Chacaría 2:6 - Tupanaarü Ore

^6-7 Rü nüma ya Tupana rü ñanagürü: —Choma nixĩ ga guxü̃ma ga togü ga nachixü̃anegügu pexü̃ chawoonexü̃. Natürü i ñu̱xmax rü pexü̃ chamu nax nawa ípechoxü̃xü̃ ya yima ĩane ya Babirónia rü Chióü̃ca̱x piwoeguxü̃. ¡Rü pibuxmü i naxme̱xwa i ngẽma nachixü̃ane i nórtewa ngẽxmaxü̃! Rü choma ya Iraéanearü Tupana nixĩ i pexü̃ chamuxü̃ —ñanagürü.

Chacaría 2:6 Referans Kwoze

Echequié 17:21

Rü ngẽma rüporamaegüxü̃ i norü churaragü rü daigu tá nayue. Rü ngẽma maxẽxü̃ i íyaxügüxü̃ rü guxü̃ i ñoma i naanegu tá chanawoone. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma ya Cori ya Tupana chixĩxü̃ i pemaxã nüxü̃ chixuxü̃ i ngẽma”.

Ichaía 48:20

¡Ípechoxü̃ i Babiróniaanewa rü pibuxmü i ngẽma nachixü̃anewa! ¡Rü taãẽmaxã nüxü̃ pixu nax marü ípenguxü̃xü̃! ¡Rü guxü̃wama i ñoma i naanewa nüxü̃ pixu rü ñapegü: “Tupana rü norü duü̃xü̃gü i Acóbutanüxü̃xü̃ ínanguxü̃xẽxẽ”, ñapegü! —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:4

Rü ñu̱xũchi nüxü̃ chaxĩnü ga to ga naga ga daxũguxü̃ ga naanewa inaxũxü̃ ga ñaxü̃: “¡Guxãma i pema ya chorü duü̃xü̃gü ixĩgüxe, rü ípechoxü̃ nawa ya yima ĩane nax tama yima ĩanecüã̱xrüxü̃ chixexü̃gu pemaxẽxü̃ca̱x rü tama naxrüxü̃ pipoxcuexü̃ca̱x namaxã i ngẽma poxcu i tá yima ĩanewa nguxü̃!

Echequié 11:16

Natürü i cumax, Pa Echequiéx, rü tá ngẽma Iraétanüxü̃ i to i nachixü̃anegüwa gagüxü̃maxã nüxü̃ quixu i chorü ore i ñaxü̃: “Woo ngẽma to i nachixü̃anegügu pexü̃ chawoone, natürü taxũtáma guxü̃guca̱x nixĩ. Erü ngẽma nachixü̃anegü i nagu pewoonexü̃wa rü chomatátama nixĩ i pemaxã changexmaxü̃” —ñachagürü.

Wenaxarü naxümatü ga Tupanaarü mugü 28:64

Rü nüma ya Cori ya Tupana rü togü i nachixü̃anegü i yáxü̃wa ngẽxmagüxü̃gu tá nanawoone. Rü ngẽma nachixü̃anegüwa rü tá nüxü̃ nicua̱xü̃gü i tupananetagü i nainaxca̱x rü nutanaxca̱x ga woo cuma rü woo curü o̱xigü taguma nüxü̃ cua̱xgüxü̃.

Naanearü ügüchiga 19:17

Rü yexguma marü guma ĩanearü yáxü̃wa nayexmagügu, rü wüxi ga yema daxũcüã̱x i orearü ngeruxü̃ rü ñanagürü: —¡Iña nax tama peyuexü̃ca̱x! ¡Rü taxũtáma cugü íquidau rü taxuca̱xtama icuyachiãchi i nua! ¡Rü yea ma̱xpǘneanewa naña ega tama cuyuxchaü̃gu! —ñanagürü.

Amúx 9:9

Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.

Echequié 5:12

Rü wüxi i norü tomaepü̱xtücumü i curü duü̃xü̃gü rü da̱xaweanemaxã rü taiyamaxã tá cugu nayue, Pa Yerucharéü̃x. Rü ngẽma to i tomaepü̱xtücumü rü cucüwagu tá norü uanügü nanadai. Rü ngẽma to i tomaepü̱xtücumü i íyaxügüxü̃ rü guxü̃ i naanegu tá chanawoone. Rü choma rü tá ngẽma duü̃xü̃güweama chixũchigü namaxã i wüxi i tara i cho̱xme̱xgu tá chingexü̃.

