Chacaría 5:3 - Tupanaarü Ore

³ Rü yexguma ga nüma rü ñanagürü: —Ngẽma popera rü nachiga nixĩ i ngẽma poxcu i guxü̃ma i ñoma i naaneca̱x tá ínguxü̃. Rü wüxicüwagu naxümatü i norü poxcu i ngẽma ngĩ́xta̱xagüxü̃. Rü ngẽma tocüwagu naxümatü i norü poxcu i ngẽma Tupanaégagu idorata̱xagüxü̃.

Chacaría 5:3 Referans Kwoze

Ínachoxü̃xü̃chiga 20:15

¡Rü taxũtáma cungĩ́ta̱a̱x!

Ichaía 48:1

Rü Tupana rü ñanagürü: —¡Perüxĩnüe Pa Acóbuarü Duü̃xü̃güx, Pa Iraétanüxü̃x, Pa Yudátaagüx! Pema rü Cori ya Tupanaégagu pegü pixu nax norü duü̃xü̃gü pixĩgüxü̃. Rü perü yumüxẽwa naxca̱x ípeca̱x i norü ngü̃xẽxẽ, natürü tama aixcüma naga pexĩnüe.

Ichaía 43:28

Rü ngẽma perü ãẽ̱xgacügü rü chixexü̃ nawa naxügü ga chopata ya taxü̃ne. Rü yemaca̱x nixĩ ga nüxna chixũgachixü̃ ga Acóbuarü duü̃xü̃gü ga Iraétanüxü̃ nax norü uanügü nada̱i̱xü̃ca̱x rü chixexü̃ namaxã yaxugüexü̃ca̱x —ñanagürü ya Tupana.

Ichaía 24:6

Rü ngẽmaca̱x nixĩ i chixexü̃ naxca̱x ínguxü̃ i ñoma i naane rü ngẽma duü̃xü̃gü i nawa maxẽxü̃ rü ngúxü̃ yangegüxü̃. Rü ngẽmaca̱x nixĩ i ínagu̱xü̃ i ngẽma duü̃xü̃gü i ñoma i naanewa maxẽxü̃ rü ínaxĩxü̃ i norü mu, rü noxretama íyaxügüxü̃.

Popera ga Chantiágu ümatüxü̃ 5:12

Rü guxü̃arü yexera, Pa Chauenexẽgüx, rü ngẽxguma ta̱xacüca̱x ipexunetagu, rü tama name i Tupanaégagu ipexuneta, rü ẽ̱xna ñoma i naaneégagu ipexuneta, rü ẽ̱xna ta̱xacü i to i naégagu ipexuneta. Rü ngẽxguma “Ngü̃”, ñapegügu rü name nax peyanguxẽẽxü̃. Rü ngẽxguma “Tama”, ñapegügu rü name nax peyanguxẽẽxü̃. Rü ngẽxguma ya Tupana rü taxũtáma pexü̃ napoxcue naxca̱x i ngẽma perü uneta.

Maraquía 4:6

Rü nüma ya Ería rü duü̃xü̃gümaxã tá nüxü̃ nixu i chorü ore nax papagü rü nanegümaxã nangüxmüexü̃ca̱x, rü nüma i nanegü rü nanatügümaxã nangüxmüexü̃ca̱x. Erü ngẽxguma tama nügümaxã nangümüegu rü chixexü̃ naxüeamagu rü choma rü tá ngéma chaxũ rü noxtacüma tá chanapoxcue i ngẽma duü̃xü̃gü, rü noxtacüma tá chayanaxoxẽxẽ i ngẽma nachixü̃ane —ñanagürü ya Cori ya Tupana.

Chacaría 5:4

Rü ngẽma poxcu rü tá ngẽma ngĩta̱xagüxü̃patawa nangu rü ngẽma Tupanaégagu idorata̱xagüxü̃patawa nangu. Rü ngéma poxcu rü napatawa tá nangẽxma ñu̱xmatáta yanaxo ya yima napataarü omütagü rü nutagü. Rü Tupana ya Guxãétüwa Ngẽxmacü nixĩ i naxueguxü̃ i ngẽma —ñanagürü.

Yeremía 5:2

Rü nangẽxmagü i duü̃xü̃gü i chauégagu ixunetagüxü̃, natürü tama nayanguxẽẽgü i norü unetagü —ñanagürü ya Cori ya Tupana.

Lebítanüxü̃arü puracüchiga 19:12

¡Rü taxũtáma chauégagu natüca̱xma texémaxã icuxuneta! Erü ngẽxguma ngẽmaãcü cunaxü̱xgu rü cunachixexẽxẽ i naéga ya curü Tupana. Rü choma nixĩ ya Iraétanüxü̃arü Cori ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Popera ga Chantiágu ümatüxü̃ 5:4

Rü pema rü tama nüxü̃́ ngĩxü̃ pexütanü ga yema diẽru ga ngĩxca̱x napuracüecü ga perü puracütanüxü̃. Rü ngẽmaca̱x i ngẽma perü puracütanüxü̃ rü ngĩxca̱x nidexagü ga yema diẽru ga tama nüxna ngĩxü̃ pexãcü. Rü nüma ya Cori ya Tupana ya Guxü̃étüwa Ngẽxmacü rü marü ngẽma duü̃xü̃güxü̃ naxĩnü nax ngĩxca̱x yadexagüxü̃ ga yema diẽru ga nüxü̃́ ngĩxü̃ pengetanücü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:9

