Chacaría 6:3 - Tupanaarü Ore

³ Rü guma norü tomaepü̱x ga caru rü cowarugü ga icómüxü̃ inayatú. Rü guma norü ãgümücü ga caru rü cowarugü ga waxüxü̃maxã rü cómüxü̃maxã ãmatüxü̃ inayatú.

Chacaría 6:3 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 6:2

Rü ichadawenü rü nüxü̃ chadau nax yéma nangóxü̃ ga wüxi ga cowaru ga cómüxü̃. Rü yema naétüwa rütoxü̃ rü nüxü̃́ nayexma ga wüxi ga norü würa. Rü wüxi ga nga̱xcueruxü̃ nüxna naxã. Rü nüma rü nagu narüxĩnü nax norü uanügüxü̃ tá narüporamaexü̃. Rü inaxũãchi nax norü uanügüxü̃ naporamaexü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:8

Rü ichadawenü rü nüxü̃ chadau ga wüxi ga cowaru ga dexexü̃. Rü yema naétüwa rütoxü̃ rü Yu nixĩ ga naéga. Rü yema naweama ne ũxü̃, rü Yuexü̃chica nixĩ ga naéga. Rü yema taxre nanayauxgü ga pora nax ñoma ga naanewa rü wüxi cuarto ga duü̃xü̃güxü̃ nada̱i̱xü̃ca̱x taramaxã rü taiyamaxã rü da̱xaweanemaxã rü naeü̃gü i düraexü̃maxã.

Chacaría 1:8

Rü wüxi ga chütaxü̃gu rü chango̱xetü rü nüxü̃ chadau ga wüxi ga duü̃xü̃ ga dauxü̃cüã̱x ga cowaru ga dauxü̃étügu aunagüxü̃. Rü wüxi ga ngatewa yexmaxü̃ ga naixtanüpechitawa nayachaxãchi, norü cowarumaxã. Rü yemaweama nayexmagü ga wüxitücumü ga cowaru ga idauxü̃, rü to ga idáuxraxü̃ rü to ga icómüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.

Danié 2:33

Rü guma naparagü rü fierunaxca̱x nixĩ. Rü ngãxü̃ ga nacutügü rü fierunaxca̱x nixĩ rü to ga norü ngãxü̃ ga guma nacutügü rü waixü̃münaxca̱x nixĩ.

Naanearü ügüchiga 31:10

Rü wüxi ga ngunexü̃gu ga yexguma yaworegu ga yema naxü̃nagü rü nagu chaxãnegü. Rü yema chaunegüwa rü nüxü̃ chadau nax yaxãmatüxü̃ rü nawǘetaxü̃ ga yema iyatüxü̃ ga carnérugü ga yema ingexü̃xü̃ ixüxacügüxü̃.