Chacaría 3:1 - Tupanaarü Ore

¹ Rü yexguma chango̱xetügu rü nüma ga Cori ya Tupana rü choxü̃ nanawe̱x ga Yochué ga chacherdótegüarü ãẽ̱xgacü. Rü nüma ga Yochué rü Cori ya Tupanaarü duü̃xü̃ ga daxũcüã̱xpe̱xegu nachi. Rü Yochuéarü tügünecüwawa nayexma ga Chataná ga nüxü̃ ixugüchaü̃xü̃.

Chacaría 3:1 Referans Kwoze

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Wiyaegü 109:6

Pa Tupanax ¡ñu̱xma rü ngẽma chixexü̃ üxü̃ca̱x nüxü̃ naxuneta i wüxi i ãẽ̱xgacü i chixecüma nax ngẽma nüxna ca̱xaxü̃ca̱x i norü chixexü̃chiga! ¡Rü ngẽxgumarüxü̃ ta nüxü̃ naxuneta i wüxi i norü uaxü̃ruxü̃ i naxca̱x íca̱xaxü̃ nax napoxcuxü̃ca̱x!

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:1

Rü nüma ga Chataná rü Iraéanecüã̱xgümaxã nanu, rü yemaca̱x Dabíãẽwa ínananguxẽxẽ nax Iraéanecüã̱xgüxü̃ yaxugüxü̃ca̱x.

Chacaría 6:11

¡Rü naxü̃tawa naxca̱x ínaca i ngẽma úiru rü diẽrumü i Babiróniawa ne nangegüxü̃! Rü ngẽma úiruwa rü diẽrumüwa tá cunaxü i wüxi i nga̱xcueruxü̃, rü ngẽmamaxã tá cunanga̱xcueru ya yima chacherdotegüarü ãẽ̱xgacü ya Yochué ya Yochadáx nane.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Aguéu 2:4

¡Natürü nataãxẽ, Pa Chorobabé! ¡Rü nataãxẽ, Pa Yochué ya Chacherdótegüarü Ãẽ̱xgacüx! ¡Rü petaãẽgü Pa Guxü̃ma i Duü̃xü̃güx! ¡Rü pora pexüe rü pepuracüe! Erü choma ya perü Cori ya Tupana rü pexü̃tawa changexma.

Aguéu 1:12

Rü nüma ga Chorobabé rü Yochué rü guxü̃ma ga togü ga duü̃xü̃gü rü aixcüma Tupanaga naxĩnüe yerü namuü̃e ga yexguma nüxü̃ naxĩnüegu ga yema ore ga Cori ya Tupana Aguéuwa nüxü̃ ixuxü̃.

Norü taxre ga to ga popera ga ãẽ̱xgacügüchiga ümatüxü̃ 29:11

Rü ngẽmaca̱x, Pa Chaunegüx, ¡rü taxṹ i nüxü̃ perüchauexü̃! Erü nüma ya Cori ya Tupana rü pexü̃ nidexechi nax ípememaregüxü̃ nax nüxü̃́ pepuracüexü̃ rü wenaxarü naxca̱x peyaguxü̃ i pumarate̱xe —ñanagürü ga Echequía.

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

Chacaría 2:3

Rü yexguma choxna yaxũgachigu ga yema orearü ngeruxü̃ i daxũcüã̱x ga chomaxã idexaxü̃ rü naxca̱x nixũ ga wüxi ga to ga orearü ngeruxü̃ i daxũcüã̱x.

Chacaría 1:19

Rü nüxna chaca ga yema Tupanaarü duü̃xü̃ ga daxũcüã̱x ga chomaxã idexaxü̃ rü ñacharügü: —¿Ñaa naxchata̱xcuregü rü ta̱xacüchiga nixĩ? —ñacharügü. Rü yexguma nüma ga yema Tupanaarü duü̃xü̃ ga daxũcüã̱x rü choxü̃ nangãxü̃ rü ñanagürü: —Ñaa naxchata̱xcuregü rü nachiga nixĩ i ngẽma togü i nachixü̃anecüã̱xgü i norü poramaxã guxü̃ i naanegu Yudáanecüã̱xgüxü̃ rü Iraéanecüã̱xgüxü̃ rü Yerucharéü̃cüã̱xgüxü̃ woonexü̃ —ñanagürü.

Chacaría 1:13

Rü nüma ga Cori ya Tupana rü nüxü̃ nangechaxü̃ãcüma mea yema daxũcüã̱x ga duü̃xü̃ ga chomaxã idexaxü̃xü̃ nangãxü̃.

Chacaría 1:9

Rü choma rü yema daxũcüã̱x ga cowaruétügu aunagüxü̃na chaca rü ñachagürü: —Pa Corix ¿rü ta̱xacügü nixĩ i ngẽma togü i cowaruétügu augüxü̃? —ñachagürü. Rü nüma ga yema daxũcüã̱x ga chomaxã idexaxü̃, rü choxü̃ nangãxü̃ rü ñanagürü: —Choma rü tá cumaxã nüxü̃ chixu nax ta̱xacügü yixĩgüxü̃ —ñanagürü.

Echequié 44:15

“Rü yema chacherdótegü ga Lebítanüxü̃ ga Chadóxtaagü ixĩgüxü̃, rü yemagü nixĩ ga naxügüamaxü̃ ga chopataarü puracü ga yexguma yema Iraétanüxü̃ choxna ixĩgachitanügu. Rü ñu̱xma rü ngẽma Chadóxtaagü tá nixĩ i choxna ngaixcamagüxü̃ nax chorü puracü naxügüxü̃ca̱x. Rü nümagü tá nixĩ i choxna naxãgüãxü̃ i ngẽma naxü̃nagü i cha̱u̱xca̱x nada̱i̱xü̃arü chíxü̃ rü yimá nagü. Rü choma ya Cori ya Tupana ya Guxãétüwa Ngẽxmacü rü ngẽmaãcü chanaxuegu.

Echequié 44:11

Rü ngẽma Lebítanüxü̃ tá nixĩ i chopatawa puracüexü̃, rü chopataarü ĩã̱xarü dauruü̃gü yaxĩgüxü̃, rü naxügüãxü̃ i ngẽma to i puracü i chopatawa ngẽxmaxü̃. Rü nümagü tá nixĩ i nadaiaxü̃ i ngẽma naxü̃nagü i Tupanaca̱x íguxü̃ rü ngẽma naxü̃nagü i duü̃xü̃gü Tupanana ãmaregüxü̃. Rü nümagü tá ínamemaregü nax duü̃xü̃güxü̃ nangü̃xẽẽgüxü̃.

Yeremía 15:19

Rü nüma ga Cori ya Tupana rü Yeremíaxü̃ nangãxü̃ rü ñanagürü: —Ngẽxguma cha̱u̱xca̱x cutaegu̱xgu, rü wena tá cuxü̃ chayaxu rü choxü̃́ tá cupuracü. Rü ngẽxguma chi nüxü̃ curüxoxgu nax natüca̱xmamare quidexamarexü̃, rü chi nüxü̃ quixuxgu i ore i aixcüma mexü̃, rü cuma tá nixĩ i aixcüma chorü orearü uruxü̃ quixĩxü̃. Rü name i nüma i duü̃xü̃gü cuxca̱x nawoegu, natürü tama name nax cuma naxca̱x cutaeguxü̃.

Wiyaegü 106:23

Rü nüma ga Tupana rü nüxü̃ nixu rü tá nanadai ga yema duü̃xü̃gü. Natürü ga nüma ga Moiché rü naétüwa nachogüama rü yemaca̱x narüngüxmü ga Tupana rü tama nanadai.

Édra 5:2

Rü yexguma ga Chorobabé ga Charatié nane rü Yochué ga Yochadáx nane rü wenaxarü inanaxügüe nax nawa napuracüexü̃ ga Tupanapata ga taxü̃nearü mexẽxẽ ga Yerucharéü̃wa. Rü nüma ga Tupanaarü orearü uruü̃gü rü ta nüxü̃ narüngü̃xẽẽgü.

1 Chamué 6:20

Rü yemaca̱x ga nüma ga Bex-chemécüã̱xgü rü ñanagürügü: —¿Texé tame nax Cori ya Tupana ya üünecüpe̱xewa tangexmaxü̃? ¿Rü ngextá tá ínamuxü̃ i ngẽma baú i ñu̱xmax? —ñanagürügü.

Wenaxarü naxümatü ga Tupanaarü mugü 18:15

Rü nüma ya Cori ya perü Tupana rü tá petanüwa nanango̱xẽxẽ ya wüxi ya chauxrüxü̃ orearü uruxü̃. Rü pema rü name nixĩ i naga pexĩnüe.

Wenaxarü naxümatü ga Tupanaarü mugü 10:8

Rü yéma nixĩ ga Cori ya Tupana ga Lebítanüxü̃xü̃ naxunetaxü̃ nax yangegüãxü̃ca̱x ga yema baú ga Cori ya Tupanaarü mugüchixü̃, rü ñu̱xũchi namaxã inacua̱xgüxü̃ca̱x. Rü yexgumarüxü̃ ta nüxü̃ naxuneta nax nape̱xewa nayexmagüxü̃ca̱x rü nüxü̃́ napuracüexü̃ca̱x rü naégagu duü̃xü̃gümaxã mexü̃ naxuegugüxü̃ca̱x. Rü ñu̱xma rü ta rü ngẽmaãcü nanaxügü.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Édra 10:18

Rü yema chacherdótegü ga to ga nachixü̃anecüã̱x ga ngexü̃gümaxã ixãxma̱xgüxü̃ rü ñagü nixĩgü: Yochadáx nane ga Yochuétaagü rü naenexẽgü ga Maachía rü Eriéche rü Yaríx rü Guedaría.

Chacaría 4:14

Rü nüma ga yema daxũcüã̱x rü choxü̃ nangãxü̃ rü ñanagürü: —Ngẽma taxre ya oribune rü nachiga nixĩ i ngẽma taxre i duü̃xü̃gü i marü chíxü̃maxã íbaeruxü̃ nax nümagü rü nüxü̃́ napuracüexü̃ca̱x ya Tupana ya ñoma i naanearü yora ixĩcü —ñanagürü.