Chacaría 2:8 - Tupanaarü Ore

^8-9 Rü Tupana ya Guxãétüwa Ngẽxmacü nixĩ ya nua choxü̃ mucü nax nüxü̃ chixuxü̃ca̱x i norü ore nachiga i ngẽma nachixü̃anegü ga pexü̃ ígagüxü̃ perü yemaxü̃gümaxã. Rü Tupana rü ñanagürü: —Yíxema texé chorü duü̃xü̃güxü̃ dauxe, rü ñoma chauxetügu tarüxuxü̃rüxü̃ tixĩ. Rü ngẽmaca̱x i choma rü tá chanapoxcue i guxü̃ma i ngẽma nachixü̃anegü. Rü choma rü tá ngẽma norü mugüruü̃xü̃ chamu nax naxca̱x nangĩ̱xgüxü̃ca̱x i ngẽma nachixü̃anegüarü ngẽmaxü̃gü —ñanagürü ya Tupana. Rü ngẽmaãcü ya Tupana ya Guxãétüwa Ngẽxmacü rü tá inanawe̱x i norü pora. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Chacaría 2:8 Referans Kwoze

Wiyaegü 17:8

¡Rü choxna nadau ñoma cugüpü̱xüxetüna cudauxü̃rüxü̃! ¡Rü choxü̃ ídüxü namaxã ya cuxpe̱xatügü!

Wenaxarü naxümatü ga Tupanaarü mugü 32:10

Rü nüma ga Cori ya Tupana rü nüxü̃ nayangau ga yema norü duü̃xü̃gü nagu ga yema paanexü̃ ga chianexü̃ ga tacü ga buanecü nagu üxü̃. Rü nüxna nayapa̱xãchi nachacüümaxã rü ñu̱xũchi nayaxucu̱xẽgü. Rü nüxna nadau ñoma nügüxétüna nadauxü̃rüxü̃.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

2 Tesalonicenses 1:6

Rü name nax Tupana ngúxü̃ nüxü̃ yangexẽẽgüxü̃ i ngẽma duü̃xü̃gü i ngúxü̃ pexü̃ ingegüxẽẽxü̃.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Nüxíraxü̃xü̃ ga popera ga Cuáü̃ ümatüxü̃ 4:14

Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.

Ore i mexü̃ ga Cuáü̃ ümatüxü̃ 17:18

Rü yexgumarüxü̃ ga ñoma ga naanecüã̱x ga duü̃xü̃gütanüwa choxü̃ nax cumuxü̃, rü ngẽxgumarüxü̃ ta i choma rü ñoma i naanecüã̱x i duü̃xü̃gütanüwa chanamugü i ngẽma choxna cumugüxü̃.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Chofonía 2:8

Rü nüma ya Cori ya Iraétanüxü̃arü Tupana ya Guxãétüwa Ngẽxmacü rü ñanagürü: —Marü nüxü̃ chaxĩnü nax ñuxãcü ngẽma Moátanüxü̃ rü Amóü̃tanüxü̃ chorü duü̃xü̃güchiga chixri yadexagüxü̃. Erü nümagü rü chorü duü̃xü̃gümaxã naguxchigagü rü tümaarü naanegu nachocu. Rü ngẽmaca̱x i choma rü chauégagutama nüxü̃ chixu rü tá chayanaxoxẽxẽ i ngẽma Moátanüxü̃ rü Amóü̃tanüxü̃ guma ĩanegü ga Chodómarüxü̃ rü Gomórarüxü̃. Rü ngẽma norü naane rü tá chuxchuxü̃necü chayanguxuchixẽxẽ. Rü tá nayucüraane rü taxuxü̃táma i ta̱xacürü nanetü nawa narüxü, rü guxü̃gutáma nachipetüanemare. Rü ngẽma chorü duü̃xü̃gü i to i nachixü̃anewa gagüxü̃wa íyaxügüxü̃ rü tá nügüxü̃́ nanayauxgü i ngẽma Moátanüxü̃arü naane rü ngẽma Amóü̃tanüxü̃arü naane —ñanagürü.

Abacú 2:8

Dücax, Pa Cadéuanecüã̱xgü, pema rü muxü̃ma ga nachixü̃anegümaxã poraãcü chixexü̃ pexü, rü penadeãcu ga norü ĩanegü. Natürü i ñu̱xmax rü ngẽma nachixü̃anegü rü tá pexca̱x nügü nanutaque̱xe rü tá nüxí perü ĩanegü nadeãcugü yema pema penadeãcuxü̃rüxü̃. Rü ngẽmaãcü tá nüxü̃́ peyangutanüxẽxẽ ga yema máeta ga norü ĩanegüwa pexüxü̃.

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.

