Chacaría 8:2 - Tupanaarü Ore2 —Ñaa nixĩ i ore i choma i Cori ya Tupana ya Guxãétüwa Ngẽxmaxe nüxü̃ chixuxü̃ rü ñachagürü: “Nüxü̃ changechaü̃ ya yima ma̱xpǘne ya Chióü̃ rü ngẽmaca̱x poraãcü choxü̃́ nachu̱xu rü naxca̱x chanu”, ñacharügü. Gade chapit la |
Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.
Rü yexgumarüxü̃ ta ga ñuxre ga Manachétanüxü̃ rü Dabíwa nachoü̃ ga yexguma Firitéugütanüwa nayexmagu nax Chaúmaxã nügü nada̱i̱xü̃ca̱x. Natürü nüma ga yema Firitéugüarü churaramaxã icua̱xgüxü̃ rü tama nanaxwa̱xe nax Dabí rü norü churaragümaxã Firitéugütanügu naxãgüxü̃ ga yema daiwa. Rü yemaca̱x ñanagürügü: —Dabí rü ngürüãchi tá tüxü̃ nadai, rü ngẽmawena rü tá norü ãẽ̱xgacü i Chaúca̱x nataegu —ñanagürügü.