Chacaría 9:5 - Tupanaarü Ore

⁵ Rü ngẽxguma ngẽmaxü̃ nadaugügu ya yima ĩane ya Acharóü̃cüã̱xgü rü tá naba̱i̱xãchie. Rü yima ĩane ya Gáchacüã̱xgü rü tá poraãcü ngúxü̃ ningegü. Rü ngẽma duü̃xü̃gü i Ecróü̃cüã̱xgü rü poraãcü tá nanaxĩ̱xãchiãẽgü. Rü yima ĩane ya Gácha rü tá nangearü ãẽ̱xgacüã̱x rü yima ĩane ya Acharóü̃ rü tá nangearü duü̃xü̃güã̱x.

Chacaría 9:5 Referans Kwoze

Ngechuchuarü ngúexü̃gü ga yamugüxü̃arü puracüchiga 8:26

Rü yemawena, rü Tupanaarü orearü ngeruxü̃ ga daxũcüã̱x rü Ferípemaxã nüxü̃ nixu, rü ñanagürü: —¡Paxa inaxũãchi rü súrwaama naxũ nawa i ngẽma nama i Yerucharéü̃wa ne daxü̃ rü Gáchawa iyarügoxü̃! —ñanagürü. Rü ngẽma nixĩ i nama i chianexü̃wa dapetüxü̃ i ngextá taxúema íxãpataxü̃wa.

Yeremía 47:1

Ñaa nixĩ i Cori ya Tupanaarü ore ga norü orearü uruxü̃ ga Yeremíamaxã nüxü̃ yaxuxü̃ nachiga ga Firitéugü, naxü̃pa nax Equítuanearü ãẽ̱xgacü ga Faraóü̃ Gáchaca̱x íyagoõchixü̃.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Joel 3:4

¿Rü ta̱xacü ẽ̱xna nixĩ i chomaxã penaxwa̱xegüxü̃ i pemax, Pa Tírucüã̱xgü, rü Chidóü̃cüã̱xgü, rü Firitéugü? ¿Ẽ̱xna chomaxã pegü pedaixchaü̃? ¿Ẽ̱xna penaxwa̱xe nax ta̱xacü pexü̃́ chaxütanüxü̃? Choma rü paxatáma poxcu pexca̱x íchanguxẽxẽ.

Amúx 1:8

Rü tá chayama̱x ya ĩane ya Adúxarü ãẽ̱xgacü, rü ngẽxgumarüxü̃ tá ta chayama̱x ya ĩane ya Acharóü̃arü ãẽ̱xgacü. Rü guxü̃ i chorü poramaxã tá ichayanaxoxẽxẽ ya yima Ecróü̃. Rü taxuxü̃táma i Firitéu íchayaxüxẽxẽ nax chanadaixü̃ —ñanagürü ya Cori ya Tupana.

Chacaría 9:4

Natürü guxü̃ma i ngẽma nanutaque̱xegüxü̃ rü Cori ya Tupana rü tá nüxna nanade. Rü márwa tá nanawoü̃ i guxü̃ma i norü ngẽmaxü̃gü rü ñu̱xũchi tá nayagu ya norü ĩane.

Chacaría 9:6

Rü ĩane ya Adúxwa rü tá naguxü̃raü̃marexü̃ i duü̃xü̃gü nawa namaxẽ. Rü ngẽmaãcü tá chanaxãnexẽxẽ ya yima norü ĩane ya nügü namaxã yacua̱xüü̃güne i Firitéugü.

Ichaía 14:28

Rü gumá taunecü ga ãẽ̱xgacü ga Acháx nagu yucügu rü Ichaía rü ñaa orexü̃ nixu rü ñanagürü:

Amúx 1:6

Rü Cori ya Tupana rü ñanagürü ta: —Ngẽma Gáchacüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga Gáchacüã̱xgü rü ínanayauxü̃ ga wüxi ga ĩaneãcu ga duü̃xü̃gü, rü ñu̱xũchi Edóü̃cüã̱xgüxü̃ tümamaxã nayataxegü norü puracütanüxü̃ruxü̃.