Chacaría 7:7 - Tupanaarü Ore

⁷ ¿Rü ñaa ore rü tama ẽ̱xna yematama ore yixĩxü̃ ga ü̃pacürüwa Cori ya Tupana norü orearü uruü̃güwa pemaxã nüxü̃ ixuxü̃ ga yexguma Yerucharéü̃ rü mexü̃wa yexmagu rü duü̃xü̃gümaxã napaxgu rü yexgumarüxü̃ ta ga guma ĩanegü ga Yerucharéü̃cüwawa yexmagüne rü yema Négueanewa rü yema doxonexü̃wa duü̃xü̃gümaxã napaxgu?

Chacaría 7:7 Referans Kwoze

Yeremía 17:26

Rü ngẽma duü̃xü̃gü i naigü ya Yudáanearü ĩanegücüã̱x ya Yerucharéü̃arü ngaicamagünewa ngẽxmagüne rü Yerucharéü̃wa tá naxĩ. Rü ngẽxgumarüxü̃ ta i ngẽma Bẽyamíü̃anecüã̱x, rü doxonexü̃cüã̱x, rü máxpü̱xanexü̃cüã̱x, rü Négueanecüã̱x rü ngéma Yerucharéü̃wa tá naxĩ. Rü Tupanapatawa tá nanagagü i naxü̃nagü nax Tupanaca̱x ínagugüaxü̃ca̱x. Rü ngéma tá nanangegü i norü ãmaregü i arínagü rü pumarate̱xegü rü togü i norü ãmaregü i namaxã Tupanana moxẽ yaxãgüxü̃.

Yeremía 32:44

Rü aixcüma tá nügüxü̃tawa naxca̱x nataxegü i naane rü tá nanaxügü i naanepanegü rü duü̃xü̃güpe̱xewa tá nagu nügü naxüéga rü tá nanaseyu i ngẽma norü naanepanegü. Rü ngẽmaãcü tá nanaxügü i Bẽyamíü̃anewa, rü yima ĩanegü ya Yerucharéü̃arü ngaicamana ngẽxmagünewa, rü guxü̃ma ya Yudáanearü ĩanegüwa, rü yima mápü̱xanexü̃wa ngẽxmagünewa, rü yima doxonexü̃wa ngẽxmagünewa, rü Négueanearü ĩanegüwa. Erü choma rü tá nüxü̃ charüngü̃xẽxẽxü̃ i ngẽma Iraétanüxü̃. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 7:23

Natürü yema namaxã nüxü̃ chixuxü̃ nixĩ nax chauga naxĩnüexü̃ca̱x nax ngẽmaãcü i choma rü norü Tupana chixĩxü̃ca̱x, rü ñu̱xũchi i nümagü rü chorü duü̃xü̃gü yaxĩgüxü̃ca̱x. Rü yema namaxã nüxü̃ chixuxü̃ nixĩ nax choma chanaxwa̱xexü̃ãcü namaxẽxü̃ nax yemaacü mea nüxü̃ nangupetüxü̃ca̱x.

Yeremía 7:5

Natürü ngẽxguma chi penamexẽẽgu i perü maxü̃ rü nüxü̃ perüxoegu nax chixexü̃ pexügüxü̃, rü chi wüxichigü pegü pengechaü̃gügu rü aixcümaxü̃ pegümaxã pixuxgu, rü chi mea nüxü̃́ penaxütanügu i ngẽma to i nachixü̃anecüã̱xgü i pexü̃́ puracüexü̃, rü chi mea namaxã ipecua̱xgux i ngẽma taxcutagü rü yutegüxe, rü chi tama ñaa nachicagu natüca̱xmamare tüxü̃ pima̱xgu ya yíxema tama chixexü̃ ügüchiréxe, rü chi nüxü̃ perüxoegu nax nüxü̃ picua̱xüü̃güxü̃ i ngẽma tupananetachicüna̱xã i ngearü maxü̃ã́xü̃ i pegütama namaxã pechixexẽẽgüxü̃, rü ngẽxguma i choma rü tá nawa pexü̃ chamaxẽxẽxẽ i ñaa naane ga perü o̱xigüna chaxãxü̃ nax guxü̃gutáma noxrü yixĩxü̃ca̱x.

Yeremía 33:13

Rü yima mápü̱xanexü̃wa, rü doxonexü̃wa, rü Négueanearü ĩanegüwa, rü Bẽyamíü̃anewa, rü yima ĩanegü ya Yerucharéü̃arü ngaicamana ngẽxmagünewa, rü guxü̃ma ya Yudáanearü ĩanegüwa rü wena tá nüxü̃ tadau i carnérugüarü dauruü̃gü i norü carnérugü ixugüxü̃. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 22:21

Choma rü pemaxã chidexachire̱x ga yexguma mea pexü̃ nangupetügu, natürü ga pema rü tama chauga pexĩnüechaü̃. Rü woetama yemaacü pixĩgü ga yexguma noxri pengóegu, rü taguma chauga pexĩnüechaü̃.

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Wenaxarü naxümatü ga Tupanaarü mugü 34:3

Rü nüxü̃ nanawe̱x ta ga Néguearü chianexü̃, rü natü ga Yudáü̃arü naane ga metachinüxü̃, rü ñu̱xũchi Yericú ga Cucunecüarü Ĩane rü ñu̱xmata ĩane ga Chóagu nadau.

Yeremía 13:19

Rü yima Négueanearü ĩanegü rü norü uanügü rü nüxü̃ ínachomaeguãchi rü taxúema taxüpetü. Rü guxü̃ma i Yudátanüxü̃ rü to i nachixü̃anewa nanagagü.

Yeremía 44:4

Rü muẽ̱xpü̱xcüna petanüwa chanamu ga chorü orearü uruü̃gü nax pemaxã nüxü̃ yaxugüexü̃ca̱x nax tama penaxügüxü̃ca̱x ga yema chixexü̃gü i ãũãchixü̃gü i poraãcü naxchi chaxaixü̃.

Chacaría 7:6

Yerü yexguma pechibüegu rü pexaxegügu rü pegüguxicatama perüxĩnüeãcü penaxü” —ñanagürü.

Chacaría 7:8

Rü Cori ya Tupana rü norü orearü uruxü̃ ga Chacaríamaxã nidexa rü ñanagürü: —Ngẽma pexü̃́ chanaxwa̱xexü̃ nixĩ nax mea duü̃xü̃gümaxã ipecuáxü̃ rü namaxã pemecümaxü̃ rü wüxichigü pegüxü̃́ pengechaxü̃tümüxü̃güxü̃.

Chacaría 7:12

Rü ñoma nuta i diamánterüxü̃ nügü nataiarü maxü̃neã̱xgü nax tama naga naxĩnüexü̃ca̱x ga yema Tupanaarü ucu̱xẽ rü norü mugü ga Tupana ya Guxãétüwa Ngẽxmacü Naãxẽ ya Üünecüwa rü nũxcümaü̃güxü̃ ga norü orearü uruü̃gümaxã nüxü̃ ixuxü̃. Rü yemaca̱x ga Cori ya Tupana rü düxwa poraãcü namaxã nanu.