Chacaría 13:2 - Tupanaarü Ore

² Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Chacaría 13:2 Referans Kwoze

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Ochéa 2:17

Rü tá nüxna chanachu̱xu nax tagutáma wena namaxã nadexaãchigüxü̃ca̱x i ngẽma tupananeta i Baágüéga.

Ínachoxü̃xü̃chiga 23:13

¡Rü peyangu̱xẽxẽ i guxü̃ma i ngẽma pemaxã nüxü̃ chixuxü̃! Rü tama chanaxwa̱xe nax ñuxgu tá pea̱xwa nüxü̃ chaxĩnüxü̃ i ta̱xacürü tupananetagüéga.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Echequié 30:13

Rü choma ya Cori ya Tupana rü ñacharügü: ‘Choma rü tá nagu chipogügü i ngẽma Equítuanearü tupananetachicüna̱xãgü. Rü ĩane ya Ménfiwa tá chayanaxoxẽxẽ i ngẽma tupananetagü i ngéma ngẽxmagüxü̃. Rü Equítuane rü tá nangearü ãẽ̱xgacüã̱x. Rü choma rü tá chanamuü̃xẽxẽ i guxü̃ma i ngẽma duü̃xü̃gü i ngéma maxẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Ore i mexü̃ ga Luca ümatüxü̃ 11:20

Natürü pemaxã nüxü̃ chixu rü aixcüma Tupanaarü poramaxã nixĩ i íchanawoxü̃xü̃ i ngo̱xogü. Rü ngẽmawa pexü̃ nüxü̃ chacua̱xẽxẽ nax núma petanüwa nanguxü̃ ya Tupana nax ãẽ̱xgacü yixĩxü̃ca̱x.

Ore i mexü̃ ga Matéu ümatüxü̃ 12:43

Rü ngẽxguma wüxi i ngo̱xo rü wüxi ya yatüwa ínaxũũxgu, rü dauxchitawa i ngextá taxúema íxãpataxü̃wa rü nu ne nanaxũmare. Rü naxca̱x nadau nax ngexta nax nangü̃xü̃ca̱x. Rü ngẽxguma taxuguma nüxü̃ iyangauxgu nax ngexta nangüxü̃, rü nagu narüxĩnü nax wena nataeguxü̃ naxca̱x ya yimá yatü ga noxri nawa ínaxũxũchirécü. Rü ngẽxguma nataeguxgu, rü nüxü̃ inayangau ya yimá yatü nax ñoma wüxi ya ĩ ya ingeãcune rü mexẽéne rü mea nabixichinerüxü̃ nax yixĩxü̃.

Chofonía 2:11

Rü nüma ya Cori ya Tupana rü poraãcü tá namaxã nanu. Rü nagu tá nipogügü i ngẽma nachixü̃anearü tupananetachicüna̱xãgü. Rü ñu̱xũchi guxü̃ i nachixü̃anegüwa rü tá Cori ya Tupanaxü̃ nicua̱xüü̃gü, rü woo ngẽma duü̃xü̃gü i capaxũgüwa maxẽxü̃ rü tá nüxü̃ nicua̱xüü̃gü.

Miquéa 2:11

Rü ngẽxguma chi ínanguxgu i wüxi i orearü uruü̃neta i doraxü̃mare ixuxü̃, rü ñaxgu: “Rü ñu̱xma rü choma rü chanaxunagü rü marü name i peyaxaxüxü̃ i bínu rü tooma i axchixügü”, ñaxgu, rü pexca̱x rü ngẽma nixĩ i wüxi i mexü̃ma i orearü uruxü̃ ixĩxü̃ —ñanagürü ya Tupana.

Echequié 37:23

Rü taxũtáma nüxü̃ nicua̱xüü̃gü i ngẽma tupananetachicüna̱xãgü i nawa chanaxoxégaxü̃. Rü taxũtáma chixexü̃ i nacümagu namaxẽ. Rü choma rü tá nawa íchananguxü̃xẽxẽ i ngẽma nacüma i naxca̱x choxü̃ naxoexü̃. Rü yema chixexü̃gü ga naxügüxü̃ rü tá nüxü̃́ nüxü̃ icharüngüma. Rü nümagü i Iraétanüxü̃ rü tá chorü duü̃xü̃gü nixĩgü rü choma rü tá norü Tupana chixĩ.

Echequié 14:9

Rü ngẽxguma wüxi i orearü uruü̃neta doraxü̃ ixuxgu, rü ngẽmaãcü tá nixĩ erü tama nüxna chanachu̱xu nax nüxü̃ yaxuxü̃ca̱x i ngẽma dora. Rü choma rü tá chanapoxcu, rü ñu̱xũchi chorü duü̃xü̃gü i Iraétanüxü̃pe̱xewa tá chanayuxẽxẽ.

Echequié 13:23

Rü ngẽmaca̱x i pema rü taxũtáma wena doraxü̃ pedaugü rü doraxü̃ pixugü. Choma rü tá pexme̱xwa íchananguxü̃xẽxẽ i ngẽma chorü duü̃xü̃gü. Rü ngẽxguma i pema rü tá nüxü̃ picua̱xãchitanü nax choma chixĩxü̃ ya Cori ya Tupana’ ” —ñanagürü.

Yeremía 29:23

Rü ngẽmaãcü tá nangupetü yerü Iraéanewa rü taxü̃ ga chixexü̃ naxügü. Rü namücüma̱xmaxã namaxẽ. Rü chauégagu nüxü̃ nixugüe ga doramare ixĩxü̃ ga choma tama namaxã nüxü̃ chixuxü̃ nax nüxü̃ yaxugüxü̃ca̱x. Rü choma rü meama nüxü̃ chacua̱x i ngẽma erü nüxü̃ chadau nax ngẽma naxüxü̃” —ñanagürü ga Tupana.

Ichaía 2:20

Rü ngẽma ngunexü̃gu rü duü̃xü̃gü rü tá ü̃cagüna rü chü̱xürigüna nanawoxochitanü i norü tupananetachicüna̱xãgü i úirunaxca̱x rü diẽrumünaxca̱x i nümatama ínaxüxüxü̃ nax nüxü̃ yacua̱xüü̃güxü̃ca̱x.

Ichaía 2:18

Rü nüma rü tá inayanaxoxẽxẽ i guxü̃ma i ngẽma tupananetachicüna̱xãgü.

Wiyaegü 16:4

Natürü ngẽma naxchicüna̱xãgüxü̃ icua̱xüü̃güxü̃ rü tá ngúxü̃ ningegü. Rü choma rü tagutáma norü tupananetagüca̱x ãmareruxü̃ i nagü chaba. Rü bai i cha̱u̱a̱xmaxã tá nüxü̃ chixu i naégagü i ngẽma tupananetagü.

Yochué 23:7

¡Rü taxũtáma namaxã pixãxma̱xgü rü pixãtegü i ngẽma togü i duü̃xü̃gü i ñu̱xma rü ta petanügu ãchiü̃güxü̃! ¡Rü taxũtáma norü tupanaxü̃ picua̱xüü̃gü, rü bai tá i naga pexĩnüe, rü bai tá i norü tupanaéga penaxuxuchi, rü bai tá i norü tupanaégagu mexü̃ pexuegu!

Wenaxarü naxümatü ga Tupanaarü mugü 12:3

¡Rü nagu pepogüe i norü ãmarearü guruü̃gü, rü íxraxü̃gu penapo ya yima nutagü ya namaxã natupanaã̱xgücü. Rü ípenagu i ngẽma Acheráchicüna̱xã i nainaxca̱x i nüxü̃ yacua̱xüü̃güxü̃. Rü nagu pepogüe i norü tupanachicüna̱xãgü! ¡Rü ípenapigü i naégagü i ngẽma norü tupanagü nax taxuwama nüxna nacua̱xãchiegüxü̃ca̱x!

Ínachoxü̃xü̃chiga 22:13

Rü ngẽxguma wüxi i ai yayaxu̱xgu i ngẽma naxü̃na rü yíxema norü dauruxü̃ ixĩxẽ rü name nax ítayangexü̃ i ngẽma ai íyaxüxẽẽxü̃ nax ngẽmaãcü norü yoraxü̃ tanawéxü̃ca̱x rü tama tanaxütanüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:2

Rü tagaãcü ñanagürü: “Marü nagu narüchixe. Marü nagu narüchixe ya yima ĩane ya taxü̃ne ya Babirónia. Rü ñu̱xma rü ngo̱xogüchiü̃ nixĩ rü naguxü̃raü̃xü̃ i naãxẽ i chixexü̃güchiü̃ nixĩ. Rü ñu̱xma rü ngẽxma naxãchiü̃ i naguxü̃raü̃xü̃ i ngurucugü rü werigü i chixexü̃ i duü̃xü̃gü naxchi aiexü̃.

Ore i mexü̃ ga Matéu ümatüxü̃ 7:15

Rü naxca̱x pexuãẽgü i ngẽma dorata̱a̱xgüxü̃ i nügü ixugünetaxü̃ nax Tupanaarü orearü uruü̃gü yixĩgüxü̃. Erü nümagü rü ñoma carnérugü i tama ãũcümaxü̃rüxü̃ pepe̱xewa nügü nixĩgüxẽxẽ, natürü norü ĩnüwa rü ñoma dauxchitacüã̱x i airugü i düraexü̃rüxü̃ nixĩgü.

Ochéa 14:8

Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Echequié 6:6

Rü guxü̃ma i ngẽma naane i nawa pemaxẽxü̃arü ĩanegü rü tá inayarüxo. Rü ngẽma perü tupananetagüarü ãmarearü guruü̃gü rü tá nagu nipogügü. Rü ngẽmaãcü i ngẽma ãmarearü guruü̃gü rü tá noxtacüma nayarüxo. Rü ngẽma perü tupananetachicüna̱xãgü rü íxraxü̃gu tá napoü̃gü. Rü ngẽma perü pumaraarü guruü̃gü rü tá niwa̱xgü. Rü guxü̃táma i ngẽma pema pexügüxü̃ rü tá inayarüxo.

Echequié 12:24

Rü Iraétanüxü̃tanüwa rü marü nataxutama i ngo̱xetügü i doramare ixĩxü̃, rü marü taxúetama nüxü̃ tixu i ngẽma tá ngupetüxü̃ i doramare ixĩxü̃.

Echequié 36:29

Rü pexna tá chayaxũgachixẽxẽ i guxü̃ma i ta̱xacü i chixexü̃ i nagu perüxĩnüexü̃ rü perü maxü̃ chixexẽẽxü̃. Rü tá chayamuxẽxẽ i perü trigu. Rü taxũtáma wena taiya pexca̱x íchanguxẽxẽ.

Wenaxarü naxümatü ga Tupanaarü mugü 18:20

Natürü ngẽma orearü uruxü̃ i nüxü̃ ixuxü̃ i ngẽma tama choma chanamuxü̃ nax nüxü̃ yaxuxü̃ca̱x, rüe̱xna ta̱xacürü tupananetaégagu idexaxü̃, rü yu tá namaxã pexuegu.

Echequié 43:7

Rü choxü̃ ñanagürü: —Ñaa nixĩ i cha̱u̱xma̱xwe̱xechica, rü nachica i nagu chacuaixcutüxü̃. Rü ñaa nachicawa tá nixĩ i guxü̃gutáma Iraégütanügüwa chamaxü̃xü̃. Rü woo Iraétanüxü̃, rü woo norü ãẽ̱xgacügü rü taxũtáma wena norü tupananetagüca̱x nanaxãũãchixẽxẽ i chauéga i üünexü̃. Rü taxũtáma norü ãẽ̱xgacügü i yuexü̃chique̱xewa naxĩ nax nüxü̃ yacua̱xüü̃güxü̃ca̱x.

Ochéa 2:19

Rü ngẽmaãcü, Pa Iraéanecüã̱xgüx, choma rü tá wena pexü̃ chade nax guxü̃gutáma choxrü pixĩgüxü̃ca̱x. Rü ngẽmaãcü tá aixcümaxü̃chi choxrü pixĩgü ngẽma mugü nüxü̃ ixuxü̃rüxü̃, erü poraãcü pexü̃ changechaü̃.