Chacaría 12:8 - Tupanaarü Ore

⁸ Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Chacaría 12:8 Referans Kwoze

Chacaría 9:8

Choma rü íchamemare nax íchanapoxü̃xü̃ i ngẽma chorü duü̃xü̃gü nape̱xewa i ngẽma norü uanügü. Rü ngẽma to i nachixü̃anearü ãẽ̱xgacü i noxri chixri namaxã icuáxü̃ rü tagutáma wena namaxã inacua̱x. Erü ñu̱xma rü chomaxü̃chima nüxna chadau i chorü duü̃xü̃gü —ñanagürü.

Chacaría 2:5

Natürü Tupana rü nüxü̃ nixu rü ñanagürü: ‘Chomatama tá nixĩ i norü poxeguxü̃ruxü̃ i üxüemanaxca̱x chixĩxü̃. Rü yima ĩanearü ngãxü̃wa tá chanango̱xẽxẽ i chorü pora rü chorü üüne’ ” —ñanagürü ya Tupana.

Miquéa 7:16

Rü ngẽmaãcü i ngẽma togü i nachixü̃anegüarü duü̃xü̃gü rü tá nüxü̃ nadaugü i ngẽma taxü̃ i mexü̃gü i curü poramaxã cuxüxü̃. Rü ngẽxguma i nümagü rü tá cupe̱xewa naxãnee rü tá nangea̱xgümare rü tá nügü narüdütamachi̱xẽgü.

Miquéa 7:8

Pa Chorü Uanüx ¡taxṹ i cutaãxẽxü̃ nax guxchaxü̃ choxü̃ ngupetüxü̃! Erü woo ichayanguxgu, natürü wena táxarü ícharüdaama. Rü woo ẽanexü̃wa changexmagu i ñu̱xmax, rü nümatama ya Cori ya Tupana rü chorü omü nixĩ.

Joel 3:10

¡Rü ngẽma perü lampagüwa taragü pexügü! ¡Rü perü tríguarü wiiruü̃güwa wocaegü pexügü! Rü yíxema tama poraxe rü name i ñatagürü: “Choma rü chapora”, ñatagürü.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:13

Choma nixĩ i norü ügü i guxü̃ma, rü chowa nixĩ i yacuáxü̃, rü nataxuma i ta̱xacü i nüxíra ngẽxmaxü̃ rü nataxuma i ta̱xacü i choweama üxü̃.

Popera ga Yudíugü ga yaxõgüxü̃ca̱x ümatüxü̃ 11:34

Rü yexguma norü uanügü üxüxétüwa yawocuxgu, rü tama nixae, yerü Tupanaaxü̃́ nayaxõgü. Rü yexguma norü uanügü taramaxã nadaixchaü̃gu, rü Tupana nüxü̃ narüngü̃xẽxẽ nax taxuxü̃ma nüxü̃ üpetüxü̃ca̱x. Rü yexguma naturaegu rü Tupana nanaporaexẽxẽ. Rü yexguma to ga nachixü̃anearü churaragümaxã nügü nadaixgu rü naporaeama, rü yema churaragüxü̃ narüyexeragü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Miquéa 5:8

Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Ochéa 12:3

Rü nũxcümacürüwa naxü̃pa nax nabuxü̃ ga perü o̱xi ga Acóbu, rü naenexẽxü̃ nanapuchica. Rü yexguma marü naya̱xgu rü Tupanamaxã nügü nawogü.

Yeremía 27:10

Erü ngẽma ucu̱xẽ i pemaxã nüxü̃ ixuxü̃ rü doramare nixĩ. Rü ngẽxguma naga pexĩnüegu rü perü uanügü tá pechixü̃anewa pexü̃ ínagaxü̃ rü ngẽmaãcü i choma rü tá to i nachixü̃anegu pexü̃ chawoone nax ngẽxma peyuexü̃ca̱x.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 30:26

Rü nüma ya Cori ya Tupana rü tá norü duü̃xü̃güarü o̱xrigü nixüxü̃gü rü ñu̱xũchi nüxü̃ nayana̱i̱xgü. Rü yimá tauemacü rü ñoma üa̱xcürüxü̃ tá poraãcü inabaxi. Rü ngẽma üa̱xcüema rü 7 e̱xpü̱xcüna tá yexera nanaiemaxüchi, ñoma 7 ya üa̱xcü nügüxü̃tawa ibáxixü̃rüxü̃.

