Chacaría 4:12 - Tupanaarü Ore

¹² Rü yexgumarüxü̃ ta nüxna chaca rü ñacharügü: —Rü ngẽma taxre i oribuchacüxü i nacüwagu nuxü̃ i ngẽma taxre i omüchiraü̃gü i úirunaxca̱x i nagu yayáxü̃ i ngẽma oribuarü chíxü̃ nax yana̱i̱xgüxü̃ca̱x i omü ¿rü ta̱xacüchiga nixĩ i ngẽma taxre i oribuchacüxü? —ñacharügü.

Chacaría 4:12 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 11:4

Rü ngẽma taxre i orearü uruü̃gü nixĩ i norü cua̱xruxü̃ i ngẽma taxre i nanetü i oribugü rü ngẽma taxre i omüarü üruü̃gü i tórü Cori ya ñoma i naanearü yora ixĩcüpe̱xewa ngẽxmagüxü̃.

Ore i mexü̃ ga Matéu ümatüxü̃ 20:23

Rü Ngechuchu nanangãxü̃ rü ñanagürü nüxü̃: —Aixcüma tá nixĩ i chauxrüxü̃ ngúxü̃ pingegüxü̃. Natürü ngẽma chorü tügünecüwawa rü chorü to̱xwecüwawa nax perütogüxü̃ca̱x, rü tama cho̱xme̱xwa nangẽxma nax pexna chanaxãxü̃. Rü Chaunatüme̱xẽwa nixĩ nax nangẽxmaxü̃ i ngẽma, rü nüma tá tüxna nanaxã ya yíxema tümaca̱x íyixĩxẽ —ñanagürü.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Chacaría 4:11

Rü choma rü nüxna chaca rü ñachagürü: —¿Rü ta̱xacüchiga nixĩ i ñaa taxre i oribune i ñaa omücüwawa ngẽxmagüxü̃? —ñachagürü.

Chacaría 4:13

Rü yexguma nüma ga yema Tupanaarü orearü ngeruxü̃ ga daxũcüã̱x rü choxü̃ nangãxü̃ rü ñanagürü: —¿Ẽ̱xna tama nüxü̃ cucua̱x nax ta̱xacüchiga yixĩxü̃? —ñanagürü. Rü yexguma ga choma rü chanangãxü̃ rü ñacharügü: —Tama nüxü̃ chacua̱x, Pa Corix —ñacharügü.