Chacaría 9:4 - Tupanaarü Ore

⁴ Natürü guxü̃ma i ngẽma nanutaque̱xegüxü̃ rü Cori ya Tupana rü tá nüxna nanade. Rü márwa tá nanawoü̃ i guxü̃ma i norü ngẽmaxü̃gü rü ñu̱xũchi tá nayagu ya norü ĩane.

Chacaría 9:4 Referans Kwoze

Echequié 28:18

Rü yema curü pecadugügagu rü yema nax cunangupetüxẽẽxü̃ ga natanü ga curü yemaxü̃gügagu, rü düxwa curü tupaucagüwa cunanguxẽxẽ ga curü chixexü̃. Rü yemaca̱x curü ngãxü̃wa chanangixta ga wüxi ga üxü nax cuxü̃ yaguxü̃ca̱x. Rü ñu̱xma rü guxü̃ma cuxü̃ nadaugü nax waixü̃müanegu tanimacaxü̃ quixĩxü̃.

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

Amúx 1:10

Rü ngẽmaca̱x tá üxümaxã chayagu i Tíruarü poxeguxü̃gü. Rü ngẽma üxüema tá nixĩ i norü ãẽ̱xgacüpatagü ixaexẽẽxü̃ —ñanagürü ya Cori ya Tupana.

Joel 3:8

Rü Yudíugüxü̃ tá tümamaxã chataxe ya yíxema penegü rü pexacügü nax ngẽmaãcü i ngẽma Yudíugü rü ngẽma duü̃xü̃gü i yáxü̃guxü̃ i naanegu ãchiü̃güxü̃ i Chabéugüxü̃ tümamaxã nataxegüxü̃ca̱x. Rü choma ya Cori ya Tupana nixĩ i pemaxã nüxü̃ chixuxü̃ i ngẽma —ñanagürü.

Echequié 28:16

Natürü yema nax cumuarü ngẽmaxü̃ã́xü̃gagu rü poraãcü cumáeta rü ngẽmaãcü chixexü̃gu cungu. Rü yemagagu chaugüxü̃tawa cuxü̃ íchata̱xüchi nawa ya yima chorü ma̱xpǘne. Rü yema chorü orearü ngeruxü̃ i daxũcüã̱x ga cuxna dauchiréxü̃ rü cuxü̃ ínamuxũchi nawa ga yema nachica ga mexẽchixü̃ ga nawa cuyexmaxü̃.

Echequié 28:8

Rü tá cuxü̃ nima̱xgü rü ngẽma ínawaanexü̃wa tá cuxü̃ nata̱xgü i mártamawa.

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.

Ucu̱xẽgüchiga 11:4

Ngẽma diẽru rü taxúexü̃táma ínapoxü̃ i ngẽma ngunexü̃ i nagu Cori ya Tupana tüxü̃ icagüxü̃gu, natürü ngẽma mexü̃ ixüxü̃ nixĩ i yuwa tüxü̃́ ínguxuchixẽẽxü̃.

Ucu̱xẽgüchiga 10:2

Ngẽma diẽru i ngĩ́ãcü iyaxuxü̃ rü taxuwama tüxü̃́ name, natürü ngẽma mexü̃ ixüxü̃ rü yuwa tüxü̃ ínanguxuchixẽxẽ.

Ichaía 23:11

Rü nüma ya Cori ya Tupana rü márwa inanawe̱x i norü pora, rü nachixü̃anegüxü̃ namuü̃xẽxẽ. Rü nanamu nax nagu napogüexü̃ca̱x ya Canaáü̃arü ĩanegü ya meama ípoxegugüne.

Chacaría 9:5

Rü ngẽxguma ngẽmaxü̃ nadaugügu ya yima ĩane ya Acharóü̃cüã̱xgü rü tá naba̱i̱xãchie. Rü yima ĩane ya Gáchacüã̱xgü rü tá poraãcü ngúxü̃ ningegü. Rü ngẽma duü̃xü̃gü i Ecróü̃cüã̱xgü rü poraãcü tá nanaxĩ̱xãchiãẽgü. Rü yima ĩane ya Gácha rü tá nangearü ãẽ̱xgacüã̱x rü yima ĩane ya Acharóü̃ rü tá nangearü duü̃xü̃güã̱x.