Wiyaegü 82:6

Rü choma rü marü pexü̃ chaxuxgu rü tupanagü pixĩgü erü chauxacügü pixĩgü i choma nax Guxãétüwa Changexmaxü̃.

Ochéa 1:7

Natürü ngẽma Yudáanecüã̱xgü rü tá choxü̃́ nangechaü̃tümüxü̃gü. Rü chomatama i norü Tupana nax chixĩxü̃ rü tá norü uanügüna íchanapoxü̃. Natürü taxũtáma ta̱xacürü churaragümaxã rüe̱xna naxnegümaxã rüe̱xna ngẽma churaragü i cowaruã́xü̃maxã tá norü uanügüna íchanapoxü̃ —ñanagürü ga Tupana.

Ínachoxü̃xü̃chiga 14:19

Rü yexgumatama ga yema Tupanaarü duü̃xü̃ ga daxũcüã̱x rü yema caixanexü̃ ga noxri Iraétanüxü̃pe̱xegu ĩchiréxü̃ rü wixweama naxĩ.

Ínachoxü̃xü̃chiga 33:2

Rü choma rü tá cupe̱xegu chayaxũxẽxẽ i chorü orearü ngeruxü̃ i dauxü̃cüã̱x nax cumaxã inacuáxü̃ca̱x. Rü ngẽma naanewa tá íchanawoxü̃ i ngẽma Canaáü̃tanüxü̃, rü Amoréutanüxü̃, rü Itítanüxü̃, rü Ferechéutanüxü̃, rü Ebéutanüxü̃, rü Yebuchéutanüxü̃.

Lebítanüxü̃arü puracüchiga 26:8

Rü wüxime̱e̱xpü̱x i pema rü tá peyabuxmüxẽxẽ i 100 i perü uanügü. Rü 100 i pema rü tá peyabuxmüxẽxẽ i 10,000 i perü uanügü. Rü perü taramaxã tá penadai i perü uanügü.

Yochué 23:10

Rü wüxíetama i pema rü pexü̃́ natauxcha nax 1,000 i duü̃xü̃güxü̃ pixüxẽẽxü̃, erü Cori ya perü Tupana rü peétüwa naxǘ rü pexca̱x nügü namaxã nadai, yema nümatama pemaxã inaxunetaxü̃rüxü̃.

Wiyaegü 8:5

Rü wixgutaa̱x cugürüxü̃ cuyaxĩxẽxẽ ya yimá yatü, rü nüxna cunaxã i pora rü cua̱x.

Ichaía 31:4

Rü nüma ya Cori ya Tupana rü choxü̃ ñanagürü: —Wüxi i leóü̃ i carnéruxacü tüxü̃ imáxü̃ rü tama niña ega woo guxü̃ma i ngẽma carnérugüarü dauruü̃gü wüxigu aita naétü üegu. Rü ngẽxgumarüxü̃ tá nixĩ ya Cori ya Tupana ya Guxü̃étüwa Ngẽxmacü i ngẽxguma ma̱xpǘne ya Chióü̃gu ínaxĩ̱xgu nax Yerucharéü̃xü̃ ínapoxü̃xü̃ca̱x.

Chacaría 9:14

Rü nüma ya Cori ya Tupana rü tá norü duü̃xü̃gütanüwa nügü nawe̱x. Rü ngẽxguma nama̱xgüãgu i norü chuxchigü rü ñoma ãẽmacürüxü̃ tá nixĩgü. Rü nüma ya Cori ya Tupana rü tá nagu nicue i norü trompéta. Rü ñoma buanecü ya tacü ya súrwaama ne ũcügurüxü̃ tá nixũ.

Ichaía 33:24

Rü ngẽma ngunexü̃gügu rü taxúxetáma ya Yerucharéü̃cüã̱x rü ñatagürü: —Chidaxawe —ñatagürü. Rü ngẽma Chióü̃cüã̱xarü pecadugü rü nüma ya Cori ya Tupana rü tá nüxü̃́ nüxü̃ narüngüma.

Chacaría 10:7

Rü Efraíü̃tanüxü̃ rü ñoma churara i poraxü̃rüxü̃ tá nixĩgü. Rü norü maxü̃newa rü tá nataãẽgü ñoma bínu yaxãgügurüxü̃. Rü ngẽmaxü̃ nadaugügu i nanegü rü naxacügü rü tá ta nataãẽgü. Rü ngẽma Cori naxca̱x ügüxü̃ca̱x tá nixĩ i nataãẽgüxü̃.