Miquéa 5:6

Rü nümagü tá nixĩ i norü taramaxã Nimróxchixü̃ane i Achíriaanemaxã inacua̱xgüxü̃. Rü tá tüxü̃ ínanguxü̃xẽxẽ naxme̱xwa i ngẽma Achíriaanecüã̱xgü i tórü naanearü üyexü̃ chopetüxü̃ nax tüxna napugüãxü̃ca̱x i tórü naane.

Miquéa 4:11

Ñu̱xma rü marü muxü̃ i nachixü̃anecüã̱xgü cuxca̱x nügü nanutaque̱xegü rü ñanagürügü: —Rü tá tataãxẽgü i ngẽxguma nüxü̃ idaugügu nax guxchaxü̃gu nanguxü̃ i Yerucharéü̃ —ñanagürügü.

Amúx 1:13

Rü ñanagürü ya Cori ya Tupana: —Ngẽma Amóü̃cüã̱x rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema norü ĩnügü nixĩ nax nüxü̃ natanetagüchaü̃ ga yema norü naanegü. Rü yemaca̱x tüxü̃ narüwítepütüwegü ga guxema ngexegü ga itacharaü̃güxẽ ga Garaáxcüã̱xgü.

Amúx 1:11

Rü Cori ya Tupana rü ñanagürü ta: —Yema Edóü̃cüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema natanüxü̃ ga Iraétanüxü̃we nangegü taramaxã rü tama nüxü̃́ nangechaxü̃tümüxü̃güãcüma nanadaiama. Yerü poraãcü namaxã nanue rü tama namaxã narüngüxmügü.

Amúx 1:9

Rü nüma ya Cori ya Tupana rü ñanagürü ta: —Ngẽma Tírucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga yema Tírucüã̱xgü rü woo nügümaxã nanaxuegu nax nügü tá nangü̃xẽẽgüxü̃, natürü nüma i Tírucüã̱xgü rü Edóü̃cüã̱xgüxü̃ tümamaxã nataxegüama ga ñuxre ga ĩaneãcugü ga guxema tümamaxã inaxügagüchiréxe

Echequié 35:5

Rü cuma rü guxü̃guma Iraétanüxü̃arü uanü quixĩ. Rü yexguma norü pecadugügagu chanapoxcueyane, rü cuma rü cuyoxnie nax naxca̱x ícuyagoõchixü̃.

Echequié 25:15

Rü choma ya Cori ya Tupana rü ñacharügü: —Ngẽma Firitéugü rü mucüma ga taunecü chorü duü̃xü̃gü ya Yudátanüxü̃maxã narüxuanügü. Rü poraãcü chixeacü yema Yudátanüxü̃xü̃ nadai nax yanaxoxẽẽgüãxü̃ca̱x.

Echequié 25:12

Rü choma ya Iraétanüxü̃arü Cori ya Tupana rü ñacharügü: —Ngẽma Edóü̃tanüxü̃ rü tama nüxü̃́ taxãũxãchitümüü̃güãcü tüxü̃ nadai ga Yudátanüxü̃. Rü ngẽmaãcü yexeraãcü chixexü̃ naxügü.

Norü taxre ga popera ga ãẽ̱xgacügüchiga 24:2

Natürü nüma ga Cori ya Tupana rü Yoaquíü̃ca̱x yéma nanamugü ga muxü̃ma ga ngĩ́ta̱xagüxü̃ ga Cadéugü, rü Chíriaanecüã̱xgü, rü Moáanecüã̱xgü, rü Amóü̃anecüã̱xgü nax nachixexẽẽgüãxü̃ca̱x ga norü naane, yema Cori ya Tupana norü duü̃xü̃gü ga orearü uruü̃güa̱xwa nüxü̃ yaxuxü̃rüxü̃.

Naanearü ügüchiga 20:6

Rü nüma ga Tupana rü nanangãxü̃ ga nanegüwa rü ñanagürü nüxü̃: —Choma nüxü̃ chacua̱x nax mea nagu curüxĩnüãcüma cunaxüxü̃ i ngẽma. Rü ngẽmaca̱x tama cuxü̃́ ngĩxü̃ changúxchaü̃xẽxẽ nax ngĩmaxã cumaxü̃ nax tama chope̱xewa pecadu cuxüxü̃ca̱x.

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ore i mexü̃ ga Matéu ümatüxü̃ 25:45

Rü nüma i Ãẽ̱xgacü rü tá nanangãxü̃, rü ñanarügü tá nüxü̃: “Aixcüma pemaxã nüxü̃ chixu rü yexguma tama nüxü̃ perüngü̃xẽxẽgügu ga wüxi ga duü̃xü̃ ga yexeraãcü ngearü ngẽmaxü̃áxü̃, rü choxü̃ nixĩ ga tama perüngü̃xẽẽxü̃”, ñanarügü tá nüxü̃.

