Chacaría 3:4 - Tupanaarü Ore

⁴ Rü yexguma ga yema daxũcüã̱x ga duü̃xü̃ rü noxrü ngü̃xẽẽruü̃güxü̃ namu rü ñanagürü: —Ngẽma ãũãchixü̃ i Yochuéchiru ¡rü ípenacuxuchix! —ñanagürü. Rü ñu̱xũchi Yochuéxü̃ ñanagürü: —¡Dücax! rü marü cuxna chanayaxu i ngẽma curü pecadu rü ñu̱xma rü tá nga̱xãẽchirugu cuxü̃ chicu̱xẽxẽ —ñanagürü.

Chacaría 3:4 Referans Kwoze

Ore i mexü̃ ga Luca ümatüxü̃ 15:22

Natürü tüma ga nanatü rü tümaarü duü̃xü̃güxü̃ ñatarügü: “¡Paxa nua penange i naxchiru i mexẽchixü̃ rü peyacuxcuchix! ¡Rü wüxi i ãnera ta naxme̱xwa ngĩxü̃ pinga̱xcuchi! ¡Rü chapatu rü ta nua penge, rü peyacuaixcuchi!

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Ichaía 43:25

Natürü i choma nax perü Tupana chixĩxü̃ rü tá íchanapigü rü nüxü̃ ichayarüngü̃ma i guxü̃ma i perü pecadugü rü chixexü̃gü i chope̱xewa pexüxü̃.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

Chacaría 3:7

—Cori ya Tupana ya Guxãétüwa Ngẽxmacü rü ñanagürü cuxü̃: “¡Chaucümagu ixũ rü yanguxẽxẽ i guxü̃ma i ngẽma cumaxã nüxü̃ chixuxü̃! Rü ngẽxguma ngẽmaãcü cunaxü̱xgu, rü cuxme̱xgu tá chanaxǘ ya chopata ya taxü̃ne rü naa̱xtü nax nüxna cudauxü̃ca̱x. Rü tá cuxna chanaxã i cuchica i natanüwa i ñaa chorü duü̃xü̃gü i daxũcüã̱x i choxü̃́ puracüexü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Popera ga Yudíugü ga yaxõgüxü̃ca̱x ümatüxü̃ 8:12

Rü choma rü tá nüxü̃́ nüxü̃ charüngüma i norü chixexü̃gü, rü taxũtáma nagu charüxĩnüecha i norü pecadugü”, ñanagürü ga Tupana.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Chacaría 3:9

Rü chomax rü Yochuépe̱xegu chanaxǘ ya wüxi ya nuta ya 7 i nacüwa nüxü̃́ ngẽxmacü. Rü chomatátama yima nutagu chanaxümatü i ore. Rü ñu̱xũchi i choma rü wüxitatama i ngunexü̃gu nüxna chanayaxu i norü pecadu i ñaa nachixü̃ane.

Wiyaegü 51:9

¡Rü ẽcü choxü̃́ nüxü̃ irüngüma i chorü pecadugü, rü ínapi i guxü̃ma i chorü chixexü̃gü!

Colosenses 3:10

Rü ñu̱xma rü marü penayaxu i ngexwaca̱xü̃xü̃ i perü maxü̃ rü ngexwaca̱xü̃xü̃ i duü̃xü̃gü pixĩgü. Rü guxü̃ i ngunexü̃gu rü Tupana pexü̃ ningexwacaxü̃xẽẽchigü nax yexeraãcü naxrüxü̃ pimexü̃ca̱x rü yexeraãcü nüxü̃ pecuáxü̃ca̱x ya Tanatü ya Tupana ya maxü̃ tüxna ãcü.

Romanos 6:23

Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Ore i mexü̃ ga Luca ümatüxü̃ 1:19

Rü Chacaríaxü̃ nangãxü̃ ga yema daxũcüã̱x, rü ñanagürü: —Choma nixĩ i Gábi i Tupanaarü puracü chaxüxü̃. Rü nüma nixĩ i núma choxü̃ namuxü̃ nax cumaxã nüxü̃ chixuxü̃ca̱x i ñaa ore i mexü̃.

Chacaría 3:1

Rü yexguma chango̱xetügu rü nüma ga Cori ya Tupana rü choxü̃ nanawe̱x ga Yochué ga chacherdótegüarü ãẽ̱xgacü. Rü nüma ga Yochué rü Cori ya Tupanaarü duü̃xü̃ ga daxũcüã̱xpe̱xegu nachi. Rü Yochuéarü tügünecüwawa nayexma ga Chataná ga nüxü̃ ixugüchaü̃xü̃.

