choma nüxna chaxãxü̃. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Echequié 39:29

Rü tagutáma wena nüxna chaxãca̱xwe̱x, erü ngẽma Iraétanüxü̃tanüwa tá chanamu i Chauãxẽ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 52:12

¡Natürü taxuca̱xma ñu̱xãẽãcü ípechoxü̃ rü pibuxmü! Erü nüma ya perü Tupana i pema i Iraétanüxü̃ rü tá pexna nadau i guxü̃ma i ãũcümaxü̃wa.

Ichaía 31:5

Rü ñoma wüxi i weri i naxchiãü̃na idauxü̃ i naétügu íñaü̃xü̃rüxü̃ tá nixĩ nax nüma ya Cori ya Tupana ya Guxãétüwa Ngẽxmacü rü tá Yerucharéü̃na nadauxü̃ rü norü uanüna napuãxü̃ rü ínapoxü̃ãxü̃ rü ínanguxuchixẽẽãxü̃ —ñanagürü.

Wiyaegü 72:4

Rü chanaxwa̱xe i nüma ya ãẽ̱xgacü rü mea tümamaxã inacua̱x ya yíxema ingearü ngẽmaxü̃ã̱xgüxe, rü tüxü̃ narüngü̃xẽxẽ ya tümaxacügü ya yíxema tüxü̃́ nataxúxe, rü napoxcueã i ngẽma chixri norü duü̃xü̃gümaxã icua̱xgüxü̃.

Wiyaegü 34:7

Rü Cori ya Tupanaarü orearü ngeruxü̃ i daxũcüã̱x rü tümatanüwa nangẽxma ya yíxema Cori ya Tupanaxü̃ muü̃xe, rü tüxü̃ ínapoxü̃.

2 Chamué 16:12

Natürü ngẽxguma Cori ya Tupana choxü̃ da̱u̱xgu nax ngúxü̃ chingexü̃, rü bexmana mexü̃maxã tá choxü̃́ nanaxüchicüxü i ñaa chixexü̃ i ñu̱xma nüxü̃ chaxĩnüxü̃ —ñanagürü.

Ínachoxü̃xü̃chiga 3:9

Rü dücax, rü marü nüxü̃ chaxĩnü nax ñuxãcü ngẽma Equítuanecüã̱xgüxü̃ ínaxuaxü̃güxü̃ i ngẽma Iraétanüxü̃, rü nüxü̃ chadau nax ñuxãcü poraãcü chixri namaxã nachopetüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:9

Rü ngẽmaãcü i ngẽma churaragü rü tá ñoma i naanearü tagu ninguuchi. Rü tá Tupanaarü duü̃xü̃güxü̃ rü yima ĩane ya Tupana nüxü̃ ngechaxü̃ne ya Yerucharéü̃xü̃ ínachoeguãchi. Natürü Tupana rü daxũwa tá nanayixẽxẽ ya üxü, rü yimamaxã tá nixae i guxü̃ma i ngẽma namaxã rüxuanügüxü̃.

Ngechuchuarü ngúexü̃gü ga yamugüxü̃arü puracüchiga 7:34

Choma rü ngóxü̃wama nüxü̃ chadau i ñuxãcü poraãcü ngúxü̃ nax yangegüxü̃ i chorü duü̃xü̃gü i Equítuanewa. Rü nüxü̃ chaxĩnü nax naxauxexü̃. Rü ngẽmaca̱x núma chaxũ nax íchananguxü̃xẽxẽxü̃ca̱x. ¡Nua naxũ nax Equítuanewa cuxü̃ chamuxü̃ca̱x!” ñanagürü ga Tupana.

Chacaría 14:11

Rü yima ĩane ya Yerucharéü̃ rü tá namuarü duü̃xü̃güã̱x, rü taxũtáma wenaxarü norü uanügü nagu napogüe. Rü ngẽma duü̃xü̃gü i nagu ãpatagüxü̃ rü tá taãẽxãcü nawa namaxẽ.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Yeremía 46:13

Rü yexguma Nabucudonochó ga Babiróniaanearü ãẽ̱xgacü ixũãchigu nax Equítuaneca̱x íyagoõchixü̃ca̱x, rü nüma ga Cori ya Tupana rü Yeremíamaxã nidexa.

Yeremía 46:2

Rü ñaa nixĩ i ore i Equítuanechiga rü norü ãẽ̱xgacü ga Faraóü̃ ga Necáuchiga rü norü churaragüchiga ga yexguma ĩane ga Caquemíwa nayexmagu ga taxtü ga Eufrátecutüwa. Rü yéma Babiróniaanearü ãẽ̱xgacü ga Nabucudonochó Necáuxü̃ narüporamae ga yexguma Yoaquíü̃ ga Yochía nane norü ãgümücü ga taunecü Yudáanearü ãẽ̱xgacü yixĩxgu.

Ichaía 26:1

Rü ngẽma ngunexü̃ ya Tupana nagu napoxcuexü̃ i norü uanügü rü ngẽma Yudáanecüã̱xgü, rü tá nawiyaegü nagu i ñaa wiyae: —Tüxü̃́ nangẽxma ya daa tórü ĩane ya porane ya tüxü̃ ípoxü̃ne nüxna i tórü uanügü. Erü nüma ya Cori ya Tupana rü tüxü̃ narüngü̃xẽxẽ rü taixü̃ i naxtapü̱xmaxã ínanapoxegu ya daa tórü ĩane.

