Chacaría 14:3 - Tupanaarü Ore

³ Natürü ngẽmawena i nüma ya Cori ya Tupana rü tá ngẽma nachixü̃anegümaxã nügü nadai ñoma churaragü norü uanügümaxã nügü daixgurüxü̃.

Chacaría 14:3 Referans Kwoze

Chacaría 12:9

Rü ngẽma ngunexü̃gügu rü tá chanadai i ngexü̃rüüxü̃mare i nachixü̃anecüã̱xgü i Yerucharéü̃ca̱x íyaxüãchixü̃.

Chofonía 3:19

Ngẽma ngunexü̃gu rü tá chanadai i guxü̃ma i ngẽma chixri pemaxã icua̱xgüxü̃. Rü tá pexü̃ charüngü̃xẽxẽxü̃ i pema nax pengearü poxü̃ruü̃ã́xü̃, ñoma wüxi i carnéru ibüyeparaxü̃ i ngearü poxü̃ã́xü̃rüxü̃. Rü pema nax pewoonexü̃ rü tá wena pexü̃ chanutaque̱xe. Rü ngẽma naanegü i ngextá duü̃xü̃gü pexü̃ ixoexü̃wa rü tá pexü̃ chatachigaxẽxẽ.

Joel 3:2

Rü wüxigu tá chanangutaque̱xexẽxẽ i guxü̃ma i ngẽma togü i nachixü̃anecüã̱xgü i duü̃xü̃gü, rü Yochapáxarü doxonexü̃wa tá chanagagü. Rü ngéma tá nixĩ i nüxna naxca̱x chacagüxü̃ ga yema chixexü̃ ga chorü duü̃xü̃gü ga Iraécüã̱xgümaxã naxügüxü̃. Yerü guxü̃ ga nachixü̃anegügu nanawoone ga Iraétanüxü̃, rü ñu̱xũchi ngẽma togü nügü nayanu ga yema chorü naane.

Norü taxre ga to ga popera ga ãẽ̱xgacügüchiga ümatüxü̃ 20:15

—Pa Ãẽ̱xgacü Pa Yochapáx, rü Pa Yudáanecüã̱xgü rü Pa Yerucharéü̃cüã̱xgüx, ¡rü mea iperüxĩnüe i ñaa ore i pemaxã tá nüxü̃ chixuxü̃! Rü Tupana rü ñanagürü pexü̃: “¡Taxṹ i pemuü̃exü̃ rü peba̱i̱xãchiexü̃ nape̱xewa i ngẽma muxũchixü̃ i churaragü! Rü ngẽma dai rü taxũtáma pemaxã nixĩ erü choma tá nixĩ i togü namaxã tadaixü̃.

Yochué 10:10

Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.

Yochué 10:14

Rü yemaacü Tupana ínayachaxãchixẽxẽ ga üa̱xcü rü tauemacü nagagu ga wüxi ga yatüarü yumüxẽ. Rü ü̃paacü rü taguma yemaacü nangupetü, rü woo yemawena rü taguma yemaacü nangupetü, yerü woetama Iraétanüxü̃étüwa naxü ga Tupana.

Neemía 4:14

Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chomaxã nangutaque̱xegüxü̃ca̱x, rü ñachagürü nüxü̃: —¡Taxṹ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃ rü pepatacüã̱xgü —ñachagürü nüxü̃.

Ichaía 29:7

Rü guxü̃ma i ngẽma muxũchixü̃ i uanügü i Yerucharéü̃ca̱x íyaxüãchixü̃ nax nagu napogüexü̃ca̱x i naxtapü̱xgü rü norü duü̃xü̃güxü̃ ínayauxü̃xü̃ca̱x rü tá nibuxmü. Rü ñoma wüxi i nanegürüxü̃ rüe̱xna wüxi i ngo̱xetürüxü̃ tá narütauxe.