Ichaía 52:1

¡Peba̱i̱xãchie, Pa Chióü̃cüã̱xgüx, peba̱i̱xãchie! ¡Ipechigü rü peporae i pema i yima ĩane ya üünene ya Yerucharéü̃arü duü̃xü̃gü nax pixĩgüxü̃! ¡Rü mexü̃ i pexchirugu picu̱xgü! Erü ngẽma perü uanügü i tama choxü̃ cua̱xgüxü̃ rü tagutáma wena pexca̱x ínayaxüãchi.

Nüxíraxü̃xü̃ ga popera ga ãẽ̱xgacügüchiga 22:19

Rü nüma ga Micaía rü nanangãxü̃ rü ñanagürü: —Chanaxwa̱xe i icurüxĩnü i ñaa to i norü ore ya Tupana. Rü nüxü̃ chadau ga Tupana ya norü tochicaxü̃wa rütocü, rü guxü̃ma i daxũcüã̱x i orearü ngeruxü̃ i naxü̃tagu chigüxü̃ ga norü tügünecüwawa rü norü to̱xwecüwawa.

2 Chamué 12:13

Rü nüma ga Dabí rü Natáü̃xü̃ nangãxü̃ rü ñanagürü: —Tupanape̱xewa chixexü̃ chaxü —ñanagürü. Rü nüma ga Natáü̃ nanangãxü̃ rü ñanagürü: —Ngẽmáacüx, natürü Tupana rü cuxü̃ nangechaü̃, rü taxũtáma ngẽma chixexü̃gagu cuyu.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:11

Rü yemawena ichadawenü, rü nüxü̃ chaxĩnü ga naga ga muxũchixü̃ma ga Tupanaarü orearü ngeruü̃gü ga daxũcüã̱x. Rü norü ngãxü̃wa nayexma ga yema tochicaxü̃ rü yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü namuxũchima ga yema Tupanaarü orearü ngeruü̃gü ga daxũcüã̱x ga yéma yexmagüxü̃.

Ore i mexü̃ ga Matéu ümatüxü̃ 22:11

Rü yexguma gumá ãẽ̱xgacü yema ucapugu ücuxgu nax íyadauxü̃ca̱x ga yema duü̃xü̃gü ga nüxna naxuxü̃, rü yéma nüxü̃ nadau ga wüxi ga yatü ga tama petachirugu icúxü̃.

Echequié 42:14

Rü ngẽxguma Tupanapata ya taxü̃negu nachocugu i ngẽma chacherdótegü rü tama name nax ĩã̱xtü i düxétüwa ngẽxmaxü̃wa naxĩxü̃ naxü̃pa nax ínacuxü̃xü̃ rü ngẽxma nanuãxü̃ i ngẽma naxchiru i Cori ya Tupanaarü puracü namaxã naxügüxü̃, erü ngẽma naxchiru rü nixüüne. Rü ngẽxguma ínachoxü̃gu rü duü̃xü̃gü íngẽxmaxü̃wa naxĩxgu rü name i to i naxchirugu nicu̱xgü —ñanagürü ga gumá yatü.

Miquéa 7:19

¡Ẽcü wena cuxü̃́ tangechaü̃tümüü̃gü rü toxü̃́ iyanaxoxẽxẽ i ngẽma torü chixexü̃gü! ¡Ẽcü mártamawa yatáe i ngẽma torü pecadugü!

Ichaía 44:22

Rü choma nixĩ i pexü̃́ ichayanaxoxẽẽxü̃ i perü guxchaxü̃gü rü perü chixexü̃gü ñoma caixanexü̃ iyarüxoxgurüxü̃. ¡Rü ẽcü cha̱u̱xca̱x pewoegu! Erü choma nixĩ i pexü̃ íchanguxü̃xẽẽxü̃ nawa i perü chixexü̃” —ñanagürü.

Yeremía 52:33

Rü yemaacü ga Yoaquíü̃ rü ínacuxuchi ga yema naxchiru ga poxcupataxü̃wa nagu yacúxü̃. Rü nüma rü Babiróniaanearü ãẽ̱xgacüarü mechawa nachibü ga yexguma namaxü̃gu.