Chacaría 7:5 - Tupanaarü Ore

⁵ —Pa Chacaríax, ¡namaxã nüxü̃ ixu i guxü̃ma i duü̃xü̃gü i ñaa nachixü̃anewa maxẽxü̃ rü ñu̱xũchi ya chacherdótegü rü ñacurügü nüxü̃!: “Ñu̱xma i pema rü marü 70 ya taunecü pingegü nax norü wüxime̱e̱xpü̱x ya tauemacügu rü norü 7 ya tauemacügü pexauregüxü̃, natürü tama aixcüma cha̱u̱xca̱x nixĩ ga pexauregüxü̃.

Chacaría 7:5 Referans Kwoze

Chacaría 1:12

Rü nüma ga yema Cori ya Tupanaarü duü̃xü̃ ga daxũcüã̱x rü ñanagürü: —Pa Corix, Pa Tupana ya Guxãétüwa Ngẽxmacüx, rü marü 70 ya taunecüwa nangu nax Yerucharéü̃maxã rü ngẽma togü i Yudáanearü ĩanegümaxã cunuxü̃. ¿Rü ñuxre ya taunecü taxuxü̃ nax wenaxarü cuxü̃́ nangechaü̃tümüxü̃güxü̃? —ñanagürü.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Chacaría 7:6

Yerü yexguma pechibüegu rü pexaxegügu rü pegüguxicatama perüxĩnüeãcü penaxü” —ñanagürü.

Colosenses 3:23

Rü guxü̃ma i ngẽma perü puracü i pexüxü̃wa rü name nixĩ i perü ngúchaü̃maxã penaxü ñoma tórü Cori ya Cristuaxü̃́ pepuracüexü̃rüxü̃ rü tama i duü̃xü̃güaxü̃́.

2 Corintios 5:15

Rü yemaacü guxü̃ma ga duü̃xü̃güca̱x nayu ga Cristu, nax ngẽma duü̃xü̃gü i maxẽxü̃, rü tama nümatama nagu naxĩnüexü̃gu namaxẽxü̃ca̱x, natürü naxca̱x nax namaxẽxü̃ca̱x ya Cristu ya naxca̱x yucü rü wena írüdacü.

Ore i mexü̃ ga Matéu ümatüxü̃ 23:5

Rü nümagü rü mea namaeneta, rü guxü̃ma i ngẽma naxügüxü̃, rü nanaxügü nax duü̃xü̃gü nüxü̃ daugüxü̃ca̱x. Rü nacatüwa rü nachacüügüwa nayana̱i̱xcuchigü i Tupanaarü ore i ãxchiü̃xü̃. Rü naxchirupechinüwa nanapaicu i bopü̱xüxü̃ i ngã̱xãẽruü̃gü.

Ore i mexü̃ ga Matéu ümatüxü̃ 6:16

Rü ngẽxguma tama pechibüeãcüma peyumü̃xẽgügu rü tama name i pegü pengechaü̃chíwexẽẽgü naxrüxü̃ i ngẽma nügü írümegünetaxü̃rüxü̃. Erü nümagü rü ngẽmaãcü nanaxügü nax togü nüxü̃ nax daugüxü̃ca̱x i ngẽma nax Tupanaca̱x naxaureexü̃. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Ore i mexü̃ ga Matéu ümatüxü̃ 6:5

Rü ngẽxguma peyumüxẽgügu, rü tama name i ngẽma nügü írümegünetaxü̃rüxü̃ pixĩgü. Erü nümagü rü ngẽxguma nayumüxẽgügu, rü norü me nixĩ nax chiãcü nayumüxẽgüxü̃ i ngutaque̱xepataü̃güwa rü ĩanegüarü namagüwa nax duü̃xü̃gü nüxü̃ daugüxü̃ca̱x. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Ore i mexü̃ ga Matéu ümatüxü̃ 6:2

Rü ngẽxguma texéxü̃ curüngü̃xẽẽgu, rü tama name i nüxü̃ quixuchigaxü̃ i ngẽma cuxüxü̃, naxrüxü̃ i ngẽma nügü írümegünetaxü̃. Erü nümagü rü norü me nixĩ i ngutaque̱xepataü̃güwa rü ĩanegüarü namagüwa nüxü̃ nixuchigagü i ngẽma mexü̃ i naxügüxü̃. Rü ngẽmaãcü nanaxügü nax duü̃xü̃gü mea nachiga idexagüxü̃ca̱x. Natürü choma rü aixcüma pemaxã nüxü̃ chixu rü ngẽma nax duü̃xü̃gü nüxü̃ icua̱xüü̃güxü̃ nixĩ i norü ãmare.

