Chacaría 9:10 - Tupanaarü Ore

¹⁰ Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Chacaría 9:10 Referans Kwoze

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Ochéa 1:7

Natürü ngẽma Yudáanecüã̱xgü rü tá choxü̃́ nangechaü̃tümüxü̃gü. Rü chomatama i norü Tupana nax chixĩxü̃ rü tá norü uanügüna íchanapoxü̃. Natürü taxũtáma ta̱xacürü churaragümaxã rüe̱xna naxnegümaxã rüe̱xna ngẽma churaragü i cowaruã́xü̃maxã tá norü uanügüna íchanapoxü̃ —ñanagürü ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Miquéa 5:4

Rü nüma ya yimá Iraétanüxü̃arü ãẽ̱xgacü ya ínguxchaü̃cü rü Cori ya Tupanaarü poramaxã rü norü üünemaxã tá ngẽma norü duü̃xü̃gümaxã inacua̱x. Rü ngẽma norü duü̃xü̃gü rü taxuca̱xtama namuü̃e erü norü pora ya yima ãẽ̱xgacü rü guxü̃ i naanewa tá nangu.

Ichaía 60:12

Rü guxü̃ma i ngẽma nachixü̃anegü i tama pexü̃ rüngü̃xẽẽxü̃ rü tá narüxogü.

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

2 Corintios 5:20

Rü ngẽmaãcü Cristuarü orearü ngeruü̃gü tixĩgü, rü towa nixĩ ya Tupana pexü̃ ca̱a̱xü̃xü̃ nax namaxã iperüngüxmüexü̃ca̱x. Rü ngẽmaca̱x Cristuégagu pexü̃ taca̱a̱xü̃gü nax Tupanamaxã iperüngüxmüexü̃ca̱x.

2 Corintios 5:18

Rü guxü̃ma i ngẽma rü Tupana nixĩ ya naxücü rü Cristugagu nixĩ ga nügümaxã tüxü̃ iyanangüxmüexẽẽxü̃. Rü ñu̱xma rü toxü̃ namu nax duü̃xü̃gümaxã nüxü̃ tixuxü̃ nax nümagü rü ta Tupanamaxã inangüxmüẽxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Ichaía 11:10

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü tá wüxi i cua̱xruxü̃ nixĩ naxca̱x i guxü̃ma i duü̃xü̃gü. Rü guxü̃ i nachixü̃anegücüã̱x rü tá naxca̱x nayadaugü rü naxca̱x nangutaque̱xegü. Rü ngẽma nachica i nawa nangẽxmaxü̃ rü tá naxüüne.

Wiyaegü 72:17

Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.

Wiyaegü 72:3

Rü chanaxwa̱xe nax namuarü oóxü̃ i ngẽma nanetügü i ma̱xpǘneanewa ngẽxmagüxü̃ nax ngẽmaãcü nataãẽgüxü̃ca̱x i duü̃xü̃gü rü nügü nangechaü̃güxü̃ca̱x.

Wenaxarü naxümatü ga Tupanaarü mugü 11:24

Rü guxü̃ma i ngẽma naane i nawa pengugüxü̃ rü pengagüxü̃ rü pexrü tá nixĩ. Rü ngẽma perü üyeane i súrwaama rü chianexü̃wa tá inaxügü rü ñu̱xmatáta Líbanuanewa nangu i nórtewa. Rü éstewa rü natü ya Eufrátewa tá inaxügü rü ñu̱xmatáta Már i Mediteráneuwa nangu i oéstewaama.

Nüxíraxü̃xü̃ ga popera ga ãẽ̱xgacügüchiga 4:21

Rü yema naane ga Charomóü̃ namaxã icuáxü̃ rü taxtü ga Eufrátewa inaxügü ga éstewaama ñu̱xmata Firitéugüarü üyeanewa rü Equítuanearü üyeanewa nangu ga oéstewaama. Rü guxü̃ma ga yema nachixü̃anegü ga Charomóü̃ namaxã icuáxü̃ rü nanaxütanügü ga diẽru ga Charomóü̃ unagüxü̃. Rü Charomóü̃me̱xẽwa nayexmagü ga yexguma namaxü̃gu.

Wiyaegü 85:8

Rü ñu̱xma rü tá icharüxĩnü i ngẽma nüxü̃ yaxuxü̃ ya Cori ya Tupana erü norü duü̃xü̃gü i naga ĩnüexü̃maxã tá nüxü̃ nixu nax marü namaxã inangüxmüxü̃. Natürü tama nanaxwa̱xe nax wena norü chixexü̃ca̱x nawoeguxü̃.

Ichaía 2:4

Rü nüma ya Cori ya Tupana rü tá nanamexẽxẽ i guxü̃ma i nachixü̃anegüarü guxchaxü̃gü. Rü ngẽma nachixü̃anegü i nügümaxã nuexü̃ rü Cori ya Tupana rü tá nügümaxã nanangüxmüexẽxẽ. Rü ngẽma naxnegü i namaxã nügü nada̱i̱xü̃ rü norü puracüruxü̃ tá nayaxĩgüxẽxẽ. Rü taxuxü̃táma i ĩanegü daigu nügümaxã narüxĩnüe rü bai tá i daica̱x nügü nax nangúexẽẽxü̃.

Miquéa 4:8

Rü cumax, Pa Yerucharéü̃ i Iraétanüxü̃arü Poxü̃chicaxü̃ Ixĩxẽ i Ma̱xpǘne ya Chióü̃wa, rü wena táxarü guxü̃ i togü i Iraéanearü ĩanegüétüwa cungexma. Rü cuwa tá nixĩ i nangẽxmaxü̃ i ñaa nachixü̃anearü ãẽ̱xgacü —ñanagürü ya Tupana.

Wiyaegü 89:26

Rü nüma rü tá ñanagürü choxü̃: “Cuma nixĩ i chaunatü quixĩxü̃ rü chorü Tupana ya choxü̃ ípoxü̃cü rü choxna daucü quixĩxü̃”, ñanagürü tá.

Ochéa 2:20

Rü chorü duü̃xü̃güxüchi tá pexü̃ chixĩgüxẽxẽ, rü tagutáma pexü̃ íchawogü. Rü ngẽxguma i pema rü tá choxü̃ pecua̱x nax perü Tupana chixĩxü̃.

Miquéa 5:9

Rü ngẽmaãcü i cumax, Pa Chorü Corix, rü tá cunadai i guxü̃ma i curü uanügü.