Chacaría 5:4 - Tupanaarü Ore

⁴ Rü ngẽma poxcu rü tá ngẽma ngĩta̱xagüxü̃patawa nangu rü ngẽma Tupanaégagu idorata̱xagüxü̃patawa nangu. Rü ngéma poxcu rü napatawa tá nangẽxma ñu̱xmatáta yanaxo ya yima napataarü omütagü rü nutagü. Rü Tupana ya Guxãétüwa Ngẽxmacü nixĩ i naxueguxü̃ i ngẽma —ñanagürü.

Chacaría 5:4 Referans Kwoze

Ucu̱xẽgüchiga 3:33

Nüma ya Cori ya Tupana rü chixexü̃ namaxã naxuegu i napatacüã̱x i ngẽma chixexü̃ i duü̃xü̃, natürü mexü̃ tümapatacüã̱xmaxã naxuegu ya yíxema nape̱xewa mexü̃ üxe.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Yox 18:15

Rü napata rü tá nixa, rü norü ngẽmaxü̃gü rü achúfre i ya̱u̱xraxü̃maxã tá namaxcutanü.

Wenaxarü naxümatü ga Tupanaarü mugü 7:26

Rü ngẽmaca̱x ¡taxṹ i pepatawa penangexü̃ i ngẽma úiru rü diẽrumü ya Tupana pexna chu̱xuxü̃ nax tama ipeyarüxogüxü̃ca̱x i pema rü ta! Rü ngẽmagü rü tá ípenagu. Erü Tupana naxchi naxai i guxü̃ma i ngẽma tupananetachicüna̱xãgü rü ngẽxgumarüxü̃ ta i pema rü penaxwa̱xe nax nüxü̃ pexoexü̃ —ñanagürü ga Moiché.

Yox 20:26

Rü wüxi i waanexü̃ tá nagu nangu. Rü wüxi i üxüema i tama duü̃xü̃ inaixẽẽxü̃ tá nagu nanguema rü ngẽxma tá napatamaxã nixa wüxigu namaxã i guxü̃ma i norü ngẽmaxü̃gü.

Ichaía 24:6

Rü ngẽmaca̱x nixĩ i chixexü̃ naxca̱x ínguxü̃ i ñoma i naane rü ngẽma duü̃xü̃gü i nawa maxẽxü̃ rü ngúxü̃ yangegüxü̃. Rü ngẽmaca̱x nixĩ i ínagu̱xü̃ i ngẽma duü̃xü̃gü i ñoma i naanewa maxẽxü̃ rü ínaxĩxü̃ i norü mu, rü noxretama íyaxügüxü̃.

Yeremía 2:26

Rü ñoma wüxi i ngĩ́xta̱xaxü̃ rü ngẽxguma íyanguéü̃güãgu rü ixãneãchixü̃rüxü̃ tá nixĩ i yaxãneãchitanüxü̃ i ngẽma Iraétanüxü̃ i duü̃xü̃gü, rü norü ãẽ̱xgacügü, rü ngẽma ãẽ̱xgacügüarü ngü̃xẽẽruü̃gü, rü norü chacherdótegü, rü ngẽma norü orearü uruü̃gü.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Ochéa 4:3

Rü ngẽmaca̱x i ñaa nachixü̃ane rü poraãcü ngechaü̃ nüxü̃́ nangu̱x rü naanegüwa rü taxuxü̃ma narüxü. Rü duü̃xü̃gü rü nida̱xawee rü nayue, rü ngẽxgumarüxü̃ ta i ngẽma naeü̃gü i naixnecücüã̱x rü werigü rü choxnigü i márcüã̱x rü nigúetanü.

Amúx 3:10

Rü ngẽma duü̃xü̃gü rü tama naãẽxü̃ nacua̱xgüéga nax mexü̃ naxügüxü̃. Rü napatagü ya mexẽchínegu nananu ga yema namáetagüãcüma naxca̱x nangĩ̱xgüxü̃ —ñanagürü ya Cori ya Tupana.

Chacaría 5:3

Rü yexguma ga nüma rü ñanagürü: —Ngẽma popera rü nachiga nixĩ i ngẽma poxcu i guxü̃ma i ñoma i naaneca̱x tá ínguxü̃. Rü wüxicüwagu naxümatü i norü poxcu i ngẽma ngĩ́xta̱xagüxü̃. Rü ngẽma tocüwagu naxümatü i norü poxcu i ngẽma Tupanaégagu idorata̱xagüxü̃.

Chacaría 8:17

Rü tama name nax pegüca̱x chixexü̃ pexügüxü̃, rü tama name nax ãẽ̱xgacügüpe̱xewa doraxü̃ pixugüxü̃, erü guxü̃ma i ngẽma rü naxchi chaxai. Rü choma ya Tupana nixĩ i nüxü̃ chixuxü̃ i ngẽma” —ñanagürü.

Wenaxarü naxümatü ga Tupanaarü mugü 28:16

Rü guxchaxü̃ tá pexü̃́ nangẽxma i perü ĩanewa rü peanewa.

Yochué 9:20

Rü nüe namaxẽ, erü ngẽxguma chi taxũchima tayanguxẽẽgu i ngẽma Gabaóü̃cüã̱xgümaxã nüxü̃ tixuxü̃ rü nüma ya Tupana rü tomaxã chi nanu —ñanagürügü.

Yox 8:15

Rü ngẽma duü̃xü̃gü rü nawata̱a̱x nichü̱xüxgü i ngẽma pawüchiãxü̃, natürü namaxã nicaweama. Rü ngẽxguma nawa yachü̱xüxgügu i ngẽma pawüchiãxü̃ rü tama nanangenagü i norü ya.

Yox 8:22

Natürü ngẽma curü uanügü rü ãne tá ningẽgü. Rü napatagü i ngẽma chixexü̃arü üruü̃gü rü wüxicana tá inayarüxogü —ñanagürü ga Biridá.