Yeremía 25:11

Rü ñaa nachixü̃ane rü guxü̃watáma nachixe, rü nachitaxü̃xicatama ngéma nayaxü. Rü ngẽma norü duü̃xü̃gü i ngẽma nachixü̃anegü rü 70 ya taunecü rü Babiróniaanearü ãẽ̱xgacüme̱xẽwa tá nangẽxmagü.

Norü taxre ga popera ga ãẽ̱xgacügüchiga 25:23

Rü yexguma yema Yudáanearü churaragüerugü rü ñu̱xũchi yema norü duü̃xü̃gü nüxü̃ cuáxchigagügu nax Babiróniaanearü ãẽ̱xgacü rü Guedaríaxü̃ naxunetaxü̃ nax Yudáanearü ãẽ̱xgacü yixĩxü̃ca̱x, rü Mipáwa naxĩ nax Guedaríamaxã yanadexagüxü̃ca̱x. Rü yema yéma ĩxü̃ nixĩ ga Ismaé ga Netanía nane, rü Yoanáü̃ ga Caréa nane, rü Cheraía ga Tanúmex nane, ĩane ga Netopácüã̱x, rü Yaachanía ga wüxi ga yatü ga ĩane ga Maacácüã̱x nane. Rü yemagü nixĩ ga norü yatügümaxã yéma Mipáwa ĩxü̃.

Ichaía 43:23

Rü pema rü tama cha̱u̱xca̱x ípenagu ga carnérugü rü tama to i ãmaregü choxna pexãgü nax namaxã choxü̃ picua̱xüü̃güxü̃ca̱x. Rü choma rü tama naxca̱x pexü̃ chaca̱a̱xü̃ nax ãmaregü choxna pexãxü̃ rü tama pexü̃ chachixewe nax pumarate̱xe cha̱u̱xca̱x ípeguxü̃.

Ichaía 58:3

Natürü i nümagü rü ñanagürügü: “¿Tü̱xcüü̃ chi aureãcü iyumüxẽgüxü̃ ega Tupana rü tama tüxü̃ nada̱u̱xgu? ¿Rü tü̱xcüü̃ chi i yigü ixaiya̱xü̃gümaregüxü̃ ega nüma rü nüxü̃́ nataxuraxü̃maregu?” ñanagürügü. Rü yumüxẽarü ngunexü̃gu rü pema rü petaxegüama rü chixri tümamaxã ipecua̱xgü ya perü puracütanüxü̃.

Yeremía 29:10

Rü choma ya Cori ya Tupana rü ñachagürü: ‘Ngẽxguma 70 ya taunecü marü inguxgu nax Babiróniaanewa pengẽxmagüxü̃ rü ngẽxguma i choma rü tá pexü̃ charüngü̃xẽxẽxü̃ rü tá chayanguxẽxẽ i ngẽma chorü uneta ga pemaxã nüxü̃ chixuxü̃ nax wena tá pexü̃ chawoeguxẽẽxü̃ naxca̱x i ngẽma naane i pexna chaxãxü̃.

Yeremía 52:12

Rü yexguma 19 ga taunecü marü ãẽ̱xgacü yixĩxgu ga Nabucudonochó ga Babiróniawa, rü gumá taunecüarü 5 ga tauemacügu rü nüma ga yema churaragüeru ga Nabucharadáü̃ rü Yerucharéü̃wa nangu. Rü nüma ga Nabucharadáü̃ rü Babiróniaanearü ãẽ̱xgacü ga Nabucudonochóarü ngü̃xẽẽruxü̃ nixĩ.

Danié 9:2

Rü gumá taunecü ga nagu yangucuchicügu ga Daríu rü choma ga Danié rü nawa íchangu̱x ga yema popera ga Tupanaarü orearü uruxü̃ ga Yeremía ümatüxü̃. Rü yema ore ga nawa changúxü̃ rü nüxü̃ nixu nax 70 ya taunecü tá ninge nax chixexü̃wa nangẽxmaechaxü̃ ya Yerucharéü̃, yerü yemaacü nixĩ ga Cori ya Tupana Yeremíamaxã nüxü̃ yaxuxü̃.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Chacaría 7:4

Rü yexguma ga Cori ya Tupana ya Guxãétüwa Ngẽxmacü rü chomaxã nidexa rü ñanagürü:

Norü taxre ga popera ga ãẽ̱xgacügüchiga 25:25

Natürü yexguma 7 ga tauemacüwena rü nüma ga Ismaé ga Netanía nane ga Erichamá nataxa ga Yudáanearü ãẽ̱xgacütanüxü̃ rü yéma nangu namaxã ga 10 ga norü yatügü ga íyaxümücügüxü̃, rü wüxigu Guedaríaxü̃ nima̱xgü. Rü nanadai ta ga yema Yudíugü rü ñu̱xũchi yema Cadéugü ga Guedaríamaxã Mispáwa yexmagüxü̃.