Chacaría 6:8 - Tupanaarü Ore

⁸ Rü yemawena rü nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Dücax, rü ngẽma cowarugü i ngẽma nachixü̃ane i nórtewa ngẽxmaxü̃waama ĩxü̃, rü ngéma naxĩ nax ngẽma nachixü̃anewa Tupanaxü̃ yanangüxmüxẽẽgüxü̃ca̱x —ñanagürü.

Chacaría 6:8 Referans Kwoze

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Chacaría 1:15

Rü yexguma ñuxre ga taunecü namaxã chanuxgu ga chorü ĩane rü poxcu namaxã chaxuegu ga yema Yerucharéü̃cüã̱xgü. Natürü yema togü ga nachixü̃anegücüã̱x ga yéma chamugüxü̃ rü nanangupetüxẽxẽ ga yema poxcu ga Yerucharéü̃maxã chaxueguxü̃. Rü ngẽmaca̱x poraãcü namaxã chanu i ngẽma togü i nachixü̃anegü i nügü írüporaexü̃ rü taxuguma rüxĩnüexü̃.

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 16:42

Rü ngẽxguma tá nixĩ i cumaxã icharüngü̃xmüxü̃ nax cumaxã chanuxü̃ rü cuxü̃ chinuxuxü̃. Rü ngẽxguma tá nixĩ i choxü̃ nangupetüxü̃ nax cumaxã chanuxü̃.

Ichaía 48:14

¡Rü guxãma i pemax, Pa Iraétanüxü̃x, rü pengutaque̱xegü rü choxü̃́ iperüxĩnüe! ¿Rü petanüwa texé tanaxunagü i ngẽma tá ngupetüxü̃? Rü yimá Tupana nüxü̃ ngechaxü̃cü rü tá nayanguxẽxẽ i ngẽma Tupana nagu rüxĩnüxü̃ rü tá Babiróniaxü̃ napoxcu. Rü tá nanapoxcu i guxü̃ma i ngẽma Cadéuanecüã̱xgü.

Ichaía 1:24

Rü ngẽmaca̱x ya Cori ya Tupana ya Guxãétüwa Ngẽxmacü ya Iraétanüxü̃arü Tupana ya poraxüchicü, rü ñanagürü: —Ñu̱xma i choma rü tá nüxü̃́ chaxütanü i chorü uanügü naxca̱x i ngẽma chixexü̃ i naxügüxü̃. Rü tá chanapoxcue.

Ngu̱xẽẽtaeruü̃arü ore 10:4

Rü ngẽxguma cumaxã nanuxgu i curü ãẽ̱xgacü rü tama name i namaxã cunu. Rü wüxi i duü̃xü̃ i naãẽxü̃ cuáxü̃ rü yáxna namaxã naxĩnü i ngẽma guxchaxü̃gü.

Ãẽ̱xgacügü ga guxchaxü̃güarü mexẽxẽruü̃gü 15:7

Rü yexguma ga nüma ga Chanchóü̃ rü Firitéugüxü̃ ñanagürü: —Ñu̱xma nax ngexü̃ pewagüxü̃ ngĩmaxã i cho̱xma̱x rü taxũtáma pemaxã icharüngüxmü. Rü yexeraãcü tá pemaxã chanu rü pexü̃ chadai naxca̱x i ngẽma cho̱xma̱xmaxã pexüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 8:3

Rü pema rü Tupanaarü ngü̃xẽẽmaxã ípenayauxü̃ ga Oréx rü Chéx ga Madiáü̃tanüxü̃arü ãẽ̱xgacügü. ¿Rü ta̱xacüwa chi inayexeramaexü̃ ga yema toma taxüxü̃ ega namaxã nügü nanguxgu ga yema pema pexügüxü̃? —ñanagürü. Rü yexguma ga yema Yedeóü̃arü dexaxü̃ naxĩnüegu ga Efraíü̃tanüxü̃ rü narüngüxmüe.