Rü cuyaxucu̱xẽgü nax wena yanguxẽẽgüãxü̃ca̱x ga curü mugü. Natürü ga nümagü rü tama inaxĩnüechaxü̃, rü tama nanayauxgüchaxü̃ ga yema curü mugü. Rü yemaacü nüxü̃ naxoe ga curü mugü i maxü̃ tüxna ãxü̃ ya yíxema naga ĩnüxe. Rü naechitamare namaxẽ rü ínayataiãchiarü maxü̃ã̱xgü rü yemaca̱x tama naga naxĩnüe i curü mugü.
Chacaría 7:11 - Tupanaarü Ore11 Natürü nüma ga duü̃xü̃gü rü tama naga naxĩnüe ga yema Tupanaarü ucu̱xẽ. Rü guxü̃ma rü na̱xcha̱xwa nidaugachitanü rü nügü nangauxchixẽgüxẽxẽ nax tama nüxü̃ naxĩnüexü̃ca̱x. Gade chapit la |
Chacaría 7:11
41 Referans Kwoze
Rü tama name nax yema perü o̱xigürüxü̃ pixĩgüxü̃. Yerü yexguma nüxna chaxãgagu ga chorü orearü uruü̃gü nax namaxã nüxü̃ yaxugüxü̃ca̱x ga chauga nax nüxü̃ naxoexü̃ca̱x ga chixexü̃ ga nacümagü rü chixri nax namaxẽxü̃, natürü ga nümagü ga perü o̱xigü rü tama chauga naxĩnüechaü̃ rü tama choxü̃ nacua̱xgüchaü̃. Rü choma i Cori ya Tupana nixĩ i nüxü̃ chixuxü̃ i ngẽma.
Rü choma rü marü muẽ̱xpü̱xcüna muxü̃ma ga chorü duü̃xü̃gü ga orearü uruü̃gü pexca̱x ngéma chamugüecha nax pemaxã nüxü̃ yaxugüexü̃ca̱x i ñaa chorü ore. Rü nümagü rü ñanagürügü pexü̃: ¡Nüxü̃ perüxoe i pecüma i chixexü̃ rü ngẽma chixexü̃gü i nagu pemaxẽxü̃! ¡Rü taxṹ i ngẽma tupananetagüwe perüxĩxü̃, rü taxṹ i nüxü̃ picua̱xüü̃güxü̃! Rü ngẽmaãcü tá nawa pemaxẽecha i ngẽma naane ga pexna rü perü o̱xigüna chaxãxü̃. Natürü i pema rü tama choxü̃ pecua̱xgüchaxü̃ rü tama chauga pexĩnüe.
Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.
Rü choma rü tá pexü̃ chapoxcue nagagu i ngẽma chixexü̃ i pexügüxü̃ i cuma rü cunegü rü cutaagü rü curü ngü̃xẽẽruü̃gü. Rü pexca̱x rü guxü̃ma i Yerucharéü̃arü duü̃xü̃güca̱x rü Yudáanearü duü̃xü̃güca̱x tá íchananguxẽxẽ i guxü̃ma i ngẽma poxcu i ãũcümaxü̃ ga pemaxã chaxueguxü̃, erü pema rü tama chauga pexĩnüe’ ” —ñanagürü.
Rü ñaa duü̃xü̃gü i chixexü̃gu maxẽxü̃ rü tama naga naxĩnüechaü̃ i chorü mugü, rü nanaxügü i ngẽma norü ngúchaü̃ i chixexü̃ i naãẽwa nagu naxĩnüexü̃. Rü tupananetachicüna̱xãgüwe narüxĩ nax nüxü̃́ napuracüexü̃ca̱x rü nüxü̃ yacua̱xüü̃güxü̃ca̱x. Rü ngẽma goyexü̃ i taxuwama mexü̃rüxü̃ nixĩgü i ngẽma duü̃xü̃gü.
Rü naxca̱x nawoegu ga yema pecadugü ga nũxcümaü̃güxü̃ ga norü o̱xigü ügüxü̃, rü yemaca̱x tama chauga naxĩnüechaü̃ rü tupananetachicüna̱xãgüwe narüxĩ rü nüxü̃ nicua̱xüü̃gü. Rü yemaacü ga yema duü̃xü̃gü ga Iraéanecüã̱xgü rü Yudáanecüã̱xgü rü nüxü̃ naxoe ga yema uneta ga nũxcümaü̃güxü̃ ga norü o̱xigümaxã nüxü̃ chixuxü̃.
Rü ngexrüma nax chorü oremaxã cuyaxucu̱xẽgüxü̃ i ñaa duü̃xü̃gü i norü ĩnügutama rüxĩnüexü̃, erü taxũtáma cuga naxĩnüe. Rü nüetama ega nügü yangauxchixexẽẽgu na̱xcha̱xwa i chorü ucu̱xẽgü nax tama nüxü̃ naxĩnüexü̃ca̱x. Rü nüetama ega nügü yangexetügu na̱xcha̱xwa i ngẽma mexü̃ i naxca̱x chaxüxü̃ nax tama nüxü̃ nadaugüxü̃ca̱x rü ngẽmaãcü tama cha̱u̱xca̱x nawoeguxü̃ca̱x nax choma naxca̱x chayataanexẽẽgüxü̃ca̱x” —ñanagürü choxü̃.
Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.
Erü ngẽma duü̃xü̃gü rü tama nüxü̃ nacua̱xgüchaü̃ i chorü ore, rü ñoma napetamachi̱xegüxü̃rüxü̃ nixĩgü rü naxcha̱xwa napexetügü nax tama nüxü̃ nadaugüxü̃ca̱x i ngẽma mexü̃ i naxca̱x chaxüxü̃. Rü tama nüxü̃ naxĩnüechaü̃ i chorü ore, rü tama nüxü̃ nacua̱xgüchaü̃ nax choma chanaxwa̱xexü̃ãcüma namaxẽxü̃, rü tama cha̱u̱xca̱x nadaugüchaü̃ nax choma naxca̱x chayataanexẽẽgüxü̃ca̱x”, —ñanagürü.
¡Rü choxü̃́ iperüxĩnüe Pa Duü̃xü̃gü i Taxúegama Ĩnüexü̃! Pema nüxü̃ pecua̱xgu rü taxũtáma paxa pexü̃ íchanguxü̃xẽxẽ. Natürü pemaxã nüxü̃ chixu rü marü ningaica nax pexü̃ íchanguxü̃xẽẽxü̃ rü marü taxũtáma nũxcü nixĩ. Rü choma rü tá Chióü̃xü̃ íchanguxuchixẽxẽ rü Iraétanüxü̃xü̃ tá chanawe̱x i chorü pora —ñanagürü ga Tupana.
Natürü ngẽxguma taxũtáma naga pexĩnüegu i ngẽma pexü̃ chamuxü̃ rü tama penaxauregu i ngẽma ngü̃chigaarü ngunexü̃, rü ngẽxguma ngẽma ngunexü̃gu Yerucharéü̃arü ĩã̱xgüwa penanucugu i ngẽma pexwetagü, rü choma rü daa ĩanearü ĩã̱xgüwa tá chayanaixẽxẽ ya üxü ya ínaguxü̃ne ya ãẽ̱xgacüpatagü i Yerucharéü̃wa. Rü yima üxü rü taxúxetáma tüxü̃́ natauxcha nax tayaxoxẽẽxü̃”, ñachagürü —ñanagürü ya Cori ya Tupana.
Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.
Piblisite