Chacaría 7:2 - Tupanaarü Ore

^2-3 Rü yexgumaxü̃cüü rü yema duü̃xü̃gü ga Betéwa maxẽxü̃ rü nanamu ga Charéche rü Requéü̃-mérex namaxã ga ñuxre ga norü duü̃xü̃gü nax Tupana ya Guxãétüwa Ngẽxmacüpata ya taxü̃newa naxĩxü̃ca̱x nax yema Tupanaarü orearü uruü̃güna rü chacherdótegüna nacagüxü̃ i aurechiga. Rü ñanagürügü: —¿Namexü̃ yixĩxü̃ nax norü wüxime̱e̱xpü̱xarü tauemacügu torü ngechaü̃maxã taxaurexü̃, yimá gucü ya taunecügu taxügüxü̃rüxü̃? —ñanagürügü.

Chacaría 7:2 Referans Kwoze

Chacaría 8:21

Rü wüxi ya ĩanecüã̱xgü rü tá nai ya ĩanecüã̱xgüna naxugüe rü ñanagürügü tá: “¡Ngĩxã Tupanapatawa taxĩ, rü ngĩxã norü ngü̃xẽẽca̱x ítacagü ya yima Cori ya Tupana ya Guxãétüwa Ngẽxmacü!” ñanagürügü tá. Rü ngẽma togü i duü̃xü̃gü rü tá nanangãxü̃gü rü ñanagürügü tá: “Toma rü tá ta ngéma taxĩ”, ñanagürügü tá.

Yeremía 26:19

Rü yexguma ga ãẽ̱xgacü ga Echequía, rü guxü̃ma ga yema Yudátanüxü̃ rü tama Miquéaxü̃ nima̱xgü. Rü nüma ga ãẽ̱xgacü rü Cori ya Tupanaxü̃ namuü̃. Rü naxca̱x ínaca nax Tupanaaxü̃́ nangechaü̃tümüxü̃güxü̃ca̱x. Rü yemaca̱x ga Cori ya Tupana rü tama naxca̱x ínanangu̱xẽxẽ ga yema guxchaxü̃ ga marü namaxã naxueguchiréxü̃. Rü yíxema i ngẽxguma tá Yeremíaxü̃ ima̱xgügu rü tá nitaguãchi i taxü̃ i chixexü̃ i ãũcümaxü̃ ixügüxü̃” —ñanagürügü ga yema ãẽ̱xgacügü.

Nüxíraxü̃xü̃ ga popera ga ãẽ̱xgacügüchiga 13:6

Rü yexguma ga nüma ga ãẽ̱xgacü rü yema orearü uruü̃na naca rü ñanagürü: —Cuxü̃ chaca̱a̱xü̃, rü ¡Cori ya curü Tupanana naca nax ngẽmaãcü charümeméxü̃ca̱x! —ñanagürü. Rü nüma ga orearü uruxü̃ rü Cori ya Tupanana naca, rü yemaacü narümeme̱x ga guma ãẽ̱xgacü, rü noxrirüü̃tama nixĩ.

Chacaría 6:10

—¡Ñu̱xmatama Chofonía nane ya Yochíapatawa naxũ! Erü yimáxü̃tawa nixĩ i nangugüxü̃ i ngẽma Babiróniaanewa ne ĩxü̃ i Yedái rü Tobía rü ñu̱xũchi Yedaía.

Ichaía 60:7

Rü ngẽma Quedáxanecüã̱xarü carnérugü rü pexrü tá nixĩgü. Rü ngẽma Nebaióxanearü carnérugü rü pexme̱xwa tá nangẽxmagü nax ãmare i namaxã chataãẽxü̃ cha̱u̱xca̱x piguxü̃ca̱x i chorü ãmarearü guruü̃wa. Rü choma rü tá yexera chanamexẽxẽ ya chopata ya taxü̃ne.

Édra 6:10

Rü ngẽmaãcü tá nüxü̃́ natauxcha nax yimá daxũgucü ya Tupanaca̱x yagugüãxü̃ i ta̱xacü i namaxã nataãẽxü̃. Rü ñu̱xũchi chanaxwa̱xe i cha̱u̱xca̱x rü chauxacügüca̱x nayumüxẽgü.

Ínachoxü̃xü̃chiga 32:11

Natürü nüma ga Moiché rü ñaa dexamaxã Cori ya Tupanaxü̃ narüngüxmüxẽẽchaü̃: —Pa Corix, ¿tü̱xcüü̃ poraãcü namaxã cunu i ngẽma curü duü̃xü̃gü ga cumatama curü poramaxã ícunguxü̃xẽẽxü̃ ga Equítuanewa?

Édra 2:28

Rü Betécüã̱x rü Áicüã̱x rü 223 nixĩgü.