Chacaría 4:10 - Tupanaarü Ore

¹⁰ —Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

Chacaría 4:10 Referans Kwoze

Yox 8:7

Rü ngẽma curü ngẽmaxü̃gü i tá cuxü̃́ ngẽxmaxü̃ rü yema curü yemaxü̃gü ga noxri cuxü̃́ yexmagüxü̃arü yexera tá nixĩ.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Aguéu 2:3

—¿Texé i petanüwa rü nüxna cua̱xãchixü̃ ga nax nañuxraxü̃xü̃ ga chopata ga taxü̃ne ga noxrix? Rü guma rü namexẽchi. Natürü ñu̱xma nax nüxü̃ pedauxü̃ rü taxuwama name.

Ucu̱xẽgüchiga 15:3

Nüma ya Cori ya Tupana, rü guxü̃wama nangẽxma rü tüxü̃ nangugü ya yíxema mea maxẽxe, rü nanangugü ta i ngẽma chixexü̃gu maxẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:6

Rü ñu̱xũchi nüxü̃ chadau ga wüxi ga Carnéruxacü ga ma̱xwa írüdaxü̃ ga yexma chixü̃ naxü̃tagu ga gumá tochicaxü̃wa rütocü rü norü ngãxü̃tanügu ga yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü nüxü̃́ nayexma ga 7 ga naxchata̱xcu̱xre rü 7 ga naxetü. Rü gumá 7 ga naxetü rü ngẽma nixĩ i ngẽma 7 i Tupanaãxẽ ya Üünecü i guxü̃wama i ñoma i naanewa namugüxü̃.

Chacaría 3:9

Rü chomax rü Yochuépe̱xegu chanaxǘ ya wüxi ya nuta ya 7 i nacüwa nüxü̃́ ngẽxmacü. Rü chomatátama yima nutagu chanaxümatü i ore. Rü ñu̱xũchi i choma rü wüxitatama i ngunexü̃gu nüxna chanayaxu i norü pecadu i ñaa nachixü̃ane.

Ucu̱xẽgüchiga 4:18

Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Ichaía 66:11

Rü pema Pa Yerucharéü̃cüã̱xgüx, rü tá poraãcü petaãẽgü, ñoma wüxi i õxchana i norü mama meama maixü̃ rü ngãxpütüwexü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:2

Rü ñu̱xũchi nüxü̃ chadau ga yema 7 ga Tupanaarü orearü ngeruü̃gü ga daxũcüã̱x ga yexma Tupanape̱xegu chigüxü̃. Rü wüxichigüna nanaxã ga norü cornéta.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Ore i mexü̃ ga Luca ümatüxü̃ 15:32

Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Yeremía 16:17

Erü nüxü̃ chadau ga guxü̃ma ga yema chixexü̃ ga pexügüxü̃, erü cha̱u̱xca̱x rü taxuxü̃ma inicu̱x. Rü ngẽma perü pecadugü rü bai i wüxi i cha̱u̱xcha̱xwa icúxü̃.

Echequié 1:14

Rü yema querubíü̃gü rü paxãma nu ne nanaxĩ ñoma ba̱i̱xbeanexü̃rüxü̃.

Amúx 7:2

Rü yexguma nüxü̃ chada̱u̱xgu ga yema munügü nax nangõ̱xgüãxü̃ ga guxcüma ga guma maxẽ ga yexwacax ügücü, rü Cori ya Tupanaxü̃ ñachagürü: —¡Pa Cori ya Tupanax, ẽcü toxü̃ nangechaxü̃! ¿Ta̱xacümaxã tá tamaxẽxü̃ i toma i curü duü̃xü̃gü i Acóbutanüxü̃ nax tanoxrexüchixü̃? —ñachagürü.

Amúx 7:5

Rü yexguma ga choma rü Cori ya Tupanaxü̃ ñachagürü: —¡Pa Cori ya Tupanax, ẽcü toxü̃ nangechaxü̃ rü íyachaxãchi i ngẽma poxcu! ¿Rü ta̱xacümaxã tá tamaxẽxü̃ i tomax i curü duü̃xü̃gü i Acóbutanüxü̃ nax tanoxrexüchixü̃? —ñachagürü.

Wiyaegü 33:14

Rü ngẽma daxũguxü̃ i naane i nawa nangẽxmaxü̃wa nixĩ i tüxü̃ nangugüxü̃ ya yíxema ñoma i naanewa ngẽxmagüxe.

Chacaría 9:1

Ñaa nixĩ i Cori ya Tupanaarü ore i ĩane ya Damácuchiga: —Guxü̃ma i Iraétanüxü̃ i duü̃xü̃gü rü Cori ya Tupanaarü nixĩgü, rü ngẽxgumarüxü̃ ta ya yima ĩanegü ya Chíriaanewa ngẽxmagüne rü Cori ya Tupanaarü nixĩgü.