Chacaría 8:6 - Tupanaarü Ore

⁶ Rü ngẽxguma ngẽmaãcü wena namexgu ya Yerucharéü̃ rü chorü duü̃xü̃gü i núma yaxügüxü̃ rü tá naba̱i̱xãchie, erü taguma nagu narüxĩnüe nax wena tá namexü̃ ya yima ĩane. Natürü cha̱u̱xca̱x rü taxuxü̃ma naguxcha i ngẽma. Rü choma i Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma.

Chacaría 8:6 Referans Kwoze

Yeremía 32:27

—Choma rü guxü̃arü Cori chixĩ rü guxü̃ i ta̱xacü i maxẽxü̃arü Tupana chixĩ. Rü nataxuma i ta̱xacü i choxü̃́ guxchaxü̃ nax chanaxüxü̃.

Ore i mexü̃ ga Luca ümatüxü̃ 18:27

Rü Ngechuchu rü ñanagürü nüxü̃: —Duü̃xü̃gü rü taxuacüma nügü namaxẽxẽ, natürü Tupanaaxü̃́ rü natauxcha nax namaxẽxẽxẽãxü̃ —ñanagürü.

Ore i mexü̃ ga Luca ümatüxü̃ 1:37

Erü Tupanaaxü̃́ rü taxuxü̃ma naguxcha —ñanagürü.

Ore i mexü̃ ga Luca ümatüxü̃ 1:20

Natürü ñu̱xma i cuma rü tama choxü̃́ cuyaxõ i ngẽma ore i cumaxã nüxü̃ chixuxü̃. Rü ngẽmaca̱x i ñu̱xma rü tá cungega. Rü taxũtáma quidexa ñu̱xmatáta nabu i ngẽma cune. Rü ngẽma cumaxã nüxü̃ chixuxü̃, rü aixcüma tá ningu nagu i ngẽma ngunexü̃ ya Tupana nüxü̃ unetaxü̃ —ñanagürü.

Yeremía 32:17

—Cumax, Pa Corix, nixĩ ga curü pora ga taxü̃maxã cunango̱xẽẽxü̃ ga dauxü̃guxü̃ ga naane rü ñoma ga naane. Rü nataxuma i ta̱xacü i cuxü̃́ guxchaxü̃ nax cunaxüxü̃.

Norü taxre ga popera ga ãẽ̱xgacügüchiga 7:2

Rü nüma ga ãẽ̱xgacüarü ngü̃xẽẽruxü̃ rü Erichéuxü̃ nangãxü̃ rü ñanagürü: —Rü woo chi Cori ya Tupana yawãxnagu i dauxü̃guxü̃ i naanewa rü taxũchima nangupetü i ngẽma nüxü̃ quixuxü̃ —ñanagürü. Natürü nüma ga Erichéu rü nanangãxü̃ rü ñanagürü: —Cuma rü tá cuxetümaxãxü̃chi nüxü̃ cudau natürü taxũtáma cunangõ̱x i ngẽma nüxü̃ cudauxü̃ —ñanagürü.

Naanearü ügüchiga 18:14

¿Ẽ̱xna nangẽxma i ta̱xacü i Cori ya Tupanaaxü̃́ guxchaxü̃ nax naxüaxü̃? Rü nai ya taunecügu rü aixcüma tá nuxã cuxü̃tagu chanaxũane. Rü ngẽxguma i Chára rü tá marü ixíraxacü —ñanagürü.

Wiyaegü 118:23

Rü Cori ya Tupana nixĩ ya ngẽmaãcü naxücü. Rü wüxi i mexẽchixü̃ nixĩ rü ngẽmaca̱x tataãẽgü.

Ore i mexü̃ ga Matéu ümatüxü̃ 19:26

Rü Ngechuchu nüxü̃ nadawenü rü ñanagürü nüxü̃: —Duü̃xü̃gü rü taxuacüma nügü namaxẽxẽ, natürü Tupanaaxü̃́ rü guxü̃ma natauxcha —ñanagürü.