Yeremía 51:50

Rü Cori ya Tupana rü ñanagürü: —Pema ga naxcha̱xwa pibuxmüxü̃ ga yexguma yema togüxü̃ nadaixgu ¡rü paxa pibuxmü! Rü woo yáxü̃wa pengẽxmagügu ¡rü nagu perüxĩnüe ya Cori ya Tupana! ¡Rü nüxna pecua̱xãchie ya perü ĩane ya Yerucharéü̃!

Yeremía 51:45

Pa Chorü Duü̃xü̃gü i Iraétanüxü̃x, ¡paxa ípechoxü̃ nawa ya yima ĩane nax tama peyuexü̃ca̱x i ngẽxguma chorü numaxã chanapoxcugü!

Yeremía 51:6

¡Rü ñu̱xma nax pexü̃́ natauxchaxü̃ rü paxa nawa ípechoxü̃ ya Babirónia! Rü tama name nax Babiróniaanearü pecadugügagu peyuexü̃. Rü ñaa nixĩ i ora i nagu tá pexü̃ chaxütanüxü̃. Rü yema nax poraãcü chixri pemaxã inacuáxü̃ ga Babiróniacüã̱x rü ngẽmaãcü tá ta chanapoxcue.

Yeremía 50:8

¡Nüxna pexĩgü i Babiróniaane! ¡Nüxna pexĩgü i ngẽma Cadéugüchixü̃ane! ¡Rü paxãma ipexĩ ñoma chíbugü i iyatüxü̃gü carnérugüpe̱xegu ĩxü̃rüxü̃!

Yeremía 31:10

Pa Duü̃xü̃gü i To i Nachixü̃anecüã̱xgüx, ¡Iperüxĩnüe i norü ore ya Cori ya Tupana, rü penaxunagü nawa i ngẽma pechixü̃anegü i yáxü̃wa ngẽxmagüxü̃ i márpechinüwa! ¡Rü ñapegürügü: “Cori ya Tupana rü noxri rü Iraétanüxü̃maxã nanawoone, natürü i ñu̱xma rü wena nananutaque̱xe. Rü nüma tá nüxna nadau ñoma wüxi i carnéruarü dauruxü̃ norü carnéruna dauxü̃rüxü̃”, ñapegürügü!

Yeremía 31:8

Rü tá pexü̃ chawoeguxẽxẽ nüxna i ngẽma nachixü̃ane i nórtewa ngẽxmaxü̃ rü nüxna i ngẽma togü i nachixü̃anegü i guxü̃ i naanewa ngẽxmagüxü̃. Rü ngẽma woeguxü̃tanügu tá naxãgü i ngẽma ngexetüxü̃, rü ngẽma ichixeparaxü̃, rü ngẽma ngexü̃gü i tapütüwegüxü̃, rü ngẽma ngexü̃gü i marü ixíraxacügüxü̃. Rü ngẽmaãcü tá muxü̃tama i duü̃xü̃gü nawoegu naxca̱x i norü naane.

Yeremía 15:4

Rü guxü̃táma i nachixü̃anegüarü duü̃xü̃gü rü tá naxca̱x namuü̃e i ngẽma poxcu i Yudáanecüã̱xmaxã chaxueguxü̃ nagagu ga yema chixexü̃ ga Yudáanearü ãẽ̱xgacü ga Manaché ga Echequía nane üxü̃ ga Yerucharéü̃wa.

Yeremía 3:18

Rü ngẽxguma tá nawa nanguxgu i ngẽma ngunexü̃, rü Yudáanecüã̱xgü rü Iraéanecüã̱xgü rü nügümaxã wüxiwa tá nangẽxmagügu. Rü wüxigu tá nüxna nawoegu i ngẽma nachixü̃ane i nórtewa ngẽxmaxü̃. Rü ngẽma naane ga nũxcümaü̃güxü̃ ga perü o̱xigüna chaxãxü̃wa tá naxĩ.

Yeremía 1:14

Rü yexguma ga nüma ga Cori ya Tupana rü chomaxã nüxü̃ nixu rü ñanagürü: —Ngẽma taxü̃ i guxchaxü̃ i nórtewaama ixügüxü̃ rü tá nüxna nangu i guxü̃táma i duü̃xü̃gü i nua Yudáanewa maxẽxü̃.