Nüxü̃ tacua̱xgü rü guxü̃ma i ngẽma mugü rü tama duü̃xü̃gü i mexü̃ ügüxü̃ca̱x nixĩ. Rü ngẽma mugü rü naxca̱x nixĩ i ngẽma duü̃xü̃gü i tama irüxĩnüechaü̃xü̃, rü ngẽma tama norü ãẽ̱xgacüga ĩnüexü̃, rü ngẽma chixexü̃gu maxẽxü̃, rü ngẽma pecaduã̱xgüxü̃, rü ngẽma tama Tupanaga ĩnüexü̃, rü ngẽma nanatüxü̃ rüẽ̱xna naéxü̃ ima̱xgüxü̃, rü guxü̃ma i ngẽma máetagüxü̃, rü ngẽma naxü̃nearü ngúchaü̃we rüxĩxü̃, rü ngẽma yatügü i naxrüxü̃ yatüxü̃maxã maxẽxü̃ rü ngẽma ngexü̃gü i naxrüxü̃ ngẽxü̃maxã maxẽxü̃, rü ngẽma mugüruü̃gümaxã taxegüxü̃, rü ngẽma idorata̱xaxgüxü̃, rü ngẽma ãẽ̱xgacügüpe̱xewa idoragüxü̃, rü guxü̃ma i ngẽma chixexü̃ ügüxü̃ na̱xcha̱xwa i ngẽma ngu̱xẽẽtae i mexü̃.

Efesios 4:28

Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.

Ore i mexü̃ ga Luca ümatüxü̃ 21:35

Rü ñoma wüxi ya yüta ya ngürüãchi ta̱xacü iyaxúnerüxü̃ tá nixĩ naxca̱x i guxü̃ma i duü̃xü̃gü i ñoma i naanecüã̱x i ngẽxguma wenaxarü núma chaxũxgu.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Chacaría 8:17

Rü tama name nax pegüca̱x chixexü̃ pexügüxü̃, rü tama name nax ãẽ̱xgacügüpe̱xewa doraxü̃ pixugüxü̃, erü guxü̃ma i ngẽma rü naxchi chaxai. Rü choma ya Tupana nixĩ i nüxü̃ chixuxü̃ i ngẽma” —ñanagürü.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Danié 9:11

Rü guxü̃ma i chautanüxü̃ i Iraétanüxü̃ rü tama naga naxĩnüe i curü mugü. Rü cuxna nixĩgachi rü tama naga naxĩnüe i curü ucu̱xẽgü. Rü yemaca̱x ga yema poxcu ga curü duü̃ ga Moichéwa nüxü̃ quixuxü̃ rü togu nangu.

Yeremía 23:10

Rü ñaa nachixü̃ane rü namaxã nayapa i duü̃xü̃gü i Tupanana ixĩgachixü̃ rü tama aixcüma naga ĩnüexü̃. Rü ngẽma orearü uruü̃güneta rü paxa naxca̱x nadaugü nax chixexü̃ naxügüxü̃. Rü ngẽmaca̱x ya Cori ya Tupana rü chixexü̃ namaxã naxuegu i ñaa naane rü chianexü̃xü̃ nayangucuchixẽxẽ. Rü ñu̱xma i ngẽma wocachitaü̃güarü maxẽgü rü marü nipagü.

Yeremía 7:9

Erü pengĩ́e, rü pemáetagü, rü nai i ngexü̃maxã pemaxẽ, rü natüca̱xma chauégagu ipexuneta rü pidorae, rü Baáca̱x pumarate̱xe pigugü, rü naxca̱x pengutaque̱xegü i togü i nachixü̃anegüarü tupananetagü ga tama nüxü̃ pecuáxü̃ ga ü̃pa.

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Ucu̱xẽgüchiga 29:24

Ngẽxguma namaxã cuxãmücügu i ngẽma ngĩ́xü̃ rü cugütama cuchixexẽxẽ. Rü ngẽxguma nüxü̃ cuxĩnügu nax ãẽ̱xgacü poxcu cumaxã ueguxü̃, rü woo Tupanaégagu cugü ícuxuegu, rü taxucürüwa cugü ícupoxü̃.

Ucu̱xẽgüchiga 3:33

Nüma ya Cori ya Tupana rü chixexü̃ namaxã naxuegu i napatacüã̱x i ngẽma chixexü̃ i duü̃xü̃, natürü mexü̃ tümapatacüã̱xmaxã naxuegu ya yíxema nape̱xewa mexü̃ üxe.

Lebítanüxü̃arü puracüchiga 19:11

¡Rü taxṹ i pengĩ́xü̃! ¡Rü taxṹ i pidoraexü̃! ¡Rü taxṹ i pegü pewomüxẽxẽgüxü̃!

Amúx 3:10

Rü ngẽma duü̃xü̃gü rü tama naãẽxü̃ nacua̱xgüéga nax mexü̃ naxügüxü̃. Rü napatagü ya mexẽchínegu nananu ga yema namáetagüãcüma naxca̱x nangĩ̱xgüxü̃ —ñanagürü ya Cori ya Tupana.

Yochué 9:20

Rü nüe namaxẽ, erü ngẽxguma chi taxũchima tayanguxẽẽgu i ngẽma Gabaóü̃cüã̱xgümaxã nüxü̃ tixuxü̃ rü nüma ya Tupana rü tomaxã chi nanu —ñanagürügü.

Echequié 2:9

Rü ñu̱xũchi nüxü̃ chadau ga wüxi ga naxme̱x ga wüxi ga popera ga ãmatüxü̃ ga rübuxü̃ ngexü̃ne nax choxna naxããxü̃ca̱x.