Ichaía 4:5

Rü ngẽma duü̃xü̃gü i ma̱xpǘne ya Chióü̃gu ngutaque̱xegüxü̃xétüwa rü Cori ya Tupana rü wüxi i caixanexü̃ i waxüxü̃ tá nango̱xẽxẽ i ngunecü. Rü ngẽxguma nachütagu rü tá nangóone erü üxüema i yauraxü̃ tá nango̱xẽxẽ. Rü nüma ya Cori ya Tupanaarü Üüne rü ngẽmaétüwa tá nangẽxma, nax ngẽmaãcü norü duü̃xü̃güna nadauxü̃ca̱x rü ínapoxü̃ãxü̃ca̱x. Rü ngunecü i ngẽma caixanexü̃ i waxü̃ i naétügu chüxüxü̃ rü duü̃xü̃güarü gáuxchipetaruxü̃ tá nixĩ, rü norü poxü̃ruxü̃ tá nixĩ na̱xcha̱xwa ya pucü rü buanecü.

Norü taxre ga popera ga ãẽ̱xgacügüchiga 24:1

Rü yexguma Yoaquíü̃ Yudáanewa ãẽ̱xgacü yixĩxgu, rü nüma ga Babiróniaanearü ãẽ̱xgacü ga Nabucudonochó rü Yudáanegu naxücu nax yapuãxü̃ca̱x ga norü ĩane ga Yerucharéü̃. Rü nüma ga Yoaquíü̃ rü tomaepü̱x ga taunecü Nabucudonochóme̱xẽwa nayexma rü nüxü̃́ nanaxütanü ga yema taxü̃ ga diẽru ga naxca̱x ínacaxü̃. Natürü ga yixcamaxü̃ra rü togu narüxĩnü rü yemaca̱x Nabucudonochómaxã nanu rü tama nanaxütanü ga yema diẽru.

Norü taxre ga popera ga ãẽ̱xgacügüchiga 23:29

Rü wüxi ga ngunexü̃gu rü nüma ga Equítuanearü ãẽ̱xgacü ga Faraóü̃ ga Necáu rü natü ga Eufrátewa naxũ nax Achíriaanearü ãẽ̱xgacüxü̃ yanangü̃xẽẽxü̃ca̱x. Rü yexguma ga nüma ga ãẽ̱xgacü ga Yochía rü inaxũãchi nax Necáumaxã nügü nada̱i̱xü̃ca̱x. Natürü yexguma ĩane ga Meguídugu Yochíaxü̃ yanga̱u̱xgu rü nüma ga Necáu rü Yochíaxü̃ nima̱x.

Ínachoxü̃xü̃chiga 3:7

Natürü nüma ga Cori ya Tupana rü ñanagürüama nüxü̃: —Meaxü̃chima nüxü̃ chadau nax ñuxãcü ngúxü̃ yangegüxü̃ i ngẽma chorü duü̃xü̃gü i Equítuanewa ngẽxmagüxü̃. Rü norü yumüxẽwa nüxü̃ chaxĩnü nax ñuxãcü norü dauruü̃güxü̃ nax ínaxuaxü̃güxü̃. Rü ngẽmaãcü meama nüxü̃ chacua̱x nax ñuxãcü ngúxü̃ yangegüxü̃.

Chacaría 9:7

Rü naa̱xwa rü tá chayapu i ngẽma namachi i nagüã́xü̃ i nangõ̱xgüxü̃. Rü ñu̱xũchi napütatanüwa tá chayapu i ngẽma õna i chu̱xuxü̃. Natürü ngẽma Firitéugütanüwa rü tá nangẽxma i ñuxre i duü̃xü̃gü i choxrü ixĩgüxü̃. Rü nümagü rü tá Yudáanewa ãẽ̱xgacügü nixĩgü. Rü ngẽma Ecróü̃cüã̱xgü rü tá yema Yebuchéugüxü̃ ngupetüxü̃rüxü̃ nüxü̃ nangupetü.

Norü taxre ga popera ga ãẽ̱xgacügüchiga 19:34

Rü chomatama tá nüxna chadau ya daa ĩane rü tá íchanapoxü̃ erü taguma nüxü̃ charüngüma ya chorü duü̃ ya Dabí rü chayanguxẽxẽ i ngẽma nüxü̃ chixuxü̃”, ñanagürü ga Tupana —ñanagürü ga Ichaía.

Ucu̱xẽgüchiga 3:25

Taxũtáma naxca̱x cumuü̃ i ngẽma ãũcümaxü̃gü i ngürüãchimare ínguxü̃ rü ngẽma chixexü̃ i naxca̱x ínguxü̃ i ngẽma duü̃xü̃gü i chixexü̃gu maxẽxü̃.

Chacaría 12:4

Natürü ngẽma ngunexü̃gu rü choma rü tá chayabuxmüxẽxẽ i norü uanügüarü cowarugü rü tá chanaxãũãẽxẽxẽ i ngẽma churaragü i nagu ĩxü̃. Rü Yudátanüxü̃ rü tá nüxna chadau. Rü guxü̃ma i ngẽma togü i nachixü̃anegüarü cowarugü rü tá chayangexetüxẽxẽ.