Chacaría 4:2 - Tupanaarü Ore

² Rü choxna naca rü ñanagürü: —¿Ta̱xacüxü̃ cudauxü̃? —ñanagürü. Rü choma rü chanangãxü̃ rü ñachagürü: —Choma rü nüxü̃ chadau i wüxi i omüarü üruxü̃ i úirunaxca̱x i dauxü̃wa nüxü̃́ ngẽxmaxü̃ i norü oribuarü chixü̃paxü̃. Rü ngẽma chixü̃paxü̃wa ne nadagü i 7 i norü omüchiraü̃ i nawa yana̱i̱xgüxü̃.

Chacaría 4:2 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 4:5

Rü yema tochicaxü̃ ga ngãxü̃wa üxü̃ rü yemawa ínaxũxũ ga ãẽmacügü rü duruanexü̃ rü nagagü. Rü yema tochicaxü̃pe̱xewa nayexmagü ga 7 ga omügü ga yéma naigüxü̃. Rü yema omügü nixĩ ga yema 7 ga Tupanaãxẽ ya Üünecü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:12

Rü chaugü íchidau nax nüxü̃ chadauxü̃ca̱x nax ta̱xacü yixĩxü̃ ga yema chomaxã idexaxü̃. Rü yexguma chaugü íchida̱u̱xgu rü nüxü̃ chadau ga 7 ga omüarü üruü̃gü ga úirunaxca̱x.

Chacaría 5:2

Rü yexguma ga yema Tupanaarü orearü ngeruxü̃ i dauxü̃cüã̱x rü choxna naca rü ñanagürü: —Pa Chacaríax, ¿ta̱xacü yixĩxü̃ i ngẽma nüxü̃ cudauxü̃? —ñanagürü. Rü yexguma ga choma rü chanangãxü̃ rü ñacharügü: —Nüxü̃ chadau i wüxi i popera i ãmatüxü̃ i dauxü̃gu chü̱xüxü̃. Rü ngẽma popera rü 9 metru nixĩ i norü ma̱x, rü 4 metruarü ngãxü̃ nixĩ i norü tatachinü —ñacharügü.

Yeremía 52:19

Rü nüma ga yema churaragüeru ga Nabucharadáü̃ rü yexgumarüxü̃ ta nayana ga guxü̃ma ga Tupanapataarü yemaxü̃gü ga úirunaxca̱x rü diẽrumünaxca̱x ga bachíagu, rü pumarate̱xearü guruü̃gü, rü tacháũgü, rü tanimacapáü̃gü, rü omügü, rü cucharóü̃gü, rü copugü ga ãmare ga bínupáxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:20

Rü ñu̱xma rü tá cumaxã nüxü̃ chixu i ta̱xacüchiga nixĩ ya yimá 7 ya woramacurigü ya chorü tügüneme̱xẽwa nüxü̃ cudaucü rü ngẽma 7 i omüarü üruü̃gü i úirunaxca̱x. Rü yimá 7 ya woramacurigü ya nüxü̃ cudaucü, rü ngẽma nixĩ i ngẽma dauruü̃gü i ngẽma 7 tücumü i yaxõgüxü̃maxã icua̱xgüxü̃. Rü ngẽma 7 i omüarü üruü̃gü rü ngẽma nixĩ i ngẽma 7 tücumü i yaxõgüxü̃”, ñanagürü choxü̃.

Norü taxre ga to ga popera ga ãẽ̱xgacügüchiga ümatüxü̃ 13:11

Rü ngẽmagü nixĩ i ẽxü̃wa rü yáuanecü Cori ya Tupanaca̱x ínaguxü̃ i ãmaregü rü pumaragü i iyixichixü̃. Rü ngẽmagü nixĩ i mechawa mea yanuxü̃ i ngẽma paũgü i üünexü̃. Rü ngẽmagü nixĩ i guxü̃ma i yáuanecü nawa nanangixichigü i ngẽma omügü i úirumaxã ãxpaweruxü̃. Rü ngẽmaãcü i toma rü aixcüma tayanguxẽxẽ i Cori ya Tupanaarü mugü. Natürü i pema rü marü nüxna pixĩgachi.

Norü taxre ga to ga popera ga ãẽ̱xgacügüchiga ümatüxü̃ 4:7

Rü ñu̱xũchi Tupana nüxü̃ ixuxü̃ãcüma nanaxü ta ga 10 ga omügü ga úirunaxca̱x. Rü yemagü rü Tupanapata ga taxü̃negu nananu, rü wüxime̱e̱xpü̱x ga to̱xweguama rü to ga wüxime̱e̱xpü̱x ga tügüneguama.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:15

Rü nüxna nanaxã ga yema úiru ga nagu mexü̃ naxca̱x ga wüxichigü ga yema omügü ga úirunaxca̱x. Rü nüxna nanaxã ga yema diẽrumü ga nagu mexü̃ naxca̱x ga wüxichigü ga yema omügü ga diẽrumünaxca̱x.

Ngu̱xẽẽtaeruü̃arü ore 12:6

Rü ñu̱xma nax cungextü̱xüxü̃ rü naxü̃pa nax cuyuxü̃ ¡nüxna nacua̱xãchi ya yimá Tupana ya cuxü̃ ngo̱xẽẽcü! Rü ñu̱xma nax cumaxü̃xü̃ rü ¡nüxna nacua̱xãchi ya Tupana naxü̃pa nax curü maxü̃ rü ñoma wüxi i cadéna i diẽrumünaxca̱x icauyexü̃rüxü̃ nax yixĩxü̃, rü ñoma wüxi ya naxpáü̃ i úirunaxca̱x ipuxü̃rüxü̃ nax yixĩxü̃! ¡Rü nüxna nacua̱xãchi ya yimá cuxü̃ ngo̱xẽẽcü ñu̱xma nax cuxü̃́ nangẽxmaxü̃ i curü maxü̃ i ñoma wüxi i tü̃xü̃ i tama ipuxü̃rüxü̃ nax yixĩxü̃, rü ñoma wüxi i ãchicuxü̃ i dexá namaxã itúnagütaü̃xü̃ i tama ipuxü̃rüxü̃ nax yixĩxü̃!

Yeremía 24:3

Rü nüma ga Cori ya Tupana rü choxna naca rü ñanagürü: —Pa Yeremíax ¿ta̱xacü yixĩxü̃ i ngẽma nüxü̃ cudauxü̃? —ñanagürü. Rü choma rü chanangãxü̃ rü ñachagürü: —Nüxü̃ chadau i ori̱x i igu i mexẽchixü̃ rü togü i chixexü̃chixü̃ i taxuacüma ingṍxü̃ —ñachagürü.

Amúx 7:8

Rü yexguma ga nüma rü choxna naca rü ñanagürü: —¿Ta̱xacü nixĩ i nüxü̃ cudauxü̃, Pa Amúx? —ñanagürü choxü̃. Rü yexguma ga choma rü ñachagürü nüxü̃: —Wüxi i ĩxtapü̱xarü ngugüruxü̃ i nawa nüxü̃ icuáxü̃ nax mea ínatoxü̃ —ñachagürü. Rü yexguma ga nüma rü choxü̃ ñanagürü: —Rü ñaa ĩxtapü̱xarü ngugüruxü̃maxã tá nixĩ i nüxü̃ chacuáxü̃ rü aixcüma nawe̱xguxü̃ i nacüma i ngẽma chorü duü̃xü̃gü i Iraétanüxü̃. Rü taxũtáma nüxü̃́ nüxü̃ charüngüma ega chixexü̃gu namaxẽgu.