Ichaía 55:1

Cori ya Tupana rü ñanagürü: —¡Guxãma ya texé ya ita̱xawaexe rü nua taxĩ rü tayaxaxegü! ¡Rü yíxema ngearü diẽruã̱xgüxe rü nua taxĩ rü trigu rü bínu rü lechica̱x tadaugü rü ngetanüãcü tanangõ̱xgü rü taxaxegü!

Rux 4:1

Rü nüma ga Boó rü guma ĩanearü ücuchicawa nayarüto yerü yéma nixĩ ga guxü̃ma ga duü̃xü̃gü nachopetüxü̃ rü namexẽẽãxü̃ ga norü guxchaxü̃gü. Rü yexguma yéma natoyane rü yéma naxüpetü ga gumá natanücü ga Boó Ruxmaxã nüxü̃ yaxucü. Rü nüma ga Boó rü naxca̱x naca rü ñanagürü nüxü̃: —Dücax, ¡nua chauxü̃tawa naxũ rü írüto, rü paxaãchi tá tidexagü! —ñanagürü. Rü nüma ga yema natanücü rü yéma naxũ, rü naxü̃tawa nayarüto.

Ore i mexü̃ ga Matéu ümatüxü̃ 24:31

Rü nüma rü tá nanamu i norü orearü ngeruü̃gü i daxũcüã̱x nax yacuegüãxü̃ca̱x ya norü cornétagü nax ngẽmaãcü naxĩtaque̱xexẽẽãxü̃ca̱x i guxü̃ma i ngẽma duü̃xü̃gü i nadexü̃ i guxü̃wama ngẽxmagüxü̃ ñu̱xmata naane iyacuáxü̃wa ngẽxmagüxü̃.

Ore i mexü̃ ga Márcu ümatüxü̃ 13:27

Rü tá nanamu i norü orearü ngeruü̃gü i daxũcüã̱x nax tüxü̃ nanutaque̱xexü̃ca̱x ya yíxema Tupana tüxü̃ idexechixe ya guxü̃wama ngẽxmagüxe ñu̱xmatáta ñoma i naane íyacuáxü̃wa nangu rü daxũguxü̃ íyacuáxü̃wa nangu.

Wiyaegü 44:2

Rü cumatama nixĩ ga ñaa naanewa ícuwoxü̃xü̃ ga yema duü̃xü̃gü ga tama cuxü̃́ yaxõgüxü̃. Rü cunadai ga yema duü̃xü̃gü nax nachicüxü ñaa naanegu cuxãchiü̃güxẽẽxü̃ca̱x ga torü o̱xigü.

Echequié 5:10

Curü duü̃xü̃gütanüwa, Pa Yerucharéü̃x, rü tá nangẽxma i duü̃xü̃gü i nanegüxü̃ tátama ngõ̱xgüxü̃, rü nanegü i nanatügüxü̃ tátama ngõ̱xgüxü̃. Rü cuxü̃ tá chapoxcu, Pa Yerucharéü̃x, rü ngẽma duü̃xü̃gü i maxẽxü̃ i íyaxügüxü̃ rü guxü̃ i naanegu tá chanawoone.

Danié 11:4

Natürü ngẽxguma yanguxgu nax naxme̱xwa nangẽxmagüxü̃ i ngẽma nachixü̃anegü, rü ãgümücügu tá niyauxye i ngẽma norü naane. Rü ngẽma ãẽ̱xgacüarü pora rü taxũtáma nanegüwa nangu. Rü ngẽma norü nachixü̃ane rü taxũtáma noxrirüxü̃ napora, erü marü ãgümücügu tá niyauxye rü togü tá nachicüxü namaxã inacua̱xgü.

Yeremía 31:38

Rü nüma ya Cori ya Tupana rü ñanagürü: —Tá ínangu i wüxi i ngunexü̃ i nagu tá wena namexẽxẽxü̃ ya chorü ĩane ya Yerucharéü̃. Rü Ananéarü Dauxü̃taechicawa tá inaxügü rü ñu̱xmata ngẽma Ĩã̱x i Ínapoõchixü̃wa ngẽxmaxü̃wa nangu nax namexẽẽxü̃.

Chacaría 1:16

Natürü ngẽma choxü̃́ nangechaü̃tümüxü̃gagu ya Yerucharéü̃, rü naxca̱x chataegu. Rü tá nüxü̃́ chanangúchaü̃xẽxẽ i norü duü̃xü̃gü nax wena namexẽẽgüãxü̃ca̱x ya chopata ya taxü̃ne, rü guxü̃nema ya yima ĩane —ñanagürü ga Tupana.