Ngechuchuarü ngúexü̃gü ga yamugüxü̃arü puracüchiga 9:4

Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Abacú 2:17

Rü yema chixexü̃ ga Líbanuarü máxpü̱xanexü̃wa pexüxü̃ rü tá pegutátama nangu. Rü ngẽxgumarüxü̃ ta pegutátama nangu i ngẽma nax penadaixü̃ ga yema naeü̃gü ga yéma yexmagüxü̃. Rü ngẽma guxchaxü̃gü rü tá pegu nangu nagagu nax nagu pepogüexü̃ ga yema nachixü̃anearü ĩanegü rü penadaixü̃ ga norü duü̃xü̃gü.

Ucu̱xẽgüchiga 7:2

¡Rü naga naxĩnü i ngẽma chorü mugü rü chorü ngu̱xẽẽtaegü, rü nüxna nadau ñoma cugüxetüna cudauxü̃rüxü̃! Ngẽxguma naga cuxĩnügu rü tá cumaxü̃.

Yeremía 12:14

Rü Cori ya Tupana rü ñanagürü: —Rü ngẽma togü i nachixü̃anecüã̱xgü i chixecümaxü̃ i Iraéanena ngaicamagüxü̃ rü marü nanachixexẽxẽ i ngẽma naane i Iraétanüxü̃na chaxãxü̃ nax guxü̃guma norü yixĩxü̃ca̱x. Rü choma rü norü naanewa tá íchanawoxü̃ i ngẽma togü i nachixü̃anegüarü duü̃xü̃gü i chixecümaxü̃. Rü ngẽma nachixü̃ane i nawa Yudáanecüã̱xgüxü̃ nagagüxü̃, rü choma rü tá ngẽma nachixü̃anewa íchanagaxü̃ i ngẽma Yudáanecüã̱xgü nax norü naaneca̱x nawoeguxü̃ca̱x.

Yeremía 27:7

Rü guxü̃ma i nachixü̃anegü rü naxme̱xwa tá nangẽxma, rü nanegüme̱xẽwa rü nataagüme̱xẽwa tá nangẽxmagü ñu̱xmatáta nawa nangu i ngẽma ngunexü̃ i nüma i Babiróniacüã̱x rü tá ta to i taxü̃ i nachixü̃anegüarü ãẽ̱xgacügü i nüxü̃ rüporamaexü̃me̱xẽwa nangẽxmagü.

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.

Echequié 38:14

Rü ngẽmaca̱x, Pa Yatü, chauégagu Góxmaxã nüxü̃ ixu rü ñacurügü: “Cori ya Tupana rü ñanagürü: ‘Pa Góx, ngẽxguma chorü duü̃xü̃gü i Iraétanüxü̃ taãẽãcü tá imaxẽgu rü cuma rü tá icuxũãchi nax naxca̱x ícuyagoõchixü̃ca̱x.

Ichaía 49:19

Rü pemax, Pa Yerucharéü̃cüã̱x, rü woo guxchawa peyexmagü ga noxri, natürü i ñu̱xma rü marü pexna ínixĩ i ngẽma perü uanügü i perü ĩane ya Yerucharéü̃xü̃ chixexẽẽgüxü̃. Rü ñu̱xma rü tá namuxũchi i duü̃xü̃gü i nawa maxẽxü̃ ya yima perü ĩane rü tá nayangechica i ngẽma duü̃xü̃gü i perü naanewa maxẽxü̃.

Echequié 36:11

Pa Ma̱xpǘnegüx, choma rü tá pewa chayamuxẽxẽ i duü̃xü̃gü rü naxü̃nagü. Rü tá poraãcü nügü nimuxẽxẽ. Rü ngẽmaãcü noxrirüxü̃ tá namuxũchi i duü̃xü̃gü i Iraéanewa, rü ü̃paarü yexera tá mexü̃wa nangẽxmagü. Rü ngẽxguma ngẽma chaxüxgu rü tá nüxü̃ nicua̱xãchitanü nax choma yixĩxü̃ i Cori ya Tupana.

Echequié 38:11

Rü cuma rü tá ñacurügü: ‘Naxca̱x tá íchayagoõchi i wüxi i nachixü̃ane i turaxü̃ i tama nüxü̃ cuáxü̃ nax nügü ínapoxü̃xü̃ rü ngẽma norü duü̃xü̃gü rü taãẽãcü imaxẽxü̃ rü nagu rüxĩnüexü̃ nax taxuxü̃táma i ta̱xacü nüxü̃́ ngupetüxü̃. Rü guxü̃nema ya yima norü ĩanegü rü nataxuma i norü poxeguxü̃gü rü nataxuma i norü ĩã̱xgü rü nataxuma i norü wãxtaruü̃gü.

Chacaría 8:5

Rü ngẽxgumarüxü̃ ta i buxü̃gü i yatüxü̃gü rü ngexü̃gü, rü tá nanapaxẽxẽ i Yerucharéü̃arü plazagü rü ngéma tá naxĩnüca̱xwa̱xegü.