Chacaría 5:8 - Tupanaarü Ore

⁸ Rü yexguma nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Ngẽma nge rü ngẽma pecaduchiga nixĩ —ñanagürü. Rü yexguma ga yema nge rü íixũxũchaü̃, natürü nüma ga yema Tupanaarü orearü ngeruxü̃ rü ngĩxü̃ nimucuchiama rü ngĩxü̃ narüngataxü̃ namaxã ga yema naxã́taxü̃ ga plomunaxca̱x.

Chacaría 5:8 Referans Kwoze

1 Tesalonicenses 2:16

Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.

Ore i mexü̃ ga Matéu ümatüxü̃ 23:32

¡Ẽcüx, noxtacüma peyanguxẽxẽ̱x ga yema chixexü̃ ga nũxcümaü̃güxü̃ ga perü o̱xigü ügüexü̃!

Chacaría 5:7

Rü gumá pexchi rü nüxü̃́ nayexma ga naxã́taxü̃ ga plomunaxca̱x. Rü nüma ga Tupanaarü duü̃xü̃ rü nayawãxna ga gumá pexchi rü yéma aixepewa nüxü̃ chadau ga wüxi ga nge ga yéma rütoxü̃.

Miquéa 6:11

¿Rü ñuxãcü tá nüxü̃ changechaü̃xü̃ i ngẽma ngĩ́xwa̱xexü̃ i yáruü̃maxã puracüxü̃?

Auxexü̃chiga 1:14

Rü Cori ya Tupana rü marü nüxü̃ nadau i chorü pecadu i nümatama chowa yanaxĩcuchixü̃ ñoma wüxi i naixmena̱xã i toxcunaxãruxü̃. Rü ngẽma pecadu rü ñoma toxcunaxãruxü̃ ya yáxü̃nerüxü̃ choxü̃́ nayá. Rü marü nagu̱x i chorü pora. Rü nüma ya Cori ya Tupana rü chorü uanügüme̱xẽgu choxü̃ nanguxẽxẽ, rü ngẽmaca̱x taxucürüwa chaugü íchapoxü̃.

Ucu̱xẽgüchiga 5:22

Ngẽma duü̃xü̃ i chixexü̃ üxü̃, rü ngẽma norü chixexü̃ tátama nixĩ i guxchaxü̃gu nanguxẽẽxü̃, rü ngẽma norü chixexü̃tama nixĩ i nagu nachoxü̃ ñoma wüxi i naixnütagu nachoxü̃rüxü̃.

Wiyaegü 38:4

Rü ngẽma chorü pecadugü rü nayaxüchi rü chauétügu nangu rü tama namaxã chapora.

Naanearü ügüchiga 15:16

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.

Ochéa 12:7

Rü Tupana rü Iraétanüxü̃xü̃ ñanarügü: —Pemax rü taxetanüxü̃ i womüxẽẽwa̱xegüxü̃ pixĩgü. Rü ngẽmaca̱x yimá perü yáruxü̃ ya tama mecümaxã nüxü̃́ pengĩ̱x i duü̃xü̃gü.

Amúx 8:5

Rü pegüna pecagü rü ñaperügügü: “¿Ñuxgu tá nangupetüxü̃ i ngẽma ngexwacaxü̃cü ya tauemacüarü peta nax ngẽmaãcü wena namaxã itaxegüxü̃ca̱x ya tórü trigugü? ¿Rü ñuxgu tá nangupetüxü̃ i ngẽma ngü̃xchigaarü ngunexü̃ nax wena namaxã itaxegüxü̃ca̱x ya tórü trigugü?” ñaperügügü. Rü pema rü chixecü ya yáruxü̃wa ipenayá i perü trigugü. Rü íxraxü̃ i ngugüruxü̃wa penangugü i ngẽma trigu Rü naétü nagu perüxĩnüe nax penatatanüxẽẽxü̃ i perü trigugü.