Chacaría 8:9 - Tupanaarü Ore

⁹ Rü nüma ya Cori ya Tupana ya Guxãétüwa Ngẽxmacü rü ñanagürü pexü̃: —Pema rü yexguma noxritama nanucugu ga guma nutagü ga chopata ya taxü̃nearü ügü rü yexgumaxü̃cüxütama nixĩ ga nüxü̃ pexĩnüexü̃ ga chauga ga chorü orearü uruü̃güwa pemaxã nüxü̃ chixuxü̃. ¡Rü ñu̱xma rü pora pexüe nax mea peyanguxẽẽxü̃ca̱x i ngẽma puracü!

Chacaría 8:9 Referans Kwoze

Ichaía 35:4

Rü ngẽma muü̃exü̃ rü nüxü̃ ñapegügü: —¡Piporae, rü taxṹ i pemuü̃exü̃! Rü daa nixĩ ya perü Tupana nax pexü̃ ínapoxü̃xü̃ca̱x. Rü nüma tá nanapoxcue i perü uanügü i guxchaxü̃ pexca̱x íngu̱xẽẽxü̃ —ñapegügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:13

Rü guxü̃táma mea cuxü̃́ inixũ i ngẽxguma tá cuyanguxẽẽgu i ngẽma norü mugü rü norü ucu̱xẽgü ga Cori ya Tupana Moichémaxã nüxü̃ ixuxü̃ naxca̱x ga Iraétanüxü̃. ¡Ẽcü pora naxü rü cugü naporaxẽẽama! ¡Rü taxṹ i curümaãchixü̃! ¡Rü taxṹ i cumuü̃xü̃!

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Chacaría 8:18

Rü Cori ya Tupana ya Guxãétüwa Ngẽxmacü rü wena chomaxã nidexa, rü ñanagürü: —Pa Yudátanüxü̃x, ngẽxguma norü 4, rü norü 5, rü norü 7, rü norü 10 ya tauemacügu tama pechibüeãcüma cha̱u̱xca̱x pexauregü, rü name nax taãẽãcüma penaxüchiga i ngẽma. ¡Nagu pexĩ i ngẽma aixcüma ixĩxü̃, rü taãẽãcü pegü pengechaxü̃güx! —ñanagürü.

Chacaría 8:13

Rü pemax, Pa Yudáanecüã̱xgüx rü Pa Iraéanecüã̱xgüx, rü woo nax chixexü̃ pemaxã naxuegugüxü̃ i ngẽma togü i nachixü̃anegü, natürü i choma rü tá pexü̃ íchanguxü̃xẽxẽ. Rü pema rü ngẽma togü i nachixü̃anegüarü ngü̃xẽẽruü̃gü tá pixĩgü. ¡Rü ngẽmaca̱x pora pexüe rü taxṹ i pemuü̃exü̃! —ñanagürü.

Aguéu 1:12

Rü nüma ga Chorobabé rü Yochué rü guxü̃ma ga togü ga duü̃xü̃gü rü aixcüma Tupanaga naxĩnüe yerü namuü̃e ga yexguma nüxü̃ naxĩnüegu ga yema ore ga Cori ya Tupana Aguéuwa nüxü̃ ixuxü̃.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

Yochué 1:8

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.

Yochué 1:6

¡Rü cugü írüpora rü taxṹ i cugü cutaeguxü̃! Erü cuma tá nixĩ i nüxü̃ cuyanuxü̃ i norü naane i ñaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.

Édra 6:14

Rü yemaacü ga nüma ga yema Yudíugü ga yema puracümaxã icua̱xgüxü̃ rü nayadaxẽẽgü ga nax napuracüexü̃. Rü Tupanaarü orearü uruü̃gü ga Aguéu rü Chacaría ga Idú nane rü Tupanaarü oremaxã poraãcü nanataãẽxẽxẽgü ga yema Tupanapatawa puracüexü̃. Rü yemaacü ga guma Tupanapataarü mexẽxẽ rü ningu yema Tupana nüxü̃ ixuxü̃rüxü̃ rü yema Chíru rü Daríu rü Artayére ga Pérchiaanearü ãẽ̱xgacügü unagügüxü̃rüxü̃.

Aguéu 2:18

Rü ñu̱xma daa taunecüarü 9 ya tauemacüarü 24 i ngunexü̃gu nixĩchire̱x i ipenaxügüxü̃ nax penanucuxü̃ ya yimá nutagü ya namaxã inaxügüne ya chopata ya taxü̃ne. ¡Rü dücax, rü mea penangugü! Rü woo i ñu̱xmax rü tama mea nixo i perü trigu, rü úbagü, rü igunecü, rü boxragü rü oribugü, natürü i ñu̱xmawena rü tá pexü̃ charüngü̃xẽxẽxü̃ rü tagutáma pexü̃́ nataxu i ngẽma penetügüarü o” —ñanagürü ya Tupana.

Norü taxre ga to ga popera ga ãẽ̱xgacügüchiga ümatüxü̃ 15:7

¡Natürü i pema rü peporaeama̱x, rü taxṹ i perümaãchitanüxü̃! Erü ngẽma mexü̃ i perü puracü i pexüxü̃ rü tá pexü̃́ naxãtanü —ñanagürü ga Acharía.

Ichaía 35:3

Rü ngẽma turaexü̃ ¡rü penaporaãchitanüxẽxẽ! Rü ngẽma ipaexü̃ ¡rü nüxü̃ perüngü̃xẽxẽ!