Chacaría 3:9 - Tupanaarü Ore

⁹ Rü chomax rü Yochuépe̱xegu chanaxǘ ya wüxi ya nuta ya 7 i nacüwa nüxü̃́ ngẽxmacü. Rü chomatátama yima nutagu chanaxümatü i ore. Rü ñu̱xũchi i choma rü wüxitatama i ngunexü̃gu nüxna chanayaxu i norü pecadu i ñaa nachixü̃ane.

Chacaría 3:9 Referans Kwoze

Chacaría 4:10

—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

Yeremía 50:20

Rü choma ya Cori ya Tupana rü ñachagürü: “Ngẽxguma ngẽma Iraéanecüã̱xgü rü Yudáanecüã̱xgü woeguxgu, rü yema duü̃xü̃gü ga maxẽãcü yéma íyaxügüxü̃ rü choma rü tá nüxü̃́ nüxü̃ charüngüma i norü chixexü̃gü. Rü ngẽmaãcü i nümagü rü tá nawa ínanguxü̃ i norü chixexü̃gü rü norü pecadugü ga naxügüxü̃”, ñachagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:6

Rü ñu̱xũchi nüxü̃ chadau ga wüxi ga Carnéruxacü ga ma̱xwa írüdaxü̃ ga yexma chixü̃ naxü̃tagu ga gumá tochicaxü̃wa rütocü rü norü ngãxü̃tanügu ga yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü nüxü̃́ nayexma ga 7 ga naxchata̱xcu̱xre rü 7 ga naxetü. Rü gumá 7 ga naxetü rü ngẽma nixĩ i ngẽma 7 i Tupanaãxẽ ya Üünecü i guxü̃wama i ñoma i naanewa namugüxü̃.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Wiyaegü 118:22

Rü yimá nuta ya ĩpataarü üruü̃gü nüxü̃ oecü rü yima nixĩ ya ñu̱xma nüxíra yaxǘcuchigüãcü.

Romanos 9:33

Rü ngẽmachiga nixĩ i Tupanaarü ore i ümatüxü̃ i ñaxü̃: “Choma rü Chióü̃gu chanaxǘ ya wüxi ya nuta ya Yudíugüarü guxcharuxü̃ ixĩcü. Rü ngẽma duü̃xü̃gü i nüxü̃́ yaxõgüxü̃, rü aixcüma tá namaxẽ”, ñanagürü.

Yeremía 31:34

Rü ngẽxguma rü tá marü taxuca̱xtama texé toguxexü̃ tangu̱xẽxẽ nax choxü̃ tacuáxü̃ca̱x, rü bai i tümamücü, rü bai i tümatanüxü̃. Erü ngẽxguma rü tá guxãma ya yáxe rü woo buxe rü tá choxü̃ tacua̱xgü. Rü choma rü tá tüxü̃́ nüxü̃ icharüngüma i tümaarü chixexü̃ rü marü tagutáma nüxna chacua̱xãchi i tümaarü pecadugü. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

2 Corintios 1:22

Rü nüma ya Tupana rü tagu nanaxümatü i naéga erü tórü yora nixĩ. Rü nüma rü tüxna nanamu i Naãxẽ ya Üünexü̃ nax ngẽmawa nüxü̃ icuáxü̃ca̱x nax aixcüma tá tüxna naxããxü̃ i ngẽma tamaxã inaxunetaxü̃.

Nüxíraxü̃xü̃ ga popera ga Cuáü̃ ümatüxü̃ 2:2

Rü nüma ga Ngechuchu ya Cristu nixĩ ga nügü inaxãxü̃ rü nayuxü̃ nax naxütanüãxü̃ca̱x ga tórü pecadugü. Rü tama tórü pecadugüxicatama naxütanü, natürü guxü̃ma i duü̃xü̃güarü pecadugü rü ta naxütanü.

2 Corintios 3:3

Rü ñu̱xma rü meama nango̱x nax pema rü wüxi i popera i Cristutama ümatüxü̃ pixĩgüxü̃. Rü torü puracügagu nixĩ i ngẽma. Rü tama wüxi i popera i tíntamaxã ümatüxü̃ pixĩgü, natürü ümatüxü̃ ya Tupana ya Maxü̃cüãxẽ i Üünexü̃ ümatüxü̃ pixĩgü. Rü ngẽma ümatüxü̃ rü tama nutagu ümatüxü̃ nixĩ, natürü duü̃xü̃güarü maxü̃negu nixĩ i naxümatüxü̃.

Ngechuchuarü ngúexü̃gü ga yamugüxü̃arü puracüchiga 4:11

Rü gumátama Ngechuchu nixĩ ga pema nüxü̃ pexoecü. Natürü ga Tupana rü nayamucuchi nax guxü̃arü ãẽ̱xgacü yixĩxü̃ca̱x.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Chacaría 3:4

Rü yexguma ga yema daxũcüã̱x ga duü̃xü̃ rü noxrü ngü̃xẽẽruü̃güxü̃ namu rü ñanagürü: —Ngẽma ãũãchixü̃ i Yochuéchiru ¡rü ípenacuxuchix! —ñanagürü. Rü ñu̱xũchi Yochuéxü̃ ñanagürü: —¡Dücax! rü marü cuxna chanayaxu i ngẽma curü pecadu rü ñu̱xma rü tá nga̱xãẽchirugu cuxü̃ chicu̱xẽxẽ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Ínachoxü̃xü̃chiga 28:36

¡Rü ngẽxgumarüxü̃ ta naxü i wüxi i ãtachinüxü̃ i úiruxicanaxca̱x! ¡Rü ngẽmagu ñoma wüxi i cua̱xruxü̃gu naxümatüxü̃rüxü̃ naxümatü i ore i ñaxü̃: “Tupana nüxü̃ unetacü”, ñaxü̃!

Ínachoxü̃xü̃chiga 28:21

Rü yimá nutaxacügü rü 12 tá nixĩ erü 12 nixĩ ga naégagü ga yema Iraé nanegü. Rü chanaxwa̱xe nax yima wüxichigü ya nutaxacügu ñoma wüxi i cua̱xruxü̃gu naxümatüxü̃rüxü̃ naxümatüxü̃ i wüxichigü i naéga i ngẽma 12 tücumü i Iraétanüxü̃.

Ínachoxü̃xü̃chiga 28:11

Rü ngẽma ngã̱xãẽruü̃güarü üwa puracüxü̃ tá nixĩ i yima nutaxacügügu naxümatüxü̃ i ngẽma Iraé nanegüéga ñoma wüxi i cua̱xruxü̃gu naxümatüxü̃rüxü̃. ¡Rü ñu̱xũchi yima taxre ya nutagü rü taxre i tairuü̃gü i úirunaxca̱xwa nanuxcu nax ngẽmaãcü ngẽma efóxtü̱xüatüwa nangẽxmagüxü̃ca̱x!

Wiyaegü 103:12

Rü ngẽma tórü chixexü̃gü rü marü tüxna nanayáxü̃guxẽxẽ ñoma éste rü oéste nügüna nax nanayáxü̃guxẽẽxü̃rüxü̃.

Nüxíraxü̃xü̃ ga popera ga ãẽ̱xgacügüchiga 1:20

Rü ñu̱xmax, Pa Corix, rü guxü̃ma i Iraéanecüã̱xgü nüxü̃ naxĩnüechaü̃ nax nüxü̃ quixuxü̃ca̱x nax texé tá ãẽ̱xgacüxü̃ ingucuchixü̃ i cuwena, Pa Ãẽ